كەسٸپكەر نۇرلان بيمۋرزين ەلييا نازارباەۆانىڭ رەيدەرلٸك ەرەكەتتەرٸ تۋرالى 20 جىل بويى نەگە ايتپاعانىن تٷسٸندٸردٸ, - دەپ حابارلايدى Dalanews.kz.
بيمۋرزيننٸڭ سٶزٸنشە,20 جىل بويى بۇل ٸس تۋرالى جارييا ەتۋگە ەشكٸمنٸڭ كٷشٸ جەتپەگەن.
"ونى كٸم جارييا قىلار ەدٸ? كەرەك ادامدار بۇل جايلى بٸلدٸ. 21 جىل بۇرىن جەنە 2019 جىلعا دەيٸن بٸزگە مۇنى جارييا ەتۋگە كٸم رۇقسات بەرەتٸن ەدٸ? گازەتتەرگە جارييالاعان كٷننٸڭ ٶزٸندە تەۋلٸگٸنە 25 ساعات, اپتاسىنا 8 كٷن وتباسىمدى كٷزەتٸپ جٷرۋٸم كەرەك بولار ەدٸ. قازٸر بٸز ەدٸلدٸك ٷشٸن كٷرەسٸپ جٷرمٸز. كٶپ ادام بٸز نە ٷشٸن قىلمىستىق ٸس قوزعالعانىن تالاپ ەتٸپ جٷرگەنٸمٸزدٸ تٷسٸنبەي جاتادى. زاڭ بويىنشا ارىز جازىلدى ما – قىلمىستىق ٸس مٸندەتتٸ تٷردە قوزعالۋى كەرەك. تەرگەۋ جٷرۋٸ كەرەك. بارلىق ادام تەرگەۋدەن ٶتۋٸ كەرەك. تەرگەۋ تولىق ٶتۋٸ ٷشٸن ەلييادان دا جاۋاپ الىنۋى كەرەك. بٸراق وعان ەشكٸمنٸڭ ەلٸ جەتپەيدٸ. سوندىقتان وسىنداي جاعداي بولىپ وتىر", - دەيدٸ نۇرلان بيمۋرزين Elmedia-عا بەرگەن سۇحباتىندا.
سونىمەن قاتار, بيمۋرزين بيزنەس يمپەريياسىنىڭ نەگٸزٸن قالاعان ەكەسٸ تۋرالى ايتتى.
"ونى اتىپ ٶلتٸرٸپ كەتتٸ. مەنەن كٶپ ادام "بۇل جاعدايعا كٸم كٸنەلٸ دەپ ويلايسىڭ?" دەپ سۇرايدى. ەشكٸمدٸ كٸنەلامايمىن, بۇعان بولعان جايت قانا كٸنەلٸ. ەگەر بٸزدٸڭ بيزنەسٸمٸزدٸ تارتىپ الماسا, مۇنداي جاعداي بولماس ەدٸ", - دەيدٸ كەسٸپكەر.
نۇرلان بيمۋرزين قازٸرگٸ تاڭدا ەلييا نازارباەۆانىڭ رەيدەرلٸك ەرەكەتٸنە قاتىستى قىلمىستىق ٸس قوزعاۋ امالدارى قالاي جٷرٸپ جاتقانىن ايتتى. ونىڭ سٶزٸنشە, باس پروكۋراتۋرا بۇل ٸستٸ الماتىنىڭ ٸشكٸ ٸستەر باسقارماسىنا "لاقتىرىپ" جٸبەرگەن.
"بٸرٸنشٸدەن, بٸز باس پروكۋراتۋراعا ارىز جازامىز. مەن جوعارىداعىلار ٶز ارالارىندا بۇل جاعدايدى تٷسٸنٸپ وتىر دەپ ويلايمىن. اقىر سوڭىندا بۇل ٸس باس پروكۋراتۋرادان الماتىداعى المالى اۋداندىق ٸشكٸ ٸستەر باسقارماسىنا بٸراق تٷسكەن. ٸس نە ٷشٸن ول جەرگە تٷسكەنٸن تٷسٸنبەدٸك, قۇرىسىنشى دەدٸك. بارلىق دەلەل بازاسىن كٶرسەتتٸك. ال بٸرنەشە كٷننەن كەيٸن ول جەردەن قىلمىستىق ٸس قوزعالمايتىنى تۋرالى راپورت الدىق. المالى اۋداندىق پروكۋراتۋراعا ارىزداندىق, ولار ٸشكٸ ٸستەر باسقارماسىنىڭ شەشٸمٸن جوققا شىعاردى. سوسىن ٸس الماتىنىڭ ەكونوميكالىق تەرگەۋ باسقارماسىنا تٷستٸ. بٸز بۇل ەرەكەتتەرٸنە تاڭعالدىق", - دەيدٸ كەسٸپكەر.
ايتا كەتەيٸك, بيىل 28 اقپاندا "TPK Asia" جشس قۇرىلتايشىسى نۇرلان بيمۋرزين سەرٸكتەسٸ مەگدات قاليەۆ ەكەۋٸ نازارباەۆا مەن روگوۆانىڭ رەيدەرلٸك شابۋىلىنىڭ قۇربانى بولعانىن مەلٸمدەگەن بولاتىن.
بيمۋرزيننٸڭ ايتۋىنشا, 2003 جىلى ەلييا نازارباەۆا ٶز ىقپالىن پايدالانا وتىرىپ, قۇنى 170 ميلليون دوللار بولاتىن (2003 جىلعى ەسەپ بويىنشا - ەسك.) جەتٸ مۇناي بازاسى مەن 96 جانارماي قۇيۋ بەكەتٸن تارتىپ العان.
"باسىندا قارجى پوليتسيياسى قىسىم كٶرسەتتٸ. سوسىن ەلييا نازارباەۆانىڭ ٶكٸلٸ كەلٸپ, بٸزگە قورعان بولۋعا شامالارى جەتەتٸنٸن جەتكٸزدٸ. ول ٷشٸن بيزنەستٸڭ 50 پايىزى بەرٸلۋٸ كەرەگٸن ايتتى. بٸر جىلدان كەيٸن ەلييا نازارباەۆا ەندٸ قالعان ٷلەستٸ دە بەرۋ كەرەگٸن ەسكەرتتٸ. سول جىلى مەنٸڭ ەكەمدٸ ولار الىپ كەتٸپ, نازارباەۆانىڭ كەڭسەسٸنە اپارعان. ەكەممەن سٶيلەسكەن. ەكٸ ۇلىڭ ٷشٸن الاڭداساڭ, بيزنەسٸڭدٸ بەر دەگەن. امال جوق, ەكەم كەلٸسەدٸ.
كەلەسٸ كٷنٸ مەن باردىم. ول جەردە ەلييا بولعان جوق, بٸراق ونىڭ ورنىنا روگوۆا بولدى. مەن سول جەردە ٷلەسٸمدٸ بار جوعى 18 125 تەڭگەگە ساتۋعا مەجبٷر بولدىم", - دەيدٸ نۇرلان بيمۋرزين.
14 ناۋرىزدا باس پروكۋراتۋرا نازارباەۆانىڭ رەيدەرلٸك ەرەكەتٸ تۋرالى ارىزىن تٸركەگەنٸن حابارلادى. الايدا 5 سەۋٸردە پوليتسييا ەكس-پرەزيدەنتتٸڭ كەنجە قىزىنا قاتىستى قىلمىستىق ٸس قوزعاۋدان باس تارتقانى بەلگٸلٸ بولدى.
