قاسىم-جومارت توقاەۆتىڭ نيۋ-يوركقا جۇمىس ساپارى كورەيا رەسپۋبليكاسىنىڭ پرەزيدەنتٸ يۋن سوك يولمەن كەزدەسۋمەن قورىتىندىلاندى. ەڭگٸمەلەسۋ بارىسىندا قازاق-كورەي ستراتەگييالىق سەرٸكتەستٸگٸن ودان ەرٸ دامىتۋ پەرسپەكتيۆالارى تالقىلاندى. پرەزيدەنت قازاقستان مەن وڭتٷستٸك كورەيا اراسىندا دوستىق قارىم-قاتىناستار ورناعانىن جەنە قارقىندى دامىپ كەلە جاتقان ەكونوميكالىق بايلانىستاردىڭ ماڭىزى زور ەكەنٸن اتاپ ٶتتٸ.
قازاقستان پرەزيدەنتٸ ەكٸجاقتى تاۋار اينالىمى بىلتىر 6 ميلليارد دوللاردان اسىپ, تۇراقتى ٶسٸم بايقالىپ وتىرعانىن ايتتى. سونىمەن قاتار كورەي كومپانييالارىنىڭ قازاقستان ەكونوميكاسىنا سالعان ينۆەستيتسييالارىنىڭ جالپى كٶلەمٸ 8 ميلليارد دوللاردان اسىپ, ەلٸمٸزدەگٸ ەڭ ٸرٸ 10 ينۆەستوردىڭ قاتارىندا نىق تۇرعانىن جەتكٸزدٸ.
مەملەكەت باسشىسىنىڭ ايتۋىنشا, بٷگٸندە قازاقستاندا 700-دەن استام كورەيالىق كومپانييا مەن بٸرلەسكەن كەسٸپورىن جۇمىس ٸستەيدٸ. مىسالى, ەلٸمٸزدٸڭ نارىعىندا KIA, Hyundai, Samsung, LG جەنە باسقا دا كومپانييالار بەلسەندٸ قىزمەت ەتٸپ جاتقانىن ايتۋعا بولادى. كەزدەسۋ بارىسىندا قاسىم-جومارت توقاەۆ سيرەك مەتالدار ٶندٸرٸسٸن, اتوم ەنەرگەتيكاسىن دامىتۋ سالالارىنداعى ەكونوميكالىق ىنتىماقتاستىقتىڭ پەرسپەكتيۆتٸ باعىتتارىنا توقتالدى.
كورەيا پرەزيدەنتٸ يۋن سوك يول قازاقستانمەن ٶزارا تيٸمدٸ ىنتىماقتاستىقتى ودان ەرٸ تەرەڭدەتۋگە مٷددەلٸ ەكەنٸن جەتكٸزدٸ. ونىڭ ايتۋىنشا, كورەيالىق كومپانييالار ماشينا جاساۋ, تاۋ-كەن ٶنەركەسٸبٸ, اتوم ەنەرگەتيكاسى سالالارى بويىنشا جٷزەگە اسىرىلىپ جاتقان جوبالاردى كەڭەيتۋگە جەنە جاڭا جوبالاردى قولعا الۋعا ەرەكشە قىزىعۋشىلىق تانىتادى.
