جەڭىل جەڭىس ەلەسى جانە قۇمار ويىن سايتتارىنىڭ قولجەتىمدىلىگى ادامدى وسال ەتەدى. كوزدى اشىپ جۇمعانشا ويىنشى ءوز قاراجاتىن عانا ەمەس، جاقىندارىنىڭ مۇلكىنەن دە ايىرىلادى. لۋدومانيا ادامداردى تۇراقتى ەكونوميكالىق جانە جەكە داعدارىس جاعدايىنا الىپ اكەلەدى.
تەحنولوگيانىڭ دامۋىمەن ونلاين باستەر مەن ونلاين ويىندار كەڭ تانىلا باستادى. سوندىقتان الەمنىڭ كوپتەگەن ەلدەرى قۇمار ويىندار نارىعىن باقىلاۋدىڭ ونلاين قۇرالدارىن ەنگىزىپ جاتىر. مۇنداي شارالار يتاليا، يسپانيا، فرانسيا، گەرمانيا مەن اقش-تىڭ كەيبىر شتاتتارىندا قابىلدانعان.
تانىمال حالىقارالىق ۇلگىدە جاسالعان «ءبىرىڭعاي ەسەپكە الۋ جۇيەسى» ءدال ءقازىر ءبىزدىڭ ەل ءۇشىن دە وزەكتى. جۇيەنى ەنگىزۋ ارقىلى ويىن نارىعىن جۇيەلەۋگە، ونى بارىنشا اشىق ەتۋگە بولادى.
«ءبىرىڭعاي ەسەپكە الۋ جۇيەسى» اۋقىمى كەڭ ماسەلەلەردى شەشپەك: لۋدومانيا مەن زاڭسىز قۇمار ويىندارعا قارسى كۇرەس، كامەلەتكە تولماعان جانە دە الەۋمەتتىك وسال توپتى قورعايدى جانە ت.ب. قاراپايىم مىسال، جالعان جەكە كۋالىك ارقىلى تىركەلۋگە جول بەرىلمەيدى. بۋكمەكەرلىك كەڭسەنىڭ سايتىنا كىرگەن ادام تىركەۋ كەزىندە ءوزىنىڭ تەگىن، اتىن، اكەسىنىڭ اتىن، جسن جانە باسقا دا دەرەكتەردى ەنگىزەدى. ول راستاۋ كودى بار SMS كەلەتىن تەلەفون ءنومىرىن تىركەيدى.
سودان كەيىن پايدالانۋشى بيومەتريالىق سايكەستەندىرۋدەن ءوتۋى كەرەك. وسىلايشا، ءۇشىنشى تۇلعانىڭ اتىنان ويناۋ مۇمكىندىگى جوققا شىعارىلادى.
