ق ر پرەمەر-مينيسترى ءاليحان سمايىلوۆ زاڭسىز يەمدەنىلگەن اكتيۆتەردى مەملەكەتكە قايتارۋ جونىندەگى كوميسسيانىڭ وتىرىسىن وتكىزدى، دەپ حابارلايدى Dalanews.kz.
مۇندا تەكسەرۋ شارالارى باستالاتىن جاڭا تۇلعالاردى ءتيىستى رەەسترگە ەنگىزۋ ماسەلەسى تالقىلاندى.
وسى تۇستا، بۇعان دەيىن رەەسترگە ەنگىزىلگەن كەيبىر تۇلعالار بويىنشا كىناسىن مويىنداۋ جانە زاڭسىز الىنعان مۇلىكتى ءوز ەركىمەن قايتارۋ تۋرالى كەلىسىم جاسالۋى مۇمكىن.
سونىمەن قاتار رەەستردەگى جەكەلەگەن سۋبەكتىلەردىڭ جانە ولارعا ۇلەستەس تۇلعالاردىڭ شىعۋ تەگى تۇسىنىكسىز مۇلكىن مەملەكەت كىرىسىنە اۋدارۋدى ماجبۇرلەۋ تۋرالى تالاپتار قويىلادى.
پرەمەر-مينيستر مەملەكەت باسشىسىنىڭ زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى شەشىمى – “ادىلەتتى قازاقستاندى” قۇرۋ پروسەسىنىڭ جالعاسى ەكەنىن اتاپ ءوتتى. سوڭعى 2 جىلدا ەلگە جالپى سوماسى 1 ترلن تەڭگەگە جۋىق اكتيۆتەر قايتارىلدى.
بۇگىندە اۋقىمدى جۇمىس اياسىندا 344 جىلجىمالى جانە جىلجىمايتىن مۇلىك وبەكتىسى، سونىڭ ىشىندە شەتەلدە 131 وبەكت انىقتالدى. جالپى قۇنى 448 ملرد تەڭگە قۇندى قاعازدار بويىنشا مالىمەت الىندى. سوماسى 220 ترلن تەڭگە بولاتىن بانك وپەراسيالارى، ونىڭ ىشىندە 1،4 ترلن تەڭگەنى قۇرايتىن كۇماندى وپەراسيالار تەكسەرىلۋدە.
ءاليحان سمايىلوۆ ورتاق مىندەت زاڭسىز يەمدەنىلگەن اكتيۆتەردى قايتارۋ جانە ولاردى قوعام مەن مەملەكەت يگىلىگى ءۇشىن پايدالانۋ كەرەك ەكەنىن اتاپ ءوتتى.
