«ەدٸلەت» پارتيياسى تسيفرلاندىرۋ مەن جاساندى ينتەللەكتتٸ (جي) ەلدٸ دامىتۋدىڭ نەگٸزگٸ باعىتتارىنىڭ بٸرٸ رەتٸندە قاراستىرادى. بۇل تۋرالى پارتييانىڭ كەزەكتەن تىس سەزٸندە باعدات مۋسين مەلٸمدەدٸ, دەپ حابارلايدى dalanews.kz.
ونىڭ ايتۋىنشا, تسيفرلاندىرۋ مەملەكەتتٸك باسقارۋدىڭ بارلىق سالاسىن قامتۋى تيٸس.
«بٸز “اۋىرىپ ەم ٸزدەگەنشە, اۋىرمايتىن جول ٸزدە” دەگەن حالىق دانالىعىن ۇستانامىز. ياعني جەمقورلىق فاكتٸسٸ بولعاننان كەيٸن ونىڭ سالدارىمەن كٷرەسپەي, ونىڭ الدىن الۋعا جۇمىس ٸستەۋٸمٸز كەرەك», – دەدٸ باعدات مۋسين.
ول تسيفرلاندىرۋداعى ەڭ ماڭىزدىسى تەحنولوگييا ەمەس, مەملەكەتتٸك ورگاندار باسشىلارىنىڭ ٶزگەرٸسكە دايىندىعى مەن پروتسەستەردٸڭ اشىقتىعى ەكەنٸن ايتتى.
مىسال رەتٸندە ول بۇرىن بٸرنەشە كٷنگە سوزىلاتىن كٶلٸكتٸ تٸركەۋ قىزمەتٸنٸڭ بٷگٸندە بەس مينۋتتا كٶرسەتٸلەتٸنٸن كەلتٸردٸ.
سونداي-اق پارتييا مەملەكەتتٸك قىزمەتتەردٸ جەتٸلدٸرۋ بويىنشا ۇسىنىستاردى ٶز پلاتفورماسى ارقىلى جيناۋدى جوسپارلاپ وتىر.
مۋسيننٸڭ سٶزٸنشە, «حالىق ٷنٸنە قۇلاق اساتىن مەملەكەت» تۇجىرىمداماسىن دامىتۋ اياسىندا e-ٶتٸنٸش پلاتفورماسىنا جاساندى ينتەللەكت قۇرالدارىن ەنگٸزۋ كٶزدەلگەن.
«جاساندى ينتەللەكت ەلٸمٸزدٸڭ قاي ٶڭٸرٸندە قانداي مەسەلە بارىن, قاي ەلدٸ مەكەندەردە بٸرٸنشٸ كەزەكتە شەشٸلۋٸ تيٸس پروبلەمالار بار ەكەنٸن تالداۋعا كٶمەكتەسەدٸ», – دەدٸ ول.
بۇدان بٶلەك, پارتييا ەلدٸڭ بارلىق ٶڭٸرٸن ساپالى ينتەرنەتپەن قامتاماسىز ەتۋدٸ, ازاماتتاردى جاساندى ينتەللەكت دەۋٸرٸنە بەيٸمدەۋدٸ جەنە AIsana باعدارلاماسى ارقىلى تسيفرلىق داعدىلاردى دامىتۋدى ۇسىنادى.
سونىمەن قاتار باعدات مۋسين قازاقستاندا حالىقارالىق تەحنولوگييالىق كومپانييالاردى تارتۋ ٷشٸن داتا-ورتالىقتار القابىن قۇرۋ قاجەت ەكەنٸن ايتتى.
«تسيفرلىق دامۋ – بۇل تەك تەحنولوگييا مەسەلەسٸ ەمەس. بۇل الداعى جىلدارى قازاقستاننىڭ قانداي مەملەكەت بولاتىنىن جەنە ٶز بولاشاعىمىزدى ٶزٸمٸز ايقىنداي الاتىنىمىزدى شەشەتٸن ماڭىزدى باعىت», – دەدٸ ول.
ونىڭ پٸكٸرٸنشە, تسيفرلىق ترانسفورماتسييا ازاماتتار مەن بيزنەستٸڭ ٶمٸرٸن جەڭٸلدەتٸپ, مەملەكەتتٸك قىزمەتتەردٸڭ تيٸمدٸلٸگٸن ارتتىرۋى تيٸس.
