م.و. ەۋەزوۆ اتىنداعى ەدەبيەت جەنە ٶنەر ينستيتۋتى مەن «عىلىم ورداسى» رەسپۋبليكالىق مەملەكەتتٸك كەسٸپورنىنىڭ ۇيىمداستىرۋىمەن كٶرنەكتٸ عالىم, اكادەميك, قر مەملەكەتتٸك سىيلىعىنىڭ يەگەرٸ سەيٸت اسقارۇلى قاسقاباسوۆتىڭ 85 جىلدىعىنا ارنالعان «اكادەميك قاسقاباسوۆ فەنومەنٸ: عىلىمي مەكتەپتەر, تەورييالار جەنە تەجٸريبەلەر» اتتى حالىقارالىق عىلىمي-تەورييالىق كونفەرەنتسييا ٶتتٸ.
كونفەرەنتسييادا سەيٸت قاسقاباسوۆتىڭ عىلىمعا جەنە ۇلت رۋحانيياتىنا سٸڭٸرگەن ەرەن ەڭبەگٸ, وتاندىق جەنە ەلەمدٸك فولكلورتانۋداعى ورنى, قالىپتاستىرعان عىلىمي مەكتەبٸ جان-جاقتى تالدانىپ, سارالاندى. ٸس-شاراعا عالىمنىڭ وتباسى, وتاندىق جەنە شەتەلدٸك عالىمدار, مەملەكەت جەنە قوعام قايراتكەرلەرٸ, جوعارى وقۋ ورىندارى مەن عىلىمي-زەرتتەۋ ينستيتۋتتارىنىڭ پروفەسسور-وقىتۋشىلار قۇرامى مەن جاس زەرتتەۋشٸلەر قاتىستى.
ٸس-شارا اكادەميك سەيٸت قاسقاباسوۆتىڭ جارقىن رۋحىنا ارنالىپ, بٸر مينۋت ٷنسٸزدٸكپەن اشىلدى. بۇل – ۇلت عىلىمىنا ٶلشەۋسٸز ٷلەس قوسقان تۇلعانى ەسكە الۋ مەن قۇرمەت بەلگٸسٸ بولدى. كونفەرەنتسييانى ەدەبيەت جەنە ٶنەر ينستيتۋتىنىڭ باس ديرەكتورى, اكادەميك كەنجەحان ماتىجانوۆ جٷرگٸزٸپ, عالىمنىڭ عىلىم مەن ەدەبي مۇراعا دەگەن ەرەكشە كٶزقاراسىن, شەكٸرت تەربيەلەۋدەگٸ ٷلگٸسٸ مەن ۇستانىمىن اتاپ ٶتتٸ.
كونفەرەنتسييا بارىسىندا قر پارلامەنتٸ سەناتىنىڭ تٶراعاسى مەۋلەن ەشٸمباەۆتىڭ, قر عىلىم جەنە جوعارى بٸلٸم مينيسترٸ ساياسات نۇربەكتٸڭ, قر مەدەنيەت جەنە اقپارات مينيسترٸ ايدا بالاەۆانىڭ, الماتى قالاسىنىڭ ەكٸمٸ دارحان ساتىبالدىنىڭ قۇتتىقتاۋ حاتتارى وقىلىپ, تابىس ەتٸلدٸ.
سەنات دەپۋتاتى, اكادەميك دارحان قىدىرەلٸ اكادەميك سەيٸت قاسقاباسوۆتىڭ قازاق فولكلورتانۋ عىلىمىنداعى كٶشباسشى رٶلٸن, ۇلتتىق رۋحانيياتتى جٷيەلٸ زەرتتەۋ مەن عىلىمي مەكتەپ قالىپتاستىرۋداعى ەرەكشە ەڭبەگٸن ەرەكشە اتاپ ٶتتٸ.
