2020 جىلدىڭ قاڭتار ايىنان باستاپ ەلوردالىق ەنەرگەتيكتەردىڭ ەڭبەكاقىسى 20%-دان استامعا كوتەرىلەدى.
– سىزدەر ۇيلەر مەن قالانىڭ بارلىق نىساندارىن جىلۋمەن قامتاماسىز ەتەسىز. اۋا-رايىنىڭ قولايسىزدىعىنا قاراماستان، كۇندىز-تۇنى، اسىرەسە قىس ۋاقىتىندا ادال ەڭبەك اتقارىپ كەلەسىزدەر. قىسقى كەزەڭدە جۇمىس جۇكتەمەسى ەكى ەسە ارتادى. جۇمىسىڭىزدى جوعارى باعالايمىز. ادال ءارى قاجىرلى ەڭبەگىڭىز ءۇشىن العىس بىلدىرەمىن. مەرەيلى مەرەكەڭىزبەن قۇتتىقتاي وتىرىپ، دەنىڭىزگە ساۋلىق، وتباسىڭىزعا باق-بەرەكە تىلەيمىن.
جاس مامانداردى باسپانامەن قامتاماسىز ەتۋ ءۇشىن مەملەكەت باسشىسىنىڭ تاپسىرماسىنا سايكەس جۇمىس ىستەيتىن جاستارعا ارنالعان جالدامالى تۇرعىن ءۇي باعدارلاماسى جۇمىس ىستەيدى. ءقازىر جاس ماماندار ۇيگە قونىستانىپ جاتىر. سونداي-اق، باسقا دا ءبىرقاتار تۇرعىن ءۇي باعدارلامالارى بار، كەلەسى جىلدان باستاپ قولجەتىمدى تۇرعىن ءۇي قۇرىلىسىنىڭ كولەمىن ءۇش ەسە ۇلعايتامىز، – دەدى قالا اكىمى التاي كولگىنوۆ.
سونداي-اق، التاي كولگىنوۆتىڭ تاپسىرماسى بويىنشا 2020 جىلدىڭ باسىنان باستاپ ەلوردانىڭ كوممۋنالدىق قىزمەتشىلەرىنىڭ جالاقىسى ارتادى.
