وبلىستاعى جالپى جاعداي تۋرالى وعان وبلىستىق قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ باياندادى. جۇمىس ساپارىمەن قازىعۇرت اۋدانىندا بارىپ، اۋدانىنداعى ورتالىق اۋرۋحانا جانە ەمحانا عيماراتتارىنىڭ كۇردەلى جوندەۋ جۇمىستارىنىڭ بارىسىمەن تانىستى. مەردىگەر كومپانيالارعا قۇرىلىستىڭ ساپالى جانە مەرزىمىندە تاپسىرىلۋى كەرەكتىگىن ايتتى.
بۇدان باسقا، قىزىلقيا اۋىل وكرۋگىنە قاراستى، ىنتالى ەلدى مەكەنىندەگى وسىدان 50 جىلدان استام ۋاقىت بۇرىن اسارلاتىپ سالىنعان فەلدشەرلىك-اكۋشەرلىك پۋنكتىنىڭ ەسكىرگەن عيماراتىن ارالادى.
ساپار بارىسىندا جاڭا تيپتىك ۇلگىدە فەلدشەرلىك-اكۋشەرلىك پۋنكت قۇرىلىسى قاجەتتىلىگى ايتىلدى. سونداي-اق قىزىلقيا اۋىل وكۋرگى، ايناتاس-2 ەلدى مەكەنىندەگى 2018 جىلى قابىلداۋعا بەرىلگەن جاڭا ءمودۋلدى مەديسينالىق تىرەك پەن ورتالىق اۋرۋحانانىڭ COVID-19 قارسى ۆاكسيناسيالاۋ بارىسىمەن تانىستى.
