بەلگٸلٸ ادۆوكات دانيلحان شاعاتاەۆ Air Astana ەۋە كومپانيياسىنىڭ كٸنەسٸنەن قازاقستاندىق بالا تٷركييا ەۋەجايلارىنىڭ بٸرٸندە ەكٸ تەۋلٸك جالعىز قالىپ قويعانىن جەتكٸزدٸ, دەپ حابارلايدى Dalanews.kz.
10 جاستاعى بالا وقۋ-جاتتىعۋ جيىندارىنا قاتىسۋ ٷشٸن ەۋە كومپانييا قىزمەتكەرلەرٸنٸڭ قاراۋىمەن ساپار شەككەن. الايدا تٷركيياعا جەتكەن كەزدە ونىڭ تٶلقۇجاتى جوعالىپ كەتكەنٸ بەلگٸلٸ بولعان.
سول كەزدە Air Astana قىزمەتكەرلەرٸ بالانى ەۋەجاي قىزمەتكەرلەرٸنە تاپسىرىپ, جاۋاپكەرشٸلٸكتەن باس تارتقان. ال ەۋەجاي قىزمەتكەرلەرٸ ونى دەپورتاتسيياعا ارنالعان بٶلمەگە جايعاستىرعان.
نەتيجەسٸندە, بالا بٶلمەدە ەكٸ كٷن جالعىز قالىپ, تاماق سۇراۋ ٷشٸن Google اۋدارماشىسىن پايدالانعان. وسى ۋاقىت ٸشٸندە قازاقستاننىڭ كونسۋلدىق قىزمەتٸ مەن تۋىستارى تٶلقۇجاتتىڭ كٶشٸرمەسٸن دايىنداعانشا, بالا سول جەردە كٷتۋگە مەجبٷر بولعان.
"بالاعا قاراپايىم قولداۋ دا كٶرسەتٸلمەدٸ. ونى كٷتٸپ الۋشى تاراپ ترانزيت ايماعىنىڭ قاتاڭ ەرەجەلەرٸنە بايلانىستى كٶمەك كٶرسەتە المادى. ال بالا شەت تٸلدەرٸن بٸلمەگەندٸكتەن, شەكارا قىزمەتكەرلەرٸ مەن ەۋەجاي قىزمەتكەرلەرٸنٸڭ سٶزدەرٸن تٷسٸنبەي, قاتتى قورقىپ, نە ٸستەرٸن بٸلمەي وتىردى", — دەدٸ ادۆوكات.
سٶيتٸپ بالانىڭ اناسى انتاليياداعى قازاقستاننىڭ باس كونسۋلدىعىمەن بايلانىسقا شىعىپ, ەكٸ كٷن ٶتكەننەن كەيٸن بالاعا ۋاقىتشا قۇجات رەسٸمدەلگەن.
