شىعىس قازاقستان وبلىسىنىڭ ەكٸمشٸلٸك-اۋماقتىق قۇرىلىمىن ٶزگەرتۋ بارىسىندا تارباعاتاي اۋدانىنىڭ قۇرامىنان اقسۋات جەنە تارباعاتاي اۋداندارىن, ال كٶكپەكتٸ اۋدانىنىڭ قۇرامىنان سامار جەنە كٶكپەكتٸ اۋداندارىن بٶلۋ جولىمەن جاڭا اۋداندار قۇرۋ تۋرالى شەشٸم قابىلدانىپ وتىر.
الداعى ۋاقىتتا تارباعاتاي اۋدانىنىڭ ەكٸمشٸلٸك ورتالىعى – اقجار اۋىلى, اقسۋات اۋدانىنىڭ ەكٸمشٸلٸك ورتالىعى – اقسۋات اۋىلى, سامار اۋدانىنىڭ ەكٸمشٸلٸك ورتالىعى – سامار اۋىلى, كٶكپەكتٸ اۋدانىنىڭ ەكٸمشٸلٸك ورتالىعى – كٶكپەكتٸ اۋىلى بولىپ ٶزگەرمەك.
تەرريتورييالىق بٶلٸنٸستەرگە سەيكەس شىعىس قازاقستان وبلىسىنىڭ اۋماعى 97,8 مىڭ شارشى مەتر بولادى. قۇرامىنا 9 اۋدان جەنە 2 قالا كٸرەدٸ.
اباي وبلىسىنىڭ اۋماعى 185,5 مىڭ شارشى مەتردٸ قۇرايدى, ال قۇرامىنا 8 اۋدان جەنە 2 قالا كٸرەدٸ.
اتاپ ايتقاندا, شقو اۋماعىندا – ٶسكەمەن, ريددەر قالالارى, گلۋبوكوە, زايسان, كاتونقاراعاي, كٷرشٸم, سامار, تارباعاتاي, ۇلان, شەمونايحا, التاي اۋداندارى قالادى.
اباي وبلىسىنا – سەمەي, كۋرچاتوۆ قالالارى, اباي, اياگٶز, اقسۋات, بەسقاراعاي, بورودۋليحا, جارما, كٶكپەكتٸ, ٷرجار اۋداندارى قارايدى. جاڭادان قۇرىلاتىن وبلىس حالقىنىڭ سانى – 638,3 مىڭ ادامدى قۇراسا, شىعىس قازاقستان وبلىسىنىڭ حالقى – 717,6 مىڭ بولماق, بۇل وبلىس حالقىنىڭ 53 پايىزى.
سەسسييادا جاڭادان قۇرىلاتىن اباي وبلىسىنا قاتىستى ايماق باسشىسى دانيال احمەتوۆ ٶزٸنٸڭ پٸكٸرٸن بٸلدٸردٸ.
– سەمەي ٶڭٸرٸنە شامامەن 354 ملرد تەڭگە شاماسىندا ينۆەستيتسييا سالىنعانىن اتاپ ٶتكٸم كەلەدٸ. تۇرعىن ٷي قۇرىلىسى, ينجەنەرلٸك-كوممۋنالدىق جەنە جول-كٶلٸك ينفراقۇرىلىمى, بٸلٸم بەرۋ جەنە دەنساۋلىق ساقتاۋ سالالارىندا بٸرقاتار ٸرٸ جوبالار ٸسكە اسىرىلدى. ٶزەكتٸ ەكولوگييالىق مەسەلەنٸ شەشكەن ديۋكەردٸ جٶندەۋ, ەلدەگٸ العاشقى راديونۋكليدتٸك تەراپييا بٶلٸمشەسٸ بار يادرولىق مەديتسينا ورتالىعىن ٸسكە قوسۋ, قاراعايلى جاڭا شاعىن اۋدانىن, كٶپ بەيٸندٸ سپورتتىق-مەدەني كەشەنٸن سالۋ جەنە ەۋەجايدى قايتا جاڭارتۋ تاعى باسقالارى تابىستى مىسال بولا الادى. جىلدار بويى مەسەلەلەرٸ قوردالانعان سەمەي قالاسى بٷگٸندە تانىماستاي ٶزگەردٸ. وسىنىڭ بەرٸ سٸزدەر مەن بٸزدەردٸڭ ەتكەن ەڭبەكتەرٸمٸزدٸڭ ارقاسىندا مٷمكٸن بولدى. شىعىس قازاقستان وبلىسىنىڭ, سونداي-اق قازٸرگٸ اباي ٶڭٸرٸنٸڭ ٶركەندەۋٸنە قوماقتى ٷلەس قوسقان ەربٸر جانعا العىس ايتامىن, – دەدٸ وبلىس باسشىسى.
سونداي-اق, الاشتىڭ رۋحاني ورداسى سەمەيدٸ دامىتۋدىڭ كەشەندٸ جوسپارىن جٷزەگە اسىرۋعا 260 ملرد تەڭگە قاراستىرىلعان, الداعى تٶرت جىلعا بٸرقاتار ٸرٸ جەنە ماڭىزدى جوبالارعا جسق دا دايىن.
بٷگٸندە جاڭادان قۇرىلعان وبلىستىڭ مىقتى قارجىلىق نەگٸزٸن ٶنەركەسٸپتٸك الىپتار – اقتوعاي كەن-بايىتۋ كومبيناتى, باقىرشىق تاۋ-كەن ٶندٸرۋ كەسٸپورىندارى, سونداي-اق ورتا بيزنەس وبەكتٸلەرٸ ٶڭٸردٸڭ ەكونوميكاسىنا قان جٷگٸرتپەك.
سەسسييانىڭ قورىتىندىسىندا بٸرلەسكەن قاۋلى مەن شەشٸم ٷكٸمەتكە جولداندى.
