سەمەيدە اۋقىمدى مەدەني-اعارتۋشىلىق جوبا — «اباي جولى» كٸتاپحاناسى اياسىندا جارىق كٶرگەن جاڭا كٸتاپتار سەريياسىنىڭ تۇساۋكەسەرٸ ٶتتٸ. ٸس-شاراعا اباي وبلىسىنىڭ ەكٸمٸ قولداۋ بٸلدٸردٸ. پرەزەنتاتسيياعا كٸتاپ اۆتورلارى, شىعارماشىلىق قاۋىم ٶكٸلدەرٸ, وقىتۋشىلار, ستۋدەنتتەر جەنە ەدەبيەت سٷيەر قاۋىم قاتىستى, دەپ حابارلايدى Dalanews.kz.
جيناققا ەر بۋىن قالامگەرلەرٸنٸڭ ەڭبەكتەرٸ ەندٸ. وندا پوەزييا, پروزا, دەرەكتٸ تۋىندىلار, عىلىمي زەرتتەۋلەر مەن ەدەبيەتتانۋ سالاسىنداعى ەڭبەكتەر قامتىلعان. كٸتاپتاردى ساراپتاۋ جەنە باسپاعا دايىنداۋ جٶنٸندەگٸ كەڭەسكە شەكەرٸم ۋنيۆەرسيتەتٸنٸڭ پروفەسسورى, قازاقستاننىڭ ەڭبەك سٸڭٸرگەن قايراتكەرٸ, «پاراسات» وردەنٸنٸڭ يەگەرٸ, اباي وبلىسىنىڭ قۇرمەتتٸ ازاماتى اراپ ەسپەنبەتوۆ تٶراعالىق ەتەدٸ. ول – اباي مۇراسىن زەرتتەۋشٸ كٶرنەكتٸ عالىمداردىڭ بٸرٸ.
«اباي جولى» جوباسى – ٶڭٸرٸمٸزدٸڭ اسا باي ەدەبي مۇراسىن ساقتاۋ مەن ناسيحاتتاۋعا باعىتتالعان ماڭىزدى مەدەني ميسسييا. بٷگٸن بٸز اباي تۇلعاسىن قالىپتاستىرعان, ەرٸ قازٸرگٸ ەدەبيەتتٸڭ دامۋىنا ىقپالىن ەلٸ دە تيگٸزٸپ كەلە جاتقان كٸتاپتار سەريياسىن ۇسىنىپ وتىرمىز. بۇل جوبا – قوعامنىڭ رۋحاني ٶركەندەۋٸنە قوسىلعان ەلەۋلٸ ٷلەس. جاستارعا بٸلٸم عانا ەمەس, وسى ۇلى دەستٷرگە دەگەن تەرەڭ قۇرمەت پەن ٶزارا بايلانىس سەزٸمٸن دە اماناتتاۋ – بٸزدٸڭ بورىشىمىز», – دەدٸ اراپ ەسپەنبەتوۆ.
2025 جىلى جوبا شەڭبەرٸندە 19 اۆتوردىڭ 25 كٸتابى جارىق كٶردٸ. جالپى تارالىم — 12 500 دانا. ابايدىڭ 180 جىلدىعىنا وراي ونىڭ تۇلعاسى مەن رۋحاني مۇراسىنا ايرىقشا نازار اۋدارىلدى. بۇل توپتامادا مۋحتار ەۋەزوۆتىڭ «اباي جولى» رومان-ەپوپەياسى, قايىم مۇحامەدحانوۆتىڭ «ابايدىڭ اقىن شەكٸرتتەرٸ» مەن «اباي مۇراگەرلەرٸ» اتتى عىلىمي ەڭبەكتەرٸ, كامەن ورازاليننٸڭ «اباي اۋىلىنا ساياحات» دەرەكتٸ كٸتابى, مىرزاقاسىم مەدەۋحانوۆتىڭ «اباي ەلٸنٸڭ ەڭگٸمەلەرٸ», سونداي-اق اسان وماروۆ پەن باۋىرجان ەردەمبەكوۆتٸڭ ابايدىڭ ەدەبي ورتاسىنا ارنالعان زەرتتەۋلەرٸ بار.
