زاڭگەر دەۋلەتحان احمەتوۆ پرەزيدەنت قاسىم-جومارت توقاەۆقا ٷندەۋ جاساپ, مولداحان ەدٸلەتحانعا قاتىستى قىلمىستىق ٸستٸ باقىلاۋعا الۋدى سۇرادى. ونىڭ سٶزٸنشە, الماتى قالاسىنىڭ المالى اۋداندىق سوتىندا قارالىپ جاتقان قىلمىستىق ٸس بارىسىندا پروكۋراتۋرا ايىپتى ٶزگەرتۋگە ەرەكەت ەتكەن, سوندىقتان ٸستٸڭ زاڭ اياسىندا قارالۋىنا قاتىستى كٷمەن تۋىنداعان, دەپ حابارلايدى dalanews.kz.
احمەتوۆتٸڭ ايتۋىنشا, 3 شٸلدە كٷنٸ قىلمىستىق كودەكستٸڭ 274-بابىنىڭ 2-بٶلٸگٸ 3-تارماعى بويىنشا ايىپتالعان مولداحان ەدٸلەتحانعا قاتىستى ٷكٸم جارييالانۋى تيٸس بولعان. الايدا سوت وتىرىسى سوزىلىپ, كەيٸن قوسىمشا پوليتسييا قىزمەتكەرلەرٸ شاقىرىلعان. سونداي-اق ونىڭ سٶزٸنشە, سوتقا كەلگەن جۋرناليستەردٸڭ زالعا كٸرۋٸنە مٷمكٸندٸك بەرٸلمەگەن.
زاڭگەردٸڭ مەلٸمدەۋٸنشە, سوت پروتسەسٸ بارىسىندا پروكۋراتۋرا ايىپتى قىلمىستىق كودەكستٸڭ 274-بابىنىڭ 3-بٶلٸگٸنە اۋىستىرۋدى تالاپ ەتكەن. ول مۇنداي تالاپتىڭ زاڭعا قايشى ەكەنٸن ايتىپ, قىلمىستىق ٸس العاشىندا 274-باپتىڭ 2-بٶلٸگٸ بويىنشا تٸركەلگەندٸكتەن, ٷكٸم دە سول باپ اياسىندا شىعارىلۋى قاجەت دەپ ەسەپتەيدٸ.
“ٸس باستاپقىدا قىلمىستىق كودەكستٸڭ 274-بابىنىڭ 2-بٶلٸگٸ بويىنشا قارالدى. سوندىقتان ٷكٸم دە سول باپپەن شىعۋى كەرەك ەدٸ. بٸراق پروكۋراتۋرا ەشقانداي نەگٸزسٸز 274-باپتىڭ 3-بٶلٸگٸن قولدانۋدى تالاپ ەتٸپ وتىر”, – دەدٸ احمەتوۆ.
ونىڭ ايتۋىنشا, سوت بارىسىندا قىلمىستىق كودەكستٸڭ 54-بابىن, ياعني جاۋاپتىلىق پەن جازانى اۋىرلاتاتىن مەن-جايلاردى قولدانۋ مەسەلەسٸ دە كٶتەرٸلگەن. الايدا زاڭگەر بۇل ٷشٸن قاجەت دەلەلدەر جوق ەكەنٸن ايتتى.
احمەتوۆتٸڭ پٸكٸرٸنشە, پروكۋراتۋرا سوت ٷكٸمٸ شىقپاي تۇرىپ ايىپتى ٶزگەرتۋگە ەرەكەت جاساپ وتىر. ول مۇنى زاڭ تالاپتارىنا سەيكەس كەلمەيتٸن جاعداي ەكەنٸن جەتكٸزدٸ.
سونىمەن قاتار زاڭگەر 274-باپتىڭ 3-بٶلٸگٸن قولدانۋ ٷشٸن مەملەكەتكە, ۇيىمعا نەمەسە ازاماتتارعا ٸرٸ زالال كەلتٸرٸلگەنٸ دەلەلدەنۋٸ تيٸس ەكەنٸن ايتتى. ونىڭ سٶزٸنشە, بۇل ٸستە مۇنداي زالال انىقتالماعان.
احمەتوۆ مولداحان ەدٸلەتحان ٶزٸنە قاتىستى ايتىلعان جايتتاردىڭ بٸر بٶلٸگٸن جوققا شىعارمايتىنىن دا جەتكٸزدٸ.
“ەدٸلەتحان بۇرىنعى پوليتسييا قىزمەتكەرلەرٸنە قاتىستى ايتقانىن مويىنداپ وتىر. ول مۇنى جاسىرمايدى. بٸراق بۇل باسقا, اۋىرلاۋ ايىپ تاعۋعا نەگٸز بولماۋى كەرەك”, – دەدٸ زاڭگەر.
سونداي-اق ول جول-كٶلٸك وقيعاسىنان كەيٸن قىزمەتٸنەن بوساتىلعان ەكٸ پوليتسييا قىزمەتكەرٸنٸڭ جۇمىستان شىعارىلۋىنا ەدٸلەتحاننىڭ قاتىسى بولماعانىن ايتتى. زاڭگەردٸڭ سٶزٸنشە, ولاردى ٸشكٸ ٸستەر ورگاندارى ٶز شەشٸمٸمەن قىزمەتتەن بوساتقان.
احمەتوۆ ەدٸلەتحاننىڭ كەمەلەتكە تولماعان ٷش بالاسى بار ەكەنٸن اتاپ ٶتتٸ. سوندىقتان سوت بارلىق مەن-جايدى جان-جاقتى ەسكەرٸپ, ەدٸل شەشٸم قابىلداۋى قاجەت دەپ سانايدى.
ٷندەۋ سوڭىندا زاڭگەر پرەزيدەنت قاسىم-جومارت توقاەۆتان ٸسكە نازار اۋدارۋدى سۇراپ, قازاقستاندا ەدٸل سوت قاعيداتى ساقتالۋى تيٸس ەكەنٸن ايتتى.
