اباي وبلىسىندا قازاقتىڭ ۇلى اقىنى, ويشىل اباي قۇنانبايۇلىنىڭ تۋعانىنا 180 جىل تولۋىنا ارنالعان سالتاناتتى ٸس-شارا ٶتتٸ. مەرەيتوي بارىسىندا قازاقستان پرەزيدەنتٸ قاسىم-جومارت توقاەۆتىڭ قۇتتىقتاۋ حاتىن سەنات تٶراعاسى مەۋلەن ەشٸمباەۆ وقىپ بەردٸ,- دەپ حابارلايدى Dalanews.kz
مەملەكەت باسشىسىنىڭ قۇتتىقتاۋىندا اباي ەلەمدٸك اۋقىمداعى عۇلاما ەكەنٸنە جەنە ونىڭ رۋحاني مۇراسى كەلەر ۇرپاق ٷشٸن دە ٶزەكتٸ بولىپ قالا بەرەتٸنٸنە باسا مەن بەرٸلگەن.
«اباي – تٶل مەدەنيەتٸمٸزدٸ دامىتۋعا ٶلشەۋسٸز ٷلەس قوسقان ەلەمدٸك دەڭگەيدەگٸ كەمەڭگەر تۇلعا, حالقىمىزدىڭ سانا-سەزٸمٸن جاڭعىرتقان ۇلى اقىن. ول جاڭا ەدەبيەتٸمٸزدٸڭ نەگٸزٸن قالاپ, دٷنيەتامىمىزدىڭ كٶكجيەگٸن كەڭەيتتٸ. ٶسكەلەڭ ۇرپاقتى بٸلٸمپاز, ەڭبەكقور, ادال ازامات بولۋعا شاقىرىپ, ۇلتتىڭ جاڭا ساپاسىن قالىپتاستىراتىن قاسيەتتەردٸ كەڭٸنەن دەرٸپتەدٸ. وتانعا دەگەن سٷيٸسپەنشٸلٸكتٸڭ جەنە ەل مٷددەسٸ ٷشٸن قالتقىسىز قىزمەت ەتۋدٸڭ وزىق ٷلگٸسٸن كٶرسەتتٸ. حەكٸم ابايدىڭ مول مۇراسى – قازاق حالقىنىڭ عانا ەمەس, بارشا ادامزاتتىڭ ٶنەگە الاتىن اسىل قازىناسى. ونىڭ وي-تولعامدارى مەن ٶسيەتتەرٸنٸڭ ٶزەكتٸلٸگٸ ەشقاشان جوعالمايدى. سوندىقتان ابايدى تانۋ جەنە تانىتۋ, شىعارماشىلىعىن تەرەڭ زەردەلەۋ ٶتە ماڭىزدى», – دەلٸنگەن پرەزيدەنتتٸڭ قۇتتىقتاۋ حاتىندا.
سەنات تٶراعاسى مەۋلەن ەشٸمباەۆ ٶز سٶزٸندە كەيٸنگٸ جىلداردا مەملەكەت باسشىسىنىڭ باستاماسىمەن اباي مۇراسى ەلٸمٸزدە عانا ەمەس, ەلەمدٸك دەڭگەيدە دە كەڭٸنەن ناسيحاتتالىپ جاتقانىن ايتتى. ۇلى ويشىلدىڭ 180 جىلدىق مەرەيتويى – بٷكٸل ەل ٷشٸن ماڭىزدى رۋحاني وقيعا. بۇل اۋقىمدى ٸس-شارا حالقىمىزدىڭ پاراسات بيٸگٸنە, ادامگەرشٸلٸك قۇندىلىقتارعا جەنە ۇلتتىق بٸرەگەيلٸككە دەگەن ۇمتىلىسىنىڭ جارقىن كٶرٸنٸسٸ ەكەنٸ انىق.
