مادەنيەت جانە اقپارات ءمينيسترى ايدا بالايەۆا ايەلى سالتانات نۇكەنوۆانى ءولتىردى دەپ ايىپتالعان قۋاندىق بيشىمبايەۆتىڭ ىسىنىە قاتىستى پىكىر ءبىلدىردى، دەپ حابارلايدى Dalanews.kz.
مينيستر سوت وتىرىسىنىڭ اشىق فورماتتا ءوتىپ جاتقانىن جانە بارلىعى زاڭ بويىنشا قارالاتىنىن اتاپ ءوتتى.
"سوت ءادىل شەشىم شىعاراتىنىنا سەنىمدىمىن. مەملەكەت باسشىسى ايتىپ وتىرعان زاڭ مەن ءتارتىپ ۇستەمدىگى قامتاماسىز ەتىلەدى. ايەل رەتىندە دە، انا رەتىندە دە سالتاناتتىڭ جاقىندارى مەن اناسىنىڭ قايعىسىنا ورتاقپىن. ونى ۇرىپ-سوققان جانتۇرشىگەرلىك بەينەنى كورۋ - وتە اۋىر"، - دەدى ايدا بالايەۆا ۆرەميا گازەتىنە بەرگەن سۇقباتىندا.
ايتۋىنشا، سالتانات وتباسىلىق زورلىق-زومبىلىقتان زارداپ شەككەن جانداردىڭ تەمىرقازىعىنا اينالدى.
"اشىق سوت قىلمىسكەرلەردى زورلىق-زومبىلىقتان تىيىپ، كوپتەگەن ادامنىڭ ءومىرىن ساقتاپ قالادى دەپ سەنەمىن. مەن بارلىق قىزعا، بارلىق ايەلگە ۇندەۋ جاساعىم كەلەدى. ءبىر رەت قول كوتەرگەن ادام وزگەرەدى دەپ الدامشى ويدىڭ جەتەگىندە جۇرۋگە بولمايدى. ول وزگەرمەيدى! ەگەر ايەلدى ۇرىپ-سوعۋعا، كەمسىتۋگە قابىلەتتى بولسا، ول ادامگەرشىلىكتەن دە ادا"، - دەدى ايدا بالايەۆا
وسى تۇستا مينيستر زورلىق-زومبىلىققا جول بەرمەۋگە شاقىردى.
"شىداۋدىڭ، سەن ونى، ول سەنى سۇيەدى، بالالار ءۇشىن ءتوزۋ قاجەت دەپ، ءوزىڭدى دە، ونى دا الداۋدىڭ كەرەگى جوق. اجىراسۋ - ۇيات ەمەس. ماعان سەنىڭىز، ۇرىپ-سوعۋ تەك جيىلەپ، كۇشەيە بەرەدى. جازادان جالتارۋ ءارقاشان كەلەڭسىزدىك تۋدىرادى. ادامنىڭ قادىر-قاسيەتىن قورلاۋعا، اسىرەسە، ۇرىپ-سوعۋعا ەشكىمنىڭ قۇقىعى جوق. تاعى قايتالاپ ايتامىن: سوتتىڭ ءادىل شەشىم شىعاراتىنىنا سەنىمدىمىن"، - دەدى ول.
ەسكە سالايىق، ەكس-مينيستر قۋاندىق بيشىمباەتىڭ ءىسى ەلوردانىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالىپ جاتىر. سوت ءتوراعاسى - ايجان قۇلبايەۆا. سوت پروسەسىن كوپشىلىك تىكەلەي ەفيردە تاماشالاۋدا.
ال قازاقستاندىقتار الەۋمەتتىك جەلىلەردە ازاپپەن قازا تاپقان سالتانات نۇكەنوۆانىڭ وتباسىن قولداۋعا ارنالعان اكسيالار مەن فلەشموبتار وتكىزىپ، پەتيسيالار جازىپ جاتىر.
