قاسىم-جومارت توقايەۆ اكىمدەردى سىنعا الۋدا شەكتەن شىعاتىن بەلسەندىلەرگە توقتالدى. مەملەكەت باسشىسى ولاردىڭ ارەكەتتەرى اكىمدەردىڭ ءوز مىندەتتەرىن ءتيىستى دەڭگەيدە ورىنداۋىنا كەدەرگى كەلتىرەتىنىن اتاپ ءوتتى، دەپ حابارلايدى Dalanews.kz.
پرەزيدەنتتىڭ سوزىنشە، ولاردىڭ اراسىندا ءتىپتى قورقىتىپ-ۇركىتەتىندەرى دە بار.
“قوعامنىڭ اكىمدەرگە قوياتىن تالابى قاشان دا جوعارى. بۇل – زاڭدى قۇبىلىس. اكىمنىڭ جۇمىسىنا سىن كوزبەن قاراۋ – دەموكراتيالىق قوعامعا ءتان قالىپتى نارسە. ءبىراق سىناعاننىڭ ءجونى وسى ەكەن دەپ، تىم ارتىق كەتەتىن اسىرە بەلسەندىلەر دە بار. ءوزىن بلوگەر سانايتىن كەيبىر ادامدار اكىمنىڭ ءار قادامىن اڭدۋدى ادەتكە اينالدىردى.
جۇمىسقا كەدەرگى جاساپ، ءتىپتى، قوقان-لوقى كورسەتەتىندەر بار. ارينە، اۋىل، اۋدان نەمەسە قالا تۇرعىندارى بولسىن، بارلىعى جايلى ءومىر سۇرگىسى كەلەدى. ازاماتتارعا بارىنشا قولايلى جاعداي جاساۋ – اكىمگە دە، جەرگىلىكتى ءماسليحاتتارعا دا ورتاق مىندەت، - دەدى توقايەۆ.
مەملەكەت باسشىسى اكىمدەر حالىقپەن اشىق ديالوگقا دايىن بولۋى قاجەتتىگىن دە ەسكەرتتى.
“ءاربىر اكىم ازاماتتارمەن ديالوگقا اشىق بولۋى قاجەت، سىندارلى پىكىر الماسا ءبىلۋى كەرەك. ءبىراق جۇرتتى دۇرلىكتىرىپ، شۋ شىعارىپ، زاڭدى بۇزۋعا جول بەرىلمەيدى. ەشكىم زاڭنان اتتاماۋعا ءتيىس. مەملەكەت مۇددەسى ءتۇرلى پوپۋليستەردىڭ جەكە مۇددەسىنەن جوعارى تۇرۋى قاجەت. قوعامنىڭ سىنىنان جانە باتىل شەشىم قابىلداپ، جاۋاپكەرشىلىك الۋدان قورىقپاۋ كەرەك.
كەز كەلگەن وزەكتى ماسەلەگە، سونىڭ ىشىندە اقپاراتتىق شابۋىلدارعا دەر كەزىندە نازار اۋدارۋ قاجەت. تاعى دا قايتالاپ ايتامىن. اكىمدىكتەر مەن ءماسليحاتتاردىڭ مىندەتى – مەملەكەتتىك ساياساتتى قاتاڭ ۇستانۋ، ونى ەل مۇددەسىنە ساي جۇزەگە اسىرۋ. ءماسليحات دەپۋتاتتارىنىڭ جۇمىسىنداعى باسىم باعىتتارعا قاتىستى مەنىڭ پايىمىم وسىنداي، - دەدى ول.