جوبا اياسىنداعى ماڭىزدى جاڭالىقتىڭ بٸرٸ — بەلگٸلٸ سەمەيلٸك ٶلكەتانۋشى نيكولاي كونشيننٸڭ ەڭبەكتەرٸنٸڭ قايتا باسىلىپ شىعۋى. بۇرىن تەك اباي اتىنداعى كٸتاپحانانىڭ سيرەك قورىندا عانا ساقتالعان بۇل ماتەريالدار ەندٸ كەڭ وقىرمانعا قولجەتٸمدٸ. سونىمەن بٸرگە مۇرات كەنەمولديننٸڭ «سەمەي – الاشتىڭ قالاسى» اتتى زەرتتەۋٸ دە ۇسىنىلدى. وندا سەمەيدٸڭ «الاش» قوزعالىسىنىڭ قالىپتاسۋىنداعى تاريحي رٶلٸ جان-جاقتى اشىلادى.
تانىستىرىلعان ەڭبەكتەر قاتارىندا XIX–XX عاسىرلار توعىسىندا ٶمٸر سٷرگەن, ابايدىڭ شەكٸرتٸ بولعان ٸرٸ اقىن ەسەت نايمانبايۇلىنىڭ مۇراسى بار. سونداي-اق ابايدىڭ جاقىن دوسى ەرٸ سەرٸگٸ كٶكباي جاناتايۇلىنىڭ, اقىن قاليحان التىنباەۆتىڭ شىعارمالارى دا جارىق كٶردٸ.
جوباعا قازٸرگٸ زەرتتەۋشٸلەردٸڭ ەڭبەكتەرٸ دە ەنگەن. اتاپ ايتقاندا, ەبدەش تٶلەۋباەۆتىڭ «قازاقتاردىڭ دەستٷرلٸ نانىم-سەنٸمدەرٸ», سۆەتلانا سماعۇلوۆانىڭ «قازاق دالاسىنداعى اشارشىلىق», ەبٸل-سەرٸك ەليياكپاردىڭ «قالام قۇدٸرەتٸ» ەڭبەكتەرٸ. سونىمەن بٸرگە «جىر جاۋھارلارى» سەريياسىنىڭ ٷشٸنشٸ كٸتابى جارييالانىپ, وندا قازاق پوەزيياسىنىڭ كٶرنەكتٸ ٶكٸلدەرٸنٸڭ تاڭداۋلى ٶلەڭدەرٸ مەن پوەمالارى توپتاستىرىلدى.
بۇعان قوسا, قازٸرگٸ قالامگەرلەر — مەدەۋ سەرسەكە, قايىم-مۇنارا تەبەەۆ, تىنىشتىقبەك ەبدٸكەكٸم, ەدٸلعازى قايىربەكوۆ, قايىربەك شاعىر جەنە باسقا دا اۆتورلاردىڭ شىعارمالارى وقىرمانعا جول تارتتى. ولار — قازٸرگٸ قازاقستان ەدەبي كەڭٸستٸگٸن قالىپتاستىرىپ جٷرگەن تۇلعالار.
قوناقتاردى اۆتورلاردىڭ پورترەتتەرٸمەن بەزەندٸرٸلگەن جاڭا كٸتاپتار كٶرمەسٸ قارسى الدى. ەرەكشە قىزىعۋشىلىق تۋدىرعان جوبا — جاساندى ينتەللەكت كٶمەگٸمەن جاسالعان ەلەكتروندى كٸتاپحانا قورى. وندا كٸتاپتاردىڭ تسيفرلىق نۇسقالارى مەن ەر اۆتور تۋرالى انىقتامالىق اقپارات ۇسىنىلعان. ساحنادا تەاتر ارتيستەرٸ جازۋشىلار شىعارماشىلىعىنا ارنالعان ەدەبي-مۋزىكالىق قويىلىمدار كٶرسەتتٸ.
2023–2025 جىلدارى جوبانىڭ ٸسكە اسۋى بارىسىندا جالپى 61 كٸتاپ جارىق كٶردٸ. تارالىم — 30 500 دانا. بۇل كٸتاپتار اباي وبلىسىنىڭ 137 كٸتاپحاناسىنىڭ قورىنا جەتكٸزٸلدٸ. سونداي-اق ولاردىڭ ەلەكتروندى نۇسقالارى قر ۇلتتىق ەلەكتروندى كٸتاپحاناسىنا جەنە اباي كٸتاپحاناسىنا ورنالاستىرىلدى.
