ۋنيۆەرسيتەتتەر ادامي كاپيتالدى قالىپتاستىرۋدىڭ ماڭىزدى سۋبەكتىلەرى رەتىندە رۋحاني-ادامگەرشىلىك تاربيەگە باسا نازار اۋدارا وتىرىپ، وزىق تەحنولوگيالار نەگىزىندە ءبىلىم بەرۋدىڭ جاڭا ساپاسىن قامتاماسىز ەتۋى ءتيىس.
الەمدىك ماڭىزى بار اۋقىمدى ءىس-شارالار 18-19 قىركۇيەكتە قازاقستاندا - ەلىمىزدىڭ جەتەكشى جوعارى وقۋ ورنى ءال-فارابي اتىنداعى قازۇۋ-دا وتەدى.
ولار ەڭ الدىمەن «رۋحاني جاڭعىرۋ» مەملەكەتتىك باعدارلاماسىنىڭ ماقساتتارىن ىسكە اسىرۋعا، وتاندىق جوعارى ءبىلىم بەرۋ جۇيەسىنىڭ باسەكەگە قابىلەتتىلىگىن ارتتىرۋعا جانە ءبىلىم بەرۋ قىزمەتتەرىن ەكسپورتتاۋعا باعىتتالعان.
الەمدىك ءعىلىمي-بىلىم بەرۋ كەڭىستىگىندەگى قازۇۋ-دىڭ ءرولى مەن رەيتينگتەگى فەنومەنالدى سەرپىلىسىن ەسكەرە وتىرىپ، QS قازاقستان ۋنيۆەرسيتەتىندە «ادامي مۇرا جانە جوعارى تەحنولوگيالار ۇيلەسىمى نەگىزىندە جەتىلۋ» تاقىرىبىندا QS World Wide حالىقارالىق فورۋمىن وتكىزۋدى شەشتى.
اتالعان فورۋم عىلىم مەن جوعارى ءبىلىم بەرۋ سالاسىنداعى وزىق تاجىريبەلەرمەن الماسۋ جانە تاراتۋ بويىنشا الەمدەگى بىرەگەي جانە ءىرى پلاتفورما بولىپ تابىلادى.
ءال-فارابي اتىنداعى قازۇۋ ەلىمىزدىڭ تۇڭعىش پرەزيدەنتى – ەلباسى نۇرسۇلتان نازاربايەۆ قويعان ماڭىزدى مەملەكەتتىك مىندەتتەردى جۇزەگە اسىرۋ بويىنشا ماقساتتى تۇردە جۇمىس ىستەۋدە.
بيىل قازۇۋ «World University Rankings» QS دۇنيەجۇزىلىك تانىلعان جانە بەدەلدى حالىقارالىق رەيتينگتە ورتالىق ازيا جوعارى وقۋ ورىندارى اراسىنان جالعىز بولىپ الەمنىڭ ۇزدىك جوو-لارىنىڭ قاتارىنا ەنىپ، 207 ورىنعا يە بولدى.
قازۇۋ الەمنىڭ 130-دان استام جەتەكشى جوعارى وقۋ ورىندارىن بىرىكتىرەتىن جىبەك جولى ۋنيۆەرسيتەتتەرى اليانسىنىڭ تەڭ قۇرىلتايشىسى بولا وتىرىپ، ءبىرقاتار ءىرى جوبالاردى ىسكە اسىرۋدا، ونىڭ ىشىندە حالىقارالىق ىت-تەحنوپاركىن قۇرۋ بويىنشا بەلسەندى جۇمىس اتقارۋدا.
سوندىقتان قازۇۋ-دا وسى بەدەلدى حالىقارالىق ۇيىمنىڭ باس اسسامبلەياسىنىڭ وتىرىسىن وتكىزۋ زاڭدى. فورۋمدا جوعارى ءبىلىم بەرۋ سالاسىنداعى كوللابوراسيا مەن ينتەگراسيا، بىرلەسكەن ءعىلىمي-بىلىم بەرۋ جانە مادەني-گۋمانيتارلىق جوبالاردى جۇزەگە اسىرۋ جانە ءوزارا ءىس-قيمىلدىڭ باسقا دا باعىتتارى تالقىلانادى.
بۇۇ-نىڭ «اكادەميالىق ىقپال» باعدارلاماسىنىڭ تۇراقتى دامۋ بويىنشا جاھاندىق حابىن قاتارىنان ءۇشىنشى رەت باسقارىپ وتىرعان قازۇۋ جاڭا بۋىن جوو-نىڭ ۋنيۆەرسيتەت 4.0 مودەلىن ازىرلەدى.
