شەرزات بولاتتىڭ ولىمىنە قاتىستى ايىپتالۋشى ابزال شىناسىل «حۋتور بانداسىمەن» بايلانىسى جايلى جاۋاپ بەردى، دەپ حابارلايدى Dalanews.kz.
سوت وتىرىسى بارىسىندا ايىپتالۋشى ابزال شىناسىلعا «چيكا» دەگەن ادام جانە «دەلايتە» دەگەن پارمەن تۋرالى سۇراق قويىلدى.
– مەن ول جاقتا بولعاندا ونداي نارسە بولعان جوق، – دەپ جاۋاپ بەردى ابزال شىناسىل.
سونداي-اق سوتتا ودان «حۋتور بانداسىمەن» بايلانىسى تۋرالى دا سۇرالدى.
– مەن وسى ىسكە قاتىستى ايتقىم كەلگەنى، باق-تا «حۋتور» دەگەن بانديتتەر بار دەپ جازادى. جوق، ءبىز ولارعا ەشقانداي قاتىسى جوق قاراپايىم اۋىلدىڭ بالالارىمىز. نەگە ءبىزدى «حۋتورسكيە» دەپ اتاپ جۇرگەنىن ءوزىم دە تۇسىنبەيمىن، – دەدى سوتتا ايىپتالۋشى.
ەسكە سالايىق، بۇعان دەيىن ابزال تاعىلعان ايىپتى جارتىلاي مويىندايتىنىن ايتتى.
ايىپتالۋشى ابزال شىناسىلدىڭ ايتۋىنشا، وقيعا بولعان كۇنى ول دوستارى – ازامات توقتاۋبايەۆ، شىڭعىس بەلگوجايەۆ، راۆيل ساكييەۆ جانە كامەلەت جاسقا تولماعان د.ى.-مەن بىرگە كافەدە دەمالىپ وتىرعان. سول كەزدە وعان نۇربول توقتاۋبايەۆ قوڭىراۋ شالىپ، "قاماجاي" دۇكەنى ماڭىندا دوسىن بىرەۋلەر سوققىعا جىققانىن حابارلاعان.
ابزالدىڭ سوزىنشە، ول وقيعا ورنىنا كەلگەندە، توبەلەس باستالىپ كەتكەن ەكەن. ول سونداي-اق شەرزاتتىڭ اعاسى – نۇرعانات عايىپبايەۆتىڭ وزىنە قاراي مىلتىقپەن وق اتقانىن ايتتى.
«سودان كەيىن ولار شەرزاتپەن بىرگە شوتا رۋستاۆەلي كوشەسىمەن قاشىپ كەتتى. كەيىن شەرزات قۇلاپ ءتۇستى. ول قۇلاعان كەزدە مەن ونى ۇرىپ، تەپتىم. سوسىن مەن نۇرعاناتتى ءۇش رەت پىشاقتادىم. مۇنى مويىندايمىن»، – دەدى ابزال شىناسىل.
سوت بارىسىندا ابزالدان نە ءۇشىن پىشاقتى وزىمەن بىرگە الىپ جۇرگەنى سۇرالعاندا، ول وقيعادان ءۇش كۇن بۇرىن جانارماي بەكەتىندە بەلگىسىز ءۇش ادام شابۋىل جاساعانىن، سول سەبەپتى وزىمەن بىرگە پىشاق الىپ جۇرگەنىن ايتقان.
الايدا سوتتا ابزال شىناسىل بۇرىنعى ايتقان سوزدەرىنەن باس تارتتى. ونىڭ ايتۋىنشا، شەرزاتتى ولتىرگەن ول ەمەس جانە پىشاقتى كىم قولدانعانىن بىلمەيدى.
