ٶڭٸردە 2025–2026 جىلدارداعى جىلىتۋ ماۋسىمىنا دايىندىق اياسىندا تۇرعىن ٷي سەكتورىندا پروفيلاكتيكالىق جۇمىستىڭ بٸرٸنشٸ كەزەڭٸ باستالدى. ەرەكشە نازار ەلەۋمەتتٸك تۇرعىدان وسال توپتاعى ازاماتتاردىڭ ٷيلەرٸنە اۋدارىلۋدا. سەبەبٸ جىل سايىن ٶرت وقيعالارىنىڭ باسىم بٶلٸگٸ جەكە تۇرعىن ٷيلەردە تٸركەلەدٸ,- دەپ حابارلايدى Dalanews.kz
اباي وبلىسى تجد باستىعىنىڭ ورىنباسارى الەكسەي شتىكەلدٸڭ مەلٸمەتٸنشە, 15 تامىز بەن 15 قىركٷيەك ارالىعىندا كٶپبالالى جەنە از قامتىلعان وتباسىلاردىڭ, زەينەتكەرلەر مەن مٷمكٸندٸگٸ شەكتەۋلٸ جانداردىڭ ٷيلەرٸنە بارىپ, تەكسەرۋ جٷرگٸزٸلٸپ جاتىر. مۇنداي الدىن الۋ شارالارى ٶرت قاۋٸپسٸزدٸگٸ ەرەجەلەرٸن بۇزۋشىلىقتاردى انىقتاۋعا جەنە تٷسٸندٸرۋ جۇمىستارىنا مٷمكٸندٸك بەرەدٸ.
– ستاتيستيكاعا سەيكەس, ەڭ قاۋٸپتٸ ايماق – تۇرعىن ٷي سەكتورى. ٶرتتەردٸڭ شامامەن 70 پايىزى جەنە ادام ٶلٸمٸ جاعدايلارىنىڭ 90 پايىزى وسى سەكتورعا تيەسٸلٸ. 2024–2025 جىلعى جىلىتۋ ماۋسىمىندا وبلىستا 304 ٶرت تٸركەلدٸ, بۇل الدىڭعى كەزەڭمەن (211 جاعداي) سالىستىرعاندا 44 پايىزعا كٶپ. ٶرت سالدارىنان 12 ادام زارداپ شەگٸپ, 9 ادام قازا تاپتى, ولاردىڭ ٸشٸندە ەكٸ بالا بار. قايعىلى وقيعالاردىڭ باستى سەبەپتەرٸ – بالالاردى قاراۋسىز قالدىرۋ جەنە ماس كٷيٸندە تٶسەككە جاتىپ شىلىم شەگۋ, – دەپ اتاپ ٶتتٸ سپيكەر.
ٶرتتەن بٶلەك, جالىن شىقپاي-اق كٶمٸرقىشقىل گازىنان ۋلانۋ دەرەكتەرٸ دە تٸركەلگەن. ٶتكەن ماۋسىمدا 11 ادام قازا تاپتى, بۇل ٶتكەن جىلمەن سالىستىرعاندا 2,7 ەسە كٶپ. دەگەنمەن ەلەۋمەتتٸك تۇرعىدان وسال توپتاعى وتباسىلاردىڭ ٷيلەرٸنە ورناتىلعان كٶمٸرقىشقىل گازىنىڭ داتچيكتەرٸ تيٸمدٸلٸگٸن دەلەلدەدٸ. سەمەي مەن جارما اۋدانىندا دەر كەزٸندە ٸسكە قوسىلعان قۇرىلعىلاردىڭ ارقاسىندا تٶرت ادامنىڭ, سونىڭ ٸشٸندە بٸر بالانىڭ ٶمٸرٸ ساقتالىپ قالدى.
ٶڭٸردە حالىقتىڭ ەلەۋمەتتٸك تۇرعىدان وسال توپتارىنا داتچيك ورناتۋ باعدارلاماسى جالعاسۋدا. 2025 جىلى مۇنداي وتباسىلاردىڭ سانى 30 پايىزعا ارتىپ, 6 733-كە جەتتٸ. بٷگٸنگٸ كٷنٸ ولاردىڭ بارلىعى تولىقتاي داتچيكتەرمەن قامتاماسىز ەتٸلگەن.
– تۇرعىن ٷي سەكتورىنداعى جاعداي ەرەكشە نازاردى قاجەت ەتەدٸ. ٶرت پەن ادام ٶلٸمٸ دەرەكتەرٸنٸڭ ٶسۋٸن كٶرٸپ وتىرمىز, سوندىقتان تەۋەكەل توبىنداعى وتباسىلارمەن ماقساتتى پروفيلاكتيكالىق جۇمىستار جٷرگٸزۋدەمٸز. ەڭ باستىسى, كٶمٸرقىشقىل گازىنىڭ داتچيكتەرٸ شىن مەنٸندە ادام ٶمٸرٸن ساقتاپ قالاتىنىن سوڭعى جىلدارداعى تەجٸريبە ايقىن كٶرسەتتٸ, – دەپ تٷيٸندەدٸ الەكسەي شتىكەل.
