تابىسقا جەتكٸزەر مىڭداعان ويلارىن ورتاعا سالىپ, جٷيەلٸ بيزنەس جوسپار قۇرىپ, كەسٸبٸنٸڭ تۇراقتى ەرٸ قولايلى ەكەنٸن دەلەلدەگەن جاندار مەملەكەت تاراپىنان ارنايى گرانتقا قول جەتكٸزدٸ. جارتىلاي جەڭٸستٸ قانجىعالارىنا بايلاعاندار بٷگٸندە ٶز ٸسٸن جالعاستىرۋدا.
«ەڭبەكتٸڭ» ەبٸن تاپقانداردىڭ بٸرٸ – قالامقاس قاسىموۆا. ول دوستىق اۋىلىنىڭ تۇرعىنى. «باستاۋ بيزنەس» جوباسى نەگٸزٸندە بٸلٸم الىپ, «Kasia de Maria» جك-سٸن تٸركەگەن. ٷكٸمەتتەن العان 583 مىڭ قايتارىمسىز گرانتقا ٶز اۋىلىندا كيٸم تٸگەتٸن اتەلە اشتى. جۇمىسىن جالعاستىرۋعا قاجەتتٸ قۇرالداردى ساتىپ الىپ, تۇرعىندارعا ساپالى ەرٸ قولجەتٸمدٸ باعادا قىزمەت كٶرسەتۋدە.
– نارىق بٷيٸردەن قىسقاندا بٸر ايلىققا قاراپ وتىرۋ مٷمكٸن ەمەس. ٶزٸمنٸڭ جەكە ٸسٸمدٸ اشۋ ارمانىم ەدٸ. شاعىن كەسٸپ باستاۋعا مەملەكەتتەن قارجىلاي قولداۋ بەرٸلەتٸنٸن ەستٸپ, قاجەتتٸ بٸلٸمدٸ الىپ, قۇجاتتاردى رەتكە كەلتٸردٸم. مەن باستايتىن كەسٸپتٸڭ ەلگە قادەت ەكەنٸن كٶقرسەتۋ ارقىلى جوبامدى قورعاپ, كٶزدەگەنٸمە جەتتٸم, – دەيدٸ كەسٸپكەر قىز.
تٸگٸن ماشيناسىڭ قۇلاعىندا ويناعان ٸسمەر ارۋ, بۇنىمەن توقتاپ قالماق ەمەس. قالامقاس الداعى ۋاقىتتا قول استىنداعى جۇمىسشىلار سانىن ۇلعايتىپ, مٷمكٸندٸكتەردٸ تيٸمدٸ پايدالانا وتىرىپ, كەسٸبٸن ۇلعايتۋعا بارىن سالۋدا.
دەل وسىلاي جەكە كەسٸپكە قىزىعۋشىلىق تانىتقانداردىڭ قاتارىندا قۇناپييا مەدەنبەك تە بار. ول دا «باستاۋ بيزنەس» جوباسى ارقىلى كەسٸپكەرلٸك جايلى بٸلگەن-تٷيگەندەرٸن جەتٸلدٸرٸپ, مەملەكەتتەن قولداۋ تاپقان. ول اۆتو كٶلٸكتەردٸ كٶتەرەتٸن تەحنيكالاردى الىپ, قولجەتٸمدٸ باعادا قىزمەت كٶرسەتۋدٸ قولىنا العان. ولدا قالامقاس سىندى مەملەكەتتەن بەرٸلگەن 583 مىڭ تەڭگەنٸ العان. ارتىنشا, «كازرەمونت» جك-سٸن رەسٸمدەپ, ٷشارال قالاسىندا كٶلٸك جٶندەۋ ورتالىعىن اشتى.
– سوناۋ بالالىق شاقتان-اق تەحنيكا دەگەنگە ٷيٸر بولدىم. ٷيدٸڭ ٷلكەندەرٸنە ەلٸكتەپ, تٷرلٸ كٶلٸكتەردٸ جٶندەگەندە تاپجىلماي قاراپ وتىراتىنمىن. بۇل ٸس ماعان قاتتى ۇنايدى. ٶزٸمشە تەمٸر-تەرسەكتٸ شۇقىلاپ, جٶندەۋگە سەپتەسۋگە قىزىقتىم. ٶسە كەلە قىزىعۋشىلىعىم كەسٸبٸمە اينالدى. ارنايى گرانت ۇتىپ, مٸنە, ٶز ٸسٸمدٸ باستادىم. قۋانىشىمدا شەك جوق, سەبەبٸ جاڭادان كەسٸپ باستاۋىما بۇل باعدارلاما ٷلكەن كٶمەك تيگٸزدٸ, – دەيدٸ قۇناپييا مەدەنبەك.
قازٸرگٸ تاڭدا اتالعان باعدارلامانىڭ يگٸلٸگٸن كٶرٸپ جاتقان الاكٶلدٸكتەر جەتەرلٸك. كٶپشٸلٸگٸ تٶرت تٷلٸكتەن تابىس تابۋعا نيەت ەتسە, زامانعا ساي قىزمەت كٶرسەتۋگە دە قۇلشىنىس تانىتىپ وتىرعاندار دا جەتەرلٸك. باستىسى ەكٸ قولعا بٸر كٷرەك تابىلىپ, كەٸسٸپتٸڭ نەسٸبٸن كٶرٸپ, نەپاقاسىن ايىرىپ وتىر.