پلەنارلىق مەجٸلٸستە قر مەملەكەتتٸك سىيلىعىنىڭ لاۋرەاتى ساۋىتبەك ابدراحمانوۆ ۇستازىنىڭ عىلىمي پاراساتتىلىعى مەن ينتەللەكتۋالدىق تالاپتارىن سيپاتتايتىن «پاراسات يمپەراتيۆٸ» تاقىرىبىنداعى بايانداماسىن جاسادى. ەل-فارابي اتىنداعى قازۇۋ جانىنداعى اباي عىلىمي-زەرتتەۋ ينستيتۋتىنىڭ ديرەكتورى جانعارا دەدەباەۆ «دارا تۇلعا» بايانداماسىندا اكادەميكتٸڭ ەدەبيەتكە كٶزقاراسى مەن عىلىمي ادامگەرشٸلٸگٸن تەرەڭ تالدادى. تٷركييانىڭ ەگە ۋنيۆەرسيتەتٸنٸڭ پروفەسسورى مەتين ەكيجي ونلاين فورماتتا «سەيٸت قاسقاباسوۆتىڭ تٷركٸ دٷنيەسٸ فولكلورتانۋىنداعى ورنى» تۋرالى بايانداما جاسادى. ل.ن. گۋميلەۆ اتىنداعى ەۇۋ پروفەسسورى سەرٸك نەگيموۆ عالىمنىڭ شىعارماشىلىق جولى مەن فولكلور مەن جازبا ەدەبيەتتٸ ساباقتاستىرۋداعى بٸرەگەي كٶزقاراسىن كەڭٸنەن تالدادى.
كونفەرەنتسييا سوڭىندا فيلولوگييا عىلىمدارىنىڭ دوكتورلارى كەرٸمبەك قۇرمانەليەۆ, قانسەيٸت ەبدەزۇلى, انارباي بۇلدىباي, تٷركٸ اكادەميياسىنىڭ ساراپشىسى اقەدٸل تويشانۇلى, يسلام عىلىمي-زەرتتەۋ ينستيتۋتىنىڭ ديرەكتورى تٶرەلٸ قىدىر جەنە موڭعولييا ۇلتتىق ۋنيۆەرسيتەتٸنٸڭ دوكتورانتى ورگيل بٷرەنجارگال سٶز الىپ, اكادەميكتٸڭ عىلىمي مۇراسىنىڭ ٶزەكتٸلٸگٸ مەن ىقپالى تۋرالى پٸكٸرلەرٸن بٸلدٸردٸ. عالىم ەڭبەكتەرٸنٸڭ فولكلورتانۋ مەن ەدەبيەتتانۋ سالاسىنداعى جاڭاشىل باعىتتارعا نەگٸز بولعانى جەنە ونىڭ تەورييالىق تۇجىرىمدارىنىڭ جاس زەرتتەۋشٸلەر ٷشٸن ماڭىزدى باعدار ەكەنٸ ەرەكشە اتالدى.
سونىمەن قاتار, عىلىم ورداسىنىڭ ورتالىق عىلىمي كٸتاپحاناسىندا سەيٸت اسقارۇلىنىڭ جەكە جەنە جەتەكشٸلٸگٸمەن جارىق كٶرگەن ەڭبەكتەرٸنەن ارنايى كٶرمە ۇيىمداستىرىلدى.
اكادەميك سەيٸت قاسقاباسوۆتىڭ عىلىمي مۇراسىن ارقاۋ ەتكەن بۇل حالىقارالىق كونفەرەنتسييا – قازاق فولكلورتانۋى مەن گۋمانيتارلىق عىلىم دامۋىنىڭ جاڭا كەزەڭٸنە باستار ماڭىزدى عىلىمي-رۋحاني وقيعا بولدى. كونفەرەنتسييادا ايتىلعان باياندامالار مەن پٸكٸرلەر عالىم قالىپتاستىرعان عىلىمي مەكتەپتٸڭ ەلەۋەتٸن, ونىڭ تەورييالىق تۇجىرىمدارىنىڭ زامانعا ساي ماڭىزدىلىعىن كٶرسەتتٸ. بۇل شارا ۇلتتىق عىلىمنىڭ ٸرگەسٸن نىعايتىپ, رۋحاني ساباقتاستىقتى جالعاستىرۋداعى ٸرگەلٸ قادامعا اينالدى. اكادەميك سەيٸت قاسقاباسوۆتىڭ ٸلٸمٸ مەن رۋحاني مۇراسى – بولاشاق ۇرپاق ٷشٸن سارقىلماس قازىنا ەرٸ زەرتتەۋشٸلەرگە باعىت-باعدار بولىپ قالا بەرەدٸ.
