مەسكەۋ 9 مامىرعا دايىندالىپ جاتىر. بٸراق بيىلعى دايىندىقتىڭ اتموسفەراسى بۇرىنعىداي سالتاناتتى ەمەس. قالادا ەسكەري پارادقا قاراعاندا قاۋٸپسٸزدٸك مەسەلەسٸ كٶبٸرەك تالقىلانىپ جاتىر. رەسەي بيلٸگٸنٸڭ جەڭٸس كٷنٸ موبيلدٸ ينتەرنەتتٸ ۋاقىتشا ٶشٸرۋ تۋرالى شەشٸمٸ سونىڭ ايقىن بەلگٸسٸنە اينالدى, دەپ حابارلايدى dalanews.kz.
DW مەلٸمەتٸنشە, سوڭعى جىلدارى مەسكەۋ ٷشٸن 9 مامىر تەك مەرەكە ەمەس, كرەملدٸڭ ساياسي سيمۆولىنا اينالعان ەدٸ. قىزىل الاڭداعى تانكتەر, ەسكەري تەحنيكا, ۇشاقتار جەنە اۋقىمدى پاراد رەسەيدٸڭ كٷشٸن كٶرسەتەتٸن نەگٸزگٸ قۇرