ا.كوميسساروۆتىڭ جازعى ونلاين-مەكتەبىنىڭ ءبىرىنشى كۇنى ءوتتى

Dalanews 24 ماۋ. 2020 05:08 368

23 ماۋسىمدا اباي اتىنداعى قازۇپۋ-دىڭ حالىقارالىق ىنتىماقتاستىق دەپارتامەنتى مەن بىلىكتىلىكتى ارتتىرۋ جانە قاشىقتىقتان ءبىلىم بەرۋ ورتالىعى ۇيىمداستىرعان «ءبىلىم بەرۋدىڭ ساندىق تۇرلەنۋى» جازعى ونلاين-مەكتەبى ءوز جۇمىسىن باستادى.

شارانىڭ نەگىزگى سپيكەرى رەسەي فەدەراسياسىنىڭ جەتەكشى ءبىلىم بەرۋ ادىسكەرلەرىنىڭ ءبىرى، ءبىلىم بەرۋ جانە دياگنوستيكالىق ادىستەمەلەردى جاساۋشى، ءبىلىم بەرۋ ويىندارىنىڭ تاجىريبەشىسى، 120-دان استام ءبىلىم بەرۋ ويىندارىنىڭ اۆتورى، «دەرەكتەر ينجينيرينگى» ورىس باعىتىنىڭ يدەولوگى، 2035 ۋنيۆەرسيتەتىنىڭ دەرەكتەردى دامىتۋ ءبولىمىنىڭ ديرەكتورى اندرەي كوميسساروۆ.

مەكتەپكە «قاتىسۋشى» جانە «ستۋدەنت» كاتەگوريالارى بويىنشا اباي اتىنداعى قازۇپۋ مەن Yessenov University، ءال-فارابي اتىنداعى قازۇۋ، س.امانجولوۆ اتىنداعى شقمۋ، تارمپۋ، م.اۋەزوۆ اتىنداعى وقمۋ، سەمەي ق. شاكارىم اتىنداعى مۋ، ۋ.سۇلتانعازين اتىنداعى قمپۋ، تورايعىروۆ اتىنداعى پمۋ، قازمقپۋ 200-دەن استام وقىتۋشىسى قاتىسۋدا. ءىس-شاراعا قاتىسۋشىلار ۋنيۆەرسيتەت 2035 الاڭىندا تەرەڭدەتىلگەن پراكتيكالىق جاتتىعۋلار دايىندىعىنان وتەدى.

ءبىرىنشى كۇنى ءبىلىم بەرۋدىڭ ينجينيرينگى جانە ءبىلىم بەرۋدەگى يننوۆاسيالىق تاسىلدەر، دياگنوستيكالىق قۇرالدار تۋرالى دارىستەر مەن سەمينارلار وتكىزىلدى، وندا وقىتۋدىڭ تيىمدىلىگى، قۇزىرەتتىلىكتى دامىتۋدىڭ نەگىزگى ەلەمەنتتەرى مەن وقىتۋدى سيفرلاندىرۋ، ادامنىڭ دامۋى مودەلى جانە دياگنوستيكانىڭ ءارتۇرلى قۇرالدارى سياقتى ماسەلەلەر قارالدى.

 

ۇسىنىلعان
سوڭعى جاڭالىقتار