اباي وبلىسىندا يممۋندالۋعا ءتيىس ادامداردىڭ 89،6%-ى ەكپە الدى – نۇرجان نوعايبايەۆ

نۇرلان جۇماحان 17 اقپ. 2024 16:45 2736

اباي وبلىسىنىڭ وڭىرلىك كوممۋنيكاسيادار قىزمەتى الاڭىندا  «اۋا-تامشى جولدارى ارقىلى تارالاتىن اۋرۋلار (جرۆي، تۇماۋ، كۆي، قىزىلشا، كوكجوتەل) بويىنشا ەپيدەميولوگيالىق جاعداي» تاقىرىبىندا باسپا ءسوز ماسليحاتى ءوتتى. بۇل تۋرالى  اباي وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى نۇرجان نوعايبايەۆ باياندادى، – دەپ حابارلايدى Dalanews.kz.

–  بۇگىندە وبلىس  اۋماعىندا ۆيرۋستى جۇقپالار، اتاپ ايتقاندا جرۆي، تۇماۋ، كۆي، قىزىلشا جانە كوكجوتەل بويىنشا ەپيدەميولوگيالىق جاعداي تۇراقتى. جرۆي جانە تۇماۋ اۋرۋلارى بويىنشا بىلتىرعى جانە بيىلعى جىلدى قوسقاندا  بارلىعى 38305 جاعداي تىركەلگەن. ونىڭ 21895 جاعدايى 14 جاسقا  دەيىنگى بالالار اراسىندا، ياعني  سىرقاتتانۋشىلىقتىڭ 57،1% قۇرايدى. بيىل وتكەن ەپيدماۋسىممەن سالىستىرعاندا سىرقاتتانۋشىلىق 4،1 % ارتقان، – دەدى سپيكەر.

اباي وبلىسىندا 2024 جىلى  كۆي جاعدايلارى  تىركەلمەگەن.

– بىلتىرعى جىلدىڭ قورىتىندىسى بويىنشا وبلىستا قىزىلشانىڭ راستالعان 217 جاعدايى قاراستىرىلعان. اعىمداعى جىلمەن سالىستىرعاندا 225 زەرتحانالىق راستالعان جاعدايعا كوبەيگەن. 2023 جىلدىڭ 6 قاراشاسىنان بەرى قوسىمشا جاپپاي يممۋنداۋ جۇرگىزىلۋدە. بارلىق يممۋنداۋعا جاتاتىن 40000 ادامنىڭ 89،6% ەگىلدى، – دەپ اتاپ ءوتتى دەپارتامەنت باسشىسى.

سپيكەردىڭ ايتۋىنشا، جىل باسىنان بەرى كوكجوتەلگە كۇدىكتى 13 جاعداي تىركەلگەن. ونىڭ ىشىندە 2 جاعداي يفا ادىسىمەن راستالىپ، 4 جاعداي الىنىپ تاستالعان جانە  7 جاعداي لابوراتوريالىق جۇمىس ۇستىندە.

– ۆيرۋستان ساقتانۋدىڭ بىرنەشە شارالارى قاراستىرلعان. ولاردىڭ ەڭ ءتيىمدىسى – ۆاكسيناسيا. ەگەر پروفيلاكتيكالىق ەكپەلەردى وتكىزىپ العان بولساڭىزدار، ەسەسىن تولتىرۋشى ەكپە جۇرگىزۋ اياسىندا، قىزىلشا مەن كوكجوتەل عانا ەمەس، باسقا دا بارلىق ەكپەلەردى تولىقتاي  الۋعا بولادى جانە جۇرگىزىلىپ جاتقان قوسىمشا جاپپاي يممۋنداۋ اياسىندا قىزىلشاعا قارسى ەكپەنى بالالار مەن جاسوسپىرىمدەرگە دە  الۋعا شاقىرامىز.

سونىمەن قاتار، اۋەجايلار، تەمىرجول ۆوكزالدارى، بازارلار، ساۋدا-ويىن-ساۋىق ورتالىقتارى، ساۋدا ۇيلەرى، تەاترلار، كينوتەاترلار، حقكو، بانكتەر سياقتى قوعامدىق ورىندارعا قاتىستى جانە دە ماسكالاردى قوعامدىق كولىكتىڭ بارلىق تۇرلەرىندە قولدانۋدى ۇسىنامىز، – دەپ قورىتىندىلادى نۇرجان نوعايبايەۆ.


ۇسىنىلعان
سوڭعى جاڭالىقتار