«پرەزيدەنتٸمٸز قاسىم-جومارت كەمەلۇلى توقاەۆ ۇلى ويشىلدى جان-جاقتى ۇلىقتاۋعا ٷنەمٸ باسا مەن بەرٸپ كەلەدٸ. سوڭعى جىلداردا اباي مۇراسىن كەڭٸنەن دەرٸپتەۋ ٷشٸن كٶپتەگەن جۇمىس اتقارىلدى. مەملەكەت باسشىسىنىڭ باستاماسىمەن رەسمي تٷردە 10 تامىز – اباي كٷنٸ بولىپ بەكٸتٸلدٸ. اباي شىعارمالارى ەلەمنٸڭ نەگٸزگٸ تٸلدەرٸنە اۋدارىلدى. وسى رەتتە پرەزيدەنتٸمٸزدٸڭ تاپسىرماسىمەن الماتىدا اباي ۇلتتىق مەكتەبٸ بوي كٶتەرٸپ جاتقانىن دا اتاپ ٶتكەن جٶن. بۇل بٸرەگەي بٸلٸم ورداسى قازاق زييالىلارىنىڭ جاڭا بۋىنىن قالىپتاستىرۋعا قىزمەت ەتپەك. سونداي-اق ۇلى ويشىل بٸزگە «تولىق ادام» تۇجىرىمداماسىن ٶسيەت ەتتٸ. قازٸرگٸ تاڭدا ابايدىڭ بۇل يدەياسى مەملەكەتتٸك ساياساتىمىزدىڭ نەگٸزگٸ ٶزەگٸنە اينالىپ وتىر. مەملەكەت باسشىسى جارييالاعان «ادال ازامات» تۇجىرىمداماسى وسى نەگٸزگە تابان تٸرەيدٸ. پرەزيدەنتٸمٸز «ۇلتتىق قۇرىلتايدا» بەلگٸلەپ بەرگەن وزىق ويلى ۇلتقا تەن قاسيەتتەر دە عۇلامانىڭ ٶسيەتتەرٸمەن ٷندەس. وسىنداي ٸس-شارالاردى ابايعا تاعزىم ەتۋ عانا ەمەس, ونىڭ ويلارىن زاماناۋي تۇرعىدا جاڭاشا تٷسٸنٸپ, ٶمٸردە جٷزەگە اسىرۋعا جاڭا مٷمكٸندٸك دەپ قابىلدايمىز», – دەدٸ مەۋلەن ەشٸمباەۆ.
سونىمەن قاتار پالاتا سپيكەرٸ مەرەيلٸ داتا اياسىندا حالىقارالىق, رەسپۋبليكالىق جەنە ٶڭٸرلٸك دەڭگەيدە 100-دەن استام اۋقىمدى ٸس-شارا ٶتكٸزٸلٸپ جاتقانىن تٸلگە تيەك ەتتٸ. ولاردىڭ قاتارىندا ايتىس, ۇلتتىق ٶنەر فەستيۆالٸ جەنە تاعى باسقا ٸرگەلٸ جوبالار بار. اباي مۇراسىنا ارنالعان «ABAY ACADEMIYASY» العاشقى ەنتسيكلوپەدييالىق پورتالى ٸسكە قوسىلىپ, سەمەيدە ينكليۋزيۆتٸ كٸتاپحانا دا اشىلدى. بۇل اقىن ٶنەگەسٸن بارلىق ساناتتا دەرٸپتەۋ جولىنداعى ماڭىزدى قادام ەكەنٸ سٶزسٸز.
سەنات تٶراعاسى ٶڭٸرگە ساپارى بارىسىندا اباي مەن شەكەرٸمنٸڭ كەسەنەلەرٸن زييارات ەتٸپ, قاراۋىل اۋىلىندا اقىن ەسكەرتكٸشٸنە گٷل شوعىن قويدى.
ويشىلدىڭ مەرەيتويى اباي وبلىسىندا ۇلتتىق دەڭگەيدەگٸ مەدەني وقيعاعا اينالىپ, وعان 15 ەلدەن كەلگەن دەلەگاتسييا ٶكٸلدەرٸ, زييالى قاۋىم, جاستار مەن قوعام قايراتكەرلەرٸ, بارلىعى 30 مىڭنان استام ادام قاتىستى.