ول «Al-Farabi University Smart City» تۇجىرىمداماسىنىڭ نەگىزىندە جۇزەگە اسىرىلۋدا، ال ونىڭ تەمىرقازىعى ۇلى ويشىل ءال-فارابيدىڭ يدەيالارى بولىپ، جوعارى تەحنولوگيالىق جانە رۋحاني-ادامگەرشىلىك پلاتفورمالاردىڭ سيمبيوزىنا نەگىزدەلەدى.
الەمدىك ترەندتەرگە جاۋاپ بەرەتىن ۋنيۆەرسيتەتتەردى دامىتۋدىڭ پەرسپەكتيۆتى مودەلى بۇۇ-نىڭ نيۋ-يوركتەگى شتاب-پاتەرىندەگى وركەنيەتتەر اليانسىنىڭ فورۋمىندا ايتىلىپ، ونى حالىقارالىق دەڭگەيدە كەڭ تاراتۋ ۇسىنىلدى.
مودەلدىڭ ماڭىزدى قۇرامداس بولىگى جوو-نىڭ قوعام الدىنداعى الەۋمەتتىك جاۋاپكەرشىلىگى بولىپ تابىلادى. قازۇۋ-دىڭ يننوۆاسيالىق تاجىريبەسىن ەسكەرە وتىرىپ، الەۋمەتتىك جاۋاپكەرشىلىگى بار ۋنيۆەرسيتەتتەردىڭ بۇكىلالەمدىك جەلىسى (University Social Responsibility Network) ارنايى Work shop جۇرگىزەدى.
USRN ءار ءتۇرلى كونتينەنتتەردىڭ الەۋمەتتىك جاۋاپكەرشىلىگىن جۇكتەگەن كوشباسشى ۋنيۆەرسيتەتتەردى بىرىكتىرەدى. قازۇۋ - مانچەستەر، كەمبريدج، پەكين، ۆاشينگتون، سان-پاۋلۋ سياقتى ت.ب. تانىمال ۋنيۆەرسيتەتتەرمەن قاتار تمد ەلدەرىنىڭ جوعارى وقۋ ورىندارى اراسىندا اتالمىش بەدەلدى ۇيىمنىڭ مۇشەلىگىنە كىرىپ وتىرعان جالعىز ۋنيۆەرسيتەت بولىپ تابىلادى.
سونداي - اق، ق ر تۇڭعىش پرەزيدەنتى – ەلباسى قورى، قازۇۋ جانە G-Global حالىقارالىق حاتشىلىعى ۇيىمداستىرعان «تۇراقتى دامۋ ماقساتتارىن ىسكە اسىرۋداعى جاستاردىڭ ءرولى-2030» جاھاندىق كونگرەسى ماڭىزدى ءىس-شارا بولماق.
جوعارى حالىقارالىق دەڭگەيدەگى ءىس-شارالار بارلىق كونتينەنتتەردەن 400-دەن استام الدىڭعى قاتارلى جوعارى وقۋ ورىندارىنىڭ باسشىلارىن، مەملەكەتتىك قۇرىلىمدار مەن بيزنەس وكىلدەرىن، بەلگىلى عالىمداردى، ساراپشىلار مەن اكادەميالىق توپتار كوشباسشىلارىن جينايتىنىن اتاپ وتكەن ءجون.
ولار ءبىلىم، عىلىم، وزىق تەحنولوگيالار مەن رۋحاني قۇندىلىقتاردى ينتەگراسيالاۋ اياسىندا ۋنيۆەرسيتەتتەردىڭ بولاشاق دامۋىنىڭ جاڭا مودەلىن تالقىلاۋعا جانە ازىرلەۋگە قاتىسادى. فورۋمدار باعدارلاماسى وتە مازمۇندى، مۇندا پلەنارلىق وتىرىستار، پانەلدىك پىكىرتالاستار، ىسكەرلىك كەزدەسۋلەر مەن ىنتىماقتاستىق تۋرالى مەموراندۋمدارعا قول قويۋ، الەمنىڭ جەتەكشى جوعارى وقۋ ورىندارىنىڭ جەتىستىكتەرى كورمەسى وتەدى.
الەمدىك اۋقىمداعى ءىس-شارالاردى وتكىزۋ قازاقستاننىڭ ءوسىپ كەلە جاتقان بەدەلىن راستاپ، ەلىمىزدەگى جوعارى ءبىلىم بەرۋدىڭ سەرپىندى دامۋىنا جانە وسى ماڭىزدى سالاعا ينۆەستيسيالار تارتۋعا ءسوزسىز ىقپال ەتەتىن بولادى.
قازۇۋ-دىڭ باسپا ءسوز قىزمەتى
