قازاقستان رەسپۋبليكاسىنىڭ مەملەكەتتٸك كەڭەسشٸسٸ ەرلان قارين "بٸرلٸك پەن دامۋ: مەملەكەت باسشىسى قاسىم-جومارت توقاەۆتىڭ ساياسي باعدارىنىڭ باستى نەگٸزدەرٸ" اتتى ماقالاسىندا قوعامدا قانشاما كٶزقاراس, قانشاما پٸكٸر قايشىلىعى بولعانىمەن, بارشامىز ورتاق مٷددە, جالپىۇلتتىق مٷددە جولىندا ۇيىسۋىمىز كەررەك ەكەنٸن مەلٸمدەدٸ, - دەپ حابارلايدى Dalanews.kz.
ەرلان قارين قازاقستاندىقتارعا ماڭىزدى ٷندەۋ جاسادى. سونداي-اق, ەلدٸڭ بٸرلٸگٸنە, تۇتاستىعىنا نۇقسان كەلتٸرەتٸن ەرەكەت پەن سٶزدەن الىس بولۋعا شاقىردى.
"قوعامنىڭ اشىقتىعى, ەكونوميكالىق رەفورمالاردىڭ ٸسكە اسۋى, كوممۋنيكاتسييانىڭ جاڭا تٷرلەرٸنٸڭ قارقىندى دامۋى سيياقتى ناقتى سەبەپتەرگە بايلانىستى سول قوعامنىڭ قۇرىلىمى ٷنەمٸ ٶزگەرٸپ وتىرادى. قوعامدىق-ساياسي كەڭٸستٸك كەڭەيٸپ, كٷردەلەنە تٷسەدٸ, ياعني جاڭا ستراتالار, ەلەۋمەتتٸك توپتار مەن سۋبمەدەنيەتتەر, سان الۋان ساياسي جەنە يدەولوگييالىق كٶزقاراستار پايدا بولادى.
قازٸر بٸزدٸڭ قوعامدا ساياسي ۇستانىمى ەرتٷرلٸ ازاماتتار, اتاپ ايتقاندا, ليبەرالدار, سوتسياليستەر, كونسەرۆاتورلار, وڭشىلدار, سولشىلدار جەنە تسەنتريستەر بار. ولار تٷرلٸ ساياسي يدەالعا جەنە قۇندىلىقتارعا سەنەدٸ. وسى ورايدا بٸز پٸكٸر الۋاندىعىن دامىتا وتىرىپ, ەڭ الدىمەن, جالپىۇلتتىق مٷددەمٸزدٸڭ بٸرتۇتاستىعىنا باسا مەن بەرۋٸمٸز قاجەت.
بۇل تۇرعىدا ەل ٸشٸنە ٸرٸتكٸ سالاتىن ەرەكەتتەرگە عانا ەمەس, جۇرتتى ارانداتىپ, داۋ-داماي تۋعىزۋى مٷمكٸن كەز كەلگەن سٶزگە اباي بولعان جٶن. ٶكٸنٸشكە قاراي, تىم شولاق ويلايتىن كەيبٸر ەسٸرەبەلسەندٸلەر, كەيدە تٸپتٸ ٸس-ەرەكەتٸ اقىلعا سىيمايتىن ادامدار كٶپشٸلٸككە ٶزٸنٸڭ سىڭارجاق كٶزقاراستارىن كٷشپەن تاڭىپ, جۇرتشىلىقتىڭ پٸكٸرٸن ٶز ىڭعايىنا قاراي بۇرعىسى كەلەدٸ.
قازاقتا "الا جٸپتٸ اتتاماۋ" دەگەن ۇعىم بار. بٸزدٸڭ ساياساتتا دا مۇنى بەرٸك ۇستانۋ كەرەك. ياعني ەلدٸگٸمٸزگە, بٸرلٸگٸمٸزگە, ىنتىماعىمىزعا سىزات تٷسٸرەتٸن دٷنيەدەن الشاق بولعان جٶن. قوعامداعى پٸكٸرتالاس كەزٸندە اتتاپ ٶتۋگە بولمايتىن شەك, ياعني "Redline" ناقتى بەلگٸلەنۋگە تيٸس. بۇل دەگەنٸمٸز – قانداي دا بٸر تاقىرىپتى تالقىلاۋعا تىيىم سالۋ نەمەسە تسەنزۋرا جاساۋ ەمەس. بۇل – ساياسي پٸكٸرتالاس كەزٸندە ۇستامدى بولىپ, سابىر ساقتاۋعا شاقىرۋ. ەل الدىندا جٷرگەن ازاماتتار, ياعني قوعام بەلسەندٸلەرٸ, بۇقارالىق اقپارات قۇرالدارىنىڭ قىزمەتكەرلەرٸ, بلوگەرلەر, ازاماتتىق سەكتوردىڭ ٶكٸلدەرٸ بەرەكەلٸ بٸرلٸگٸمٸزگە سىزات تٷسپەسٸن دەسە:
– ەتنوسارالىق قاتىناستارعا جەنە تٸل مەسەلەسٸنە;
– دٸن سالاسىنا;
– سىرتقى ساياساتقا قاتىستى احۋالدى ۋشىقتىرماۋعا باسا مەن بەرۋٸ قاجەت.
بٸزدٸڭ قوعام بۇل مەسەلەلەرگە قاتىستى جانجال تۋعىزاتىن سٶز تاراتۋعا, اشۋ-ىزاعا تولى مەلٸمدەمە جاساۋعا بولمايتىنىن جاقسى تٷسٸنەدٸ. بۇل تۋراسىندا بٸلٸكتٸ ماماندار مەن ساراپشىلار عانا كەسٸبي تۇرعىدان پٸكٸر تالاستىرا الادى.
مەملەكەت ەلدٸڭ ىنتىماعىن بۇزىپ, شاڭىراعىن شايقالتقىسى كەلەتٸن كەز كەلگەن ەرەكەتكە زاڭ ارقىلى قاتاڭ توسقاۋىل قويادى. "شەكتەن شىعۋعا جول جوق" دەگەن قاعيدا ەردايىم باسشىلىققا الىنادى. بٸز دٸن بوستاندىعىن قولدايمىز, الايدا سوقىر سەنٸم مەن ناداندىققا قارسىمىز. بٸز وتانشىلدىقتى قولدايمىز, الايدا كسەنوفوبييا مەن ەسٸرەۇلتشىلدىققا قارسىمىز. بٸز ليبەراليزمدٸ قولدايمىز, الايدا جٷگەنسٸزدٸك پەن نيگيليزمگە قارسىمىز.
بارشا ادامدار, ەسٸرەسە قوعامدىق-ساياسي ٶمٸرگە بەلسەنە اتسالىسىپ جٷرگەن ازاماتتار, ٶزٸنٸڭ ساياسي كٶزقاراسى مەن ۇستانىمىنا قاراماستان, جالپىۇلتتىق مٷددەنٸ, مەملەكەتتٸلٸكتٸ ساقتاۋ جەنە نىعايتۋ مەسەلەسٸن بەرٸنەن بيٸك قويۋعا تيٸس", - دەدٸ ەرلان قارين.
