قاراعاندىدا سوققىعا جىعىلعان جەدەل جاردەم جۇرگىزۋشىسى تورەعالي بەرىكقالي ۇلى كۇدىكتى نۇربولات داكەبايەۆتى كەشىرۋگە دايىن ەكەنىن جەتكىزدى، دەپ حابارلايدى Dalanews.kz.

ول ءوزى تۋرالى قاتە ويلاپ جاتقاندار بار ەكەنىن العا تارتىپ، كۇدىكتىنى كەشىرۋگە ءازىر ەكەنىن ايتقان

"ءبىر تاياق جەپ، حايپ ۇستاپ ءجۇر دەپ ويلايتىندار تابىلۋدا. ءبىراق Tik-Tok پاراقشامدى بۇرىننان جۇرگىزەمىن. جەدەل جاردەم جۇرگىزۋشىلىگىنەن بولەك، اكتەر اداممىن. ءبارىمىز دە پەندەمىز. اللا ءبارىن كەشىرەدى. اللانىڭ الدىندا پەندەمىز. ءبىز دە كەشىرەمىز. سوتتاتامىن، ونى تۇرمەگە وتىرعىزامىن دەگەن ءسوز ايتقان جوقپىن. قازاق ەلىمىز امان بولسىن"، - دەيدى زارداپ شەككەن مەديسينا قىزمەتكەر.

دەنساۋلىعىنا قاتىستى ايتقان جۇرگىزۋشى ءبارى ساتىمەن جازىلىپ كەلە جاتقانىن اتاپ وتەدى.

"مۇۇرىنعا جاساعان ءبىرىنشى وتام ءساتتى ءوتتى. ەندى ەكىنشىسى بار. ءاربىر قازاق جالعىزىم. دۇرىس جاعىنان تۇسىنەيىك"، - دەيدى تورەعالي.

ايتا كەتەيىك، بۇعان دەيىن كۇدىكتى نۇربولات داكەبايەۆتىڭ كەشىرىم سۇراعان ۆيدەوسى پايدا بولدى