جۇمىس بەرۋشىلەر اپتالىعىنىڭ 7 ساۋىردەگى كەزدەسۋى سقو ءبىلىم باسقارماسىنىڭ وكىلدەرىمەن ءوتتى. كەزدەسۋدى ۋنيۆەرسيتەت رەكتورى تاكير بالىقبايەۆ اشتى. كەزدەسۋگە ۋنيۆەرسيتەتتىڭ اكادەميالىق ماسەلەلەر جونىندەگى پرورەكتورى اسان ساتمىرزايەۆ، اكادەميالىق ماسەلەلەر جونىندەگى دەپارتامەنت ديرەكتورى حايرۋللا جانبەكوۆ، «مانساپ» ورتالىعىنىڭ باسشىسى گۇليرا ۇسەيىن، سقو ءبىلىم باسقارماسىنىڭ باسشىسى گۇلميرا كارىموۆا، سقو ءبىلىم باسقارماسىنىڭ پەداگوگيكالىق كادرلارمەن جۇمىس ءبولىمىنىڭ باسشىسى گۇلشات شايمەردەنوۆا، سقو ءبىلىم باسقارماسىنا قاراستى ءبىلىم ءبولىمىنىڭ باسشىلارى، مەكتەپ ديرەكتورلارى، ستۋدەنتتەر مەن ماگيسترانتتار قاتىستى.
كەزدەسۋ بارىسىندا ەكى جاقتى ىنتىماقتاستىقتى جاڭعىرتۋ، ءوزارا عىلىمي-تەوريالىق تاجىريبە الماسۋ، پەداگوگيكالىق پراكتيكانى جانداندىرۋ، جاستاردى مەرزىمدى جۇمىسپەن قامتۋ ماسەلەلەرى تالقىلاندى. ستۋدەنتتەر سۇراق قويىپ، ءتيىستى جاۋاپتارىن الدى. كەزدەسۋ سوڭىندا تىڭ جوبالاردى بىرگە جۇزەگە اسىرۋ جوسپارلاندى.
