Jeńil jeńis elesi jáne qumar oiyn saittarynyń qoljetimdiligi adamdy osal etedi. Kózdi ashyp jumǵansha oiynshy óz qarajatyn ǵana emes, jaqyndarynyń múlkinen de aiyrylady. Lýdomaniia adamdardy turaqty ekonomikalyq jáne jeke daǵdarys jaǵdaiyna alyp ákeledi.
Tehnologiianyń damýymen onlain báster men onlain oiyndar keń tanyla bastady. Sondyqtan álemniń kóptegen elderi qumar oiyndar naryǵyn baqylaýdyń onlain quraldaryn engizip jatyr. Mundai sharalar Italiia, Ispaniia, Frantsiia, Germaniia men AQSh-tyń keibir shtattarynda qabyldanǵan.
Tanymal halyqaralyq úlgide jasalǵan «Biryńǵai esepke alý júiesi» dál qazir bizdiń el úshin de ózekti. Júieni engizý arqyly oiyn naryǵyn júieleýge, ony barynsha ashyq etýge bolady.
«Birińǵai esepke alý júiesi» aýqymy keń máselelerdi sheshpek: lýdomaniia men zańsyz qumar oiyndarǵa qarsy kúres, kámeletke tolmaǵan jáne de áleýmettik osal topty qorǵaidy jáne t.b. Qarapaiym mysal, jalǵan jeke kýálik arqyly tirkelýge jol berilmeidi. Býkmekerlik keńseniń saityna kirgen adam tirkeý kezinde óziniń tegin, atyn, ákesiniń atyn, JSN jáne basqa da derekterdi engizedi. Ol rastaý kody bar SMS keletin telefon nómirin tirkeidi.
Sodan keiin paidalanýshy biometriialyq sáikestendirýden ótýi kerek. Osylaisha, úshinshi tulǵanyń atynan oinaý múmkindigi joqqa shyǵarylady.
