اباي وبلىسىندا 11 جاستاعى بالا جول-كولىك وقيعاسىنان كوز جۇمدى، دەپ حابارلايدى Dalanews.kz.
14 قازان كۇنى Toyota RAV-4 اۆتوكولىگىن جۇرگىزگەن 44 جاستاعى ازامات ءۇرجار اۋىلىنداعى گاگارين كوشەسىندە 11 جاستاعى جاياۋ جۇرگىنشىنى قاعىپ كەتكەن. مالىمەتتەرگە سۇيەنسەك، كولىك تىزگىنىندە جەرگىلىكتى يمام بولعان.
وقيعا سالدارىنان زارداپ شەككەن بالا ءۇرجار اۋدانىنىڭ ورتالىق اۋرۋحاناسىندا قايتىس بولدى.
اتالعان فاكتى بويىنشا "ابايسىزدا ادام ولىمىنە اكەپ سوقتىرعان جول قوزعالىسى ەرەجەلەرىن بۇزۋ" بابىمەن سوتقا دەيىنگى تەرگەۋ باستالدى. قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس، تەرگەۋ مالىمەتتەرى جاريالانبايدى.
تەرگەۋ بارىسىن اباي وبلىستىق پوليسيا دەپارتامەنتى باسشىلىعى باقىلاۋدا ۇستاپ وتىر.
