سينوپتيكتەر الداعى كۇندەرگە ارنالعان اۋا رايى بولجامىن جاريالادى، دەپ حابارلايدى Dalanews.kz.
9 ساۋىردە قازاقستاننىڭ سولتۇستىك-باتىسىندا، سولتۇستىگىندە، وڭتۇستىك-شىعىسىندا، 10 ساۋىردە باتىسىندا، سولتۇستىگىندە، وڭتۇستىك-شىعىسىندا نايزاعاي ويناپ، بۇرشاق جاۋادى. ودان بولەك، قاتتى جاڭبىر جاۋاتىنى دا ايتىلدى.
تۇندە سولتۇستىك-باتىستا، سولتۇستىكتە جاۋىن-شاشىن (جاڭبىر، قار) بولجانىپ وتىر. ال 11 ساۋىرگە قاراعان ءتۇنى ەلدىڭ شىعىسىندا قار جاۋىپ، كوكتايعاق بولادى.
رەسپۋبليكا بويىنشا جەل كۇشەيەدى، تۇنگى، تاڭعى ۋاقىتتاردا تۇمان تۇسەدى.
سولتۇستىك، سولتۇستىك-باتىس، ورتالىق جانە شىعىس وڭىرلەردە اۋا تەمپەراتۋراسى بىلاي تومەندەيدى: تۇندە 0-8 گرادۋستان 0-5 گرادۋس ايازعا دەيىن، كۇندىز 10-23 گرادۋستان 7-15 گرادۋسقا دەيىن.
