وبلىس اكىمى ا. باتالوۆ ءوزىنىڭ كىرىسپە سوزىندە مەملەكەت قولداۋىنىڭ ناتيجەسىندە وڭىردە سپورتتى دامىتۋعا بارلىق قاجەتتى جاعدايلار جاسالىپ وتىرعانىن اتاپ ءوتتى. ماسەلەن، وتكەن جىلى دەنە شىنىقتىرۋ جانە سپورت سالاسىنا جەرگىلىكتى بيۋدجەتتەن 8 ملرد. تەڭگە قاراستىرىلسا، بيىلعى جىلى بۇل سوما 14 ملرد. تەڭگەگە جەتىپ وتىر.
– سپورتتىڭ قوعامدا الار ورىنى ەرەكشە. سەبەبى، سپورت – ۇلت مەرەيى، رۋحتىڭ كۇشتىلىگىنىڭ كەپىلى. تاۋەلسىزدىك العاننان بەرى كوك بايراعىمىز كوپتەگەن حالىقارالىق جارىستاردا بيىككە كوتەرىلدى. بۇل پرەزيدەنتىمىز نۇرسۇلتان ءابىش ۇلى نازاربايەۆتىڭ سپورتقا جاساعان قامقورلىعى مەن سپورتشىلارىمىزدىڭ، باپكەرلەردىڭ، وسى سالا ماماندارىنىڭ ماڭداي تەرىنىڭ جەمىسى.وتاندىق سپورتتىڭ دامۋىنا جەتىسۋلىق ساڭلاقتار دا مول ۇلەس قوسۋدا. جەرلەستەرىمىزدىڭ جارقىن جەڭىستەرى كۇن ساناپ ارتىپ كەلەدى. ءبىز دە ءوز تاراپىمىزدان سپورت نىساندارىناكۇردەلى جوندەۋ جاساۋعا، قۇرىلىسىن جۇرگىزۋگە، ماتەريالدىق-تەحنيكالىق بازاسىن نىعايتۋعا بارىنشا قولداۋ تانىتىپ كەلەمىز. بۇدان بىلاي دا بۇل قولداۋلار جالعاسىن تاباتىن بولادى. سىزدەرگە مىقتى دەنساۋلىق، تولايىم تابىس، ۇلكەن جەڭىستەر تىلەيمىن، – دەگەن ا. باتالوۆ ودان ءارى ماراپاتتاۋ ءراسىمىن اتقاردى.
اتاپ ايتقاندا، وتكەن جىل قورىتىندىسى بويىنشا البەرت ليندەر، كارينا گوريچيەۆا، دەمەۋ جادىرايەۆ ۇزدىك سپورتشىلار اتاندى. سپورتتاعى ەرەن ەڭبەكتەرى ءۇشىن ولارعا ديپلومدار مەن ءارقايسىسىنا 700 مىڭ تەڭگەنىڭ سەرتيفيكاتى بەرىلدى. بۇدان وزگە 28 سپورتشىنىڭ جىل ىشىندەگى جەتىستىكتەرى ءۇشىن 150 مىڭنان 400 مىڭ تەڭگەگە دەيىنگى سەرتيفيكاتتار ۇسىنىلدى. ولاردىڭ قاتارىندا ولگا پاستۋحوۆا، اناتوليي ساۆەليەۆ، جاندوس يسمايلوۆ، بەگارىس سادۋاقاسوۆ، الەنا ستانسكايا، ۇلان رىسقۇل، بەيبىت نازاروۆ جانە باسقالارى دا بار.
جاتتىقتىرۋشىلار قۇرامى دا نازاردان تىس قالعان جوق. جىلدىڭ ۇزدىك جاتتىقتىرۋشىلارى بولىپ سەرگەي سەدوۆ پەن بورانبەك قوڭىراتوۆ تانىلدى. سونىمەن قاتار شاكىرتتەرى جەڭىس تۇعىرىنان كورىنگەن 20-دان استام باپكەرلەردىڭ دە ەڭبەگى اتالىپ ءوتىلدى. ولار – الەكسەي كلينوۆيتسكيي، ءابىلقايىر بايبوسىنوۆ، مانات تالاسپايەۆ، ازامات بالپىقوۆ جانە ت.ب.
كەزدەسۋ بارىسىندا وبلىستاعى
ۇزدىك سپورتتىق مەكەمەلەرگە دە ماراپاتتار بەرىلدى. سولاردىڭ ىشىندە تالدىقورعان قالاسىنداعى № 1 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبى الدىڭعى قاتاردا دەپ تانىلىپ، 500 مىڭ تەڭگە اقشالاي سىيلىققا يە بولدى.
«ۇزدىك سپورتتىق فەدەراسيا» اتالىمىندا وبلىستىق گرەك-ريم كۇرەسى، ەركىن جانە ايەلدەر كۇرەسى فەدەراسياسى قارا ءۇزىپ شىعىپ، 500 مىڭ تەڭگە اقشالاي سىيلىقتى يەلەندى. ال «ۇزدىك كاسىبي كلۋب» اتاعىن «بەسارىس» كوگالداعى حوككەي كاسىبي كلۋبى جەڭىپ الدى.
