اباي وبلىسىنىڭ ەكٸمٸ بەرٸك ۋەلي جۇمىس ساپارىمەن ماقانشى اۋدانىنا كەلدٸ. ايماق باسشىسى ساپارىن الاكٶل كٶلٸنٸڭ جاعالاۋىندا جٷرگٸزٸلٸپ جاتقان اباتتاندىرۋ جۇمىستارىمەن تانىسۋدان باستادى, – دەپ حابارلايدى Dalanews.kz
بۇعان دەيٸن تۇرعىندار تاراپىنان جاعالاۋداعى ارباتتىڭ جاعدايىنا بايلانىستى سىن كٶپ ايتىلعان ەدٸ. قازٸرگٸ ۋاقىتتا اربات جاڭارتىلىپ, بوياۋ, سىرلاۋ جۇمىستارى جٷرگٸزٸلۋدە. بۇدان بٶلەك جاعالاۋداعى ەسكٸرگەن تەمٸر جاقتاۋلار تولىق اۋىستىرىلۋدا.
"بيىل وبلىس ەكٸمدٸگٸنەن بٶلٸنگەن قاراجاتقا تۋريستٸك ايماقتا اۋقىمدى جۇمىس جٷرگٸزٸلەدٸ. جاعالاۋداعى 5 شاقىرىمعا جۋىق جولعا اسفالت تٶسەلەدٸ, 10 مودۋلدٸ, 15 بيودەرەتحانا, 40-تان استام كيٸم اۋىستىراتىن كابينالار قويىلادى, قوقىس جەشٸكتەرٸ مەن بەينەباقىلاۋ كامەرالارىنىڭ سانى ارتادى. جاعالاۋدى نىعايتۋ ٷشٸن پيرس جەنە قالقىما ورناتىلادى", - دەيدٸ اۋدان ەكٸمٸ دەۋرەن قويگەلدين.
تۋريستەر كٶپ كەلەتٸن ارباتتىڭ جٷكتەمەسٸن ازايتۋ ٷشٸن جاڭا قوعامدىق كەڭٸستٸك سالىنادى. مۇندا 100 ادامعا ارنالعان ساۋدا-ساتتىق ورىندارى قاراستىرىلادى, ٷلكەن ساحنا, سۋبۇرقاق سالىنادى, تۇرعىندار سەرۋەندەيتٸن ارنايى الاڭ بولادى.
قازٸرگٸ ۋاقىتتا جەردٸ تەگٸستەۋ, كەراميكالىق تاقتايشالاردى تٶسەۋ جەنە قورشاۋ ورناتۋ جۇمىستارى باستالعان. قوعامدىق كەڭٸستٸك قۇرىلىسى 1 شٸلدەگە دەيٸن اياقتالادى. ايماق باسشىسى اربات پەن جاعالاۋدى ارالاپ, جاڭا قوعامدىق كەڭٸستٸكتٸڭ ورنىن كٶرٸپ, اۋدان ەكٸمٸنە اباتتاندىرۋ جۇمىسىن ساپالى ەرٸ ۋاقتىلى اياقتاۋدى تاپسىردى.
"وسىدان ەكٸ اي بۇرىن الاكٶلگە ارنايى كەلٸپ, قاجەتتٸلٸكتەردٸ بٸلٸپ, بارلىق مەسەلەلەرمەن تانىسقان بولاتىنمىن. حالىق كٶپ كەلەتٸن تۋريستٸك ايماقتا 2018 جىلدان بەرٸ جٶندەۋ جۇمىستارى جٷرگٸزٸلمەگەن ەكەن. وسىنى ەسكەرە وتىرىپ, وبلىستىق بيۋدجەتتەن 658 ميلليون تەڭگە قارجى بٶلدٸك. قازٸر اباتتاندىرۋ جۇمىستارى قارقىندى جٷرگٸزٸلٸپ جاتىر. ماقساتىمىز – دەمالۋشىلارعا جايلى جاعداي جاساۋ. سۋعا تٷسۋ ماۋسىمى اشىلعانعا دەيٸن بارلىق جۇمىستى ساپالى اياقتاۋىمىز كەرەك",- دەدٸ وبلىس ەكٸمٸ.
جازعى دەمالىس ماۋسىمىندا الاكٶل جاعالاۋىندا قاۋٸپسٸزدٸكتٸ قامتاماسىز ەتۋ ٷشٸن 40 پوليتسييا قىزمەتكەرٸ جۇمىلدىرىلادى. ٶرت قاۋٸپسٸزدٸگٸن ساقتاۋ ماقساتىندا تٶتەنشە جاعدايلار دەپارتامەنتٸنٸڭ قىزمەتكەرلەرٸ كەزەكشٸلٸككە تارتىلىپ, ٶرت سٶندٸرۋ كٶلٸكتەرٸ جۇمىس ٸستەيدٸ.
