اباي وبلىسىندا جاريالانعان «تازا قازاقستان» سانيتارلىق-ەكولوگيالىق باعدارلاما اياسىندا 39،3 مىڭ توننادان استام تۇرمىستىق جانە قۇرىلىس قالدىقتارى ارنايى پوليگوندارعا شىعارىلدى. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگ بارىسىندا وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ تابيعات قورعاۋ باعدارلامالارىن ىسكە اسىرۋ ءبولىمىنىڭ باس مامانى نۇرداۋلەت مۇقاشوۆ مالىمدەدى،- دەپ حابارلايدى Dalanews.kz
بيىل ءساۋىر-مامىر ايلارى ارالىعىندا قارقىندى وتكىزىلىپ جاتقان سەنبىلىكتەرگە 227 مىڭنان استام تۇرعىن، 10 مىڭنان اسا ۇيىم جانە 4 مىڭنان استام ارنايى تەحنيكا جۇمىلدىرىلعان. اۋقىمدى ناۋقان بارىسىندا 132 مىڭنان استام اۋلا، 1900 ساياباق پەن سكۆەر، 100 مىڭ مەترگە جۋىق ارىق جۇيەسىنىڭ ماڭى تازارتىلدى.
— ەكولوگيالىق ءتارتىپتى نىعايتۋ باعىتىندا كەشەندى شارالار جۇرگىزىلۋدە. اتاپ ايتقاندا، ەكى ايلىق اياسىندا 6000-عا جۋىق قۇقىقبۇزۋشىلىق انىقتالىپ، 50 ملن تەڭگەدەن استام اكىمشىلىك ايىپپۇل سالىندى. بۇقارالىق اقپارات قۇرالدارى مەن الەۋمەتتىك جەلىلەردە 200-دەن استام اقپاراتتىق ماتەريال جاريالانىپ، تۇرعىندارعا ءتۇسىندىرۋ جۇمىستارى بەلسەندى تۇردە جۇرگىزىلدى. سونىمەن قاتار مەكتەپتەر مەن كوللەدجدەردە 600-دەن استام ەكولوگيالىق شارا ءوتتى، — دەدى نۇرداۋلەت مۇقاشوۆ.
كوكتەمگى كوگالداندىرۋ جۇمىستارى دا قارقىندى جۇرگىزىلگەن. بيىلعى 26 ساۋىردە وتكەن «بۇكىلقازاقستاندىق اعاش وتىرعىزۋ كۇنى» كەزىندە ءوڭىر اۋماعىندا 23 مىڭنان استام كوشەت وتىرعىزىلدى. سونىمەن قاتار «تۇلەكتەردىڭ اعاش ەگۋى» جانە «بولاشاقتى بىرگە وتىرعىزامىز» ەكولوگيالىق اكسيالارى بارىسىندا 11 مىڭنان استام اعاش ەگىلگەن. «سەمەي ورمانى» اۋماعىندا 1،5 گەكتار جەرگە 3400-دەن استام جاسىل جەلەك وتىرعىزىلعان.
جاسىل ينفراقۇرىلىمدى دامىتۋ ماقساتىندا وڭىردە جاڭا قۇرىلىم — «جاسىل ەل اباي» كوممۋنالدىق مەملەكەتتىك مەكەمەسى قۇرىلدى. مەكەمەنىڭ ديرەكتورىنىڭ ورىنباسارى دامير راحيمجانوۆتىڭ ايتۋىنشا، الداعى ۋاقىتتا كوشەتحانا مەن جىلىجاي سالىنىپ، سەمەي قالاسىنىڭ سول جاعالاۋىندا «جاسىل بەلدەۋ» قالىپتاستىرۋ جوسپارلانعان.
— سونىمەن قاتار بەيبىتشىلىك ارالىندا ەكوساياباق پەن بالالارعا ارنالعان دەمالىس الاڭدارىن سالۋ، وزەر اۋىلدىق وكرۋگىندە اشىق توپىراقتا كوشەت وسىرەتىن ارنايى اگروايماق دايىنداۋ جۇمىستارى قولعا الىنادى، — دەپ تۇيىندەدى «جاسىل ەل اباي» كمم ديرەكتورىنىڭ ورىنباسارى دامير راحيمجانوۆ.
ەكولوگيالىق مادەنيەتتى نىعايتۋ، قورشاعان ورتانى ساقتاۋ جانە كوگالداندىرۋ باعىتىندا جۇيەلى جۇمىستار جالعاسىن تاپپاق.