سونداي-اق سپورت تاقىرىبىنا توسەلگەن تىلشىلەر، فوتوتىلشىلەر، تەلەجۇرگىزۋشىلەر، بەينەوپەراتورلار، بلوگەرلەردىڭ دە ەڭبەگى ەلەۋسىز قالعان جوق.
ماراپاتقا يە بولعاندار اتىنان تالدىقورعان قالاسىنداعى № 1 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى ۆلاديمير دروزدوۆ، وبلىستىق «جەتىسۋ» گازەتىنىڭ ءجۋرناليسى ريشات تۇرعانبايەۆ، دزيۋدودان ق ر سپورت شەبەرى، جاستار اراسىندا دزيۋدودان وتكەن الەم چەمپيوناتىنىڭ كۇمىس جۇلدەگەرى ابيبا ءابۋجاقىنوۆا، «قازاقستان بارىسى – 2017» رەسپۋبليكالىق ءتۋرنيرىنىڭ كۇمىس جۇلدەگەرى ۇلان رىسقۇل جانە دزيۋدودان ق ر سپورت شەبەرى، ازيا چەمپيوناتىنىڭ جەڭىمپازى كاميلا بەرلىقاش ءسوز سويلەدى. كورسەتىلگەن جان-جاقتى قولداۋلار ءۇشىن ريزاشىلىعىن ءبىلدىرىپ، الداعى ۋاقىتتا دا جەرلەستەرىن، رەسپۋبليكا حالقىن ۇلكەن جەڭىستەرىمەن قۋانتۋعا بار كۇش-جىگەرلەرىن جۇمسايتىندىقتارىن ايتتى.
كەزدەسۋدى قورىتىندىلاعان وبلىس اكىمى ا. باتالوۆ:
– سىزدەردى بۇگىنگى ماراپاتتارىڭىزبەن شىن جۇرەكتەن قۇتتىقتايمىن. بيىلعى جىلى دا جەڭىستى جولدى جالعاستىرىپ، ءتۇرلى جارىستاردان التىن، كۇمىس، قولا مەدالدارمەن ورالاتىندارىڭىزعا سەنەمىن. سىزدەردىڭ سپورتتا ودان ءارى شىڭدالىپ، چەمپيون بولۋلارىڭىز ءۇشىن ءبىز قولىمىزدان كەلگەن قامقورلىقتى جاسايمىز. وزدەرىڭىزبەن وسىنداي جىلى جۇزدەسۋدى جىل سايىن ءداستۇرلى تۇردە ۇيىمداستىراتىن بولامىز، – دەدى.
جالپى الماتى وبلىسىندا قازىرگى كەزدە 3439 سپورت نىسانى جۇمىس ىستەيدى. ولاردىڭ سانى جىل سايىن ارتۋدا. ماسەلەن، وتكەن جىلى رايىمبەك اۋدانىنىڭ نارىنقول اۋىلىندا، قاراساي اۋدانىنىڭ جالپاقساي اۋىلىندا فۋتبول الاڭدارى سالىندى.قاراتال اۋدانىنىڭ ۇشتوبە قالاسىنداعى سپورت مەكتەبى، «جەتىسۋ» كاسىپقوي فۋتبول كلۋبى بازاسى كۇردەلى جوندەۋدەن ءوتتى. بيىلعى جىلى قۇرىلىس جۇمىستارى بىلتىر باستالعان بىرنەشە نىسان - رايىمبەك اۋدانىنىڭ كەگەن اۋىلىندا، تالعار جانە قاسكەلەڭ قالالارىندا دەنە شىنىقتىرۋ-ساۋىقتىرۋ كەشەندەرى بوي كوتەرەدى.سونىمەن قاتار، اقسۋ اۋدانىنىڭ جانسۇگىروۆ اۋىلىندا جانە قاراساي اۋدانىنىڭ شامالعان اۋىلىندا شىنىقتىرۋ-ساۋىقتىرۋ كەشەندەرىنىڭ قۇرىلىسى جوسپارلانۋدا. وعان قوسا بيىل تالدىقورعان قالاسىنداعى سپورتتا دارىندى بالالارعا ارنالعان مەكتەپ-ينتەرناتتىڭ وقۋ عيماراتىن كۇردەلى جوندەۋ جۇمىستارى جۇرگىزىلەدى. 2017 جىلى الماتى وبلىسىنىڭ سپورتشىلارى ءتۇرلى دەڭگەيدەگى 1345 مەدال جەڭىپ الدى (495 التىن، 372 كۇمىس، 478 قولا). وتكەن جىلى 1 ق ر ەڭبەك سىڭىرگەن سپورت شەبەرى، 18 حالىقارالىق ساناتتاعى سپورت شەبەرى، 132 سپورت شەبەرى، 648 سپورت شەبەرلىگىنە كانديداتتار مەن 381 ءبىرىنشى رازريادتاعى سپورتشىلار دايىندالدى.
الماتى وبلىسى اكىمىنىڭ باسپا ءسوز قىزمەتى
