بۇل جەڭىس بوز كىلەم شەبەرى اتانعان بالۋان قىزدارىمىزدىڭ العاشقى جۇلدەسى ەمەس. جىل باسىنان بەرى انەل قايرات قىزى قىزىلوردا، قوستاناي، سەمەي، تۇركىستان، اقتوبە، تاشكەنت قالالارىندا وتكىزىلگەن سامبودان قازاقستان رەسپۋبليكاسىنىڭ چەمپيوناتىندا جۇلدەلى ورىنداردى يەلەنىپ جۇرسە، اقنۇر بەيسەنبەك قىزى اقتوبە، ورال، جانە ت.ب. قالالاردا وتكىزىلگەن دودالاردىڭ قولا جۇلدەگەرى اتانعان.
جاس بولسا دا ەلدىڭ ءور نامىسىن ارقالاپ جۇرگەن قوس قارىنداسىمىزعا سپورت سالاسىندا الەم چەمپيوناتىنان باستاپ، وليمپيادا بيىگىن باعىندىرىڭدار دەگەن تىلەگىمدى جەتكىزىپ، ارنايى سىي-سياپاتتارىمدى تابىس ەتتىم.
الاكولدەي قۇتتى مەكەننىڭ كەرەمەت اۋاسىمەن تىنىستاپ جۇرگەن جاس چەمپيوندارىمىزدىڭ الار اسۋلارى ءالى الدا دەپ بىلەمىن. وسى بەتتەرىنەن قالىسپاي، دارىن-داعدىلارىنىڭ ارقاسىندا الەمدىك باسەكەلەستىكتە دە الدا جۇرەتىندەرى كۇمانسىز. ايتا كەتەرلىگى، بۇگىندە الەمدىك دەڭگەيدە «قازاقستاندىق جاستار» دەگەن برەندتى قالىپتاستىرۋدا وسىنداي ۇل-قىزدارىمىزدىڭ ەرەن ەڭبەگى وتە باعالى بولىپ وتىر.
قاسيەت ارستان،
الاكول اۋدانى اكىمىنىڭ
ءباسپاسوز-حاتشىسى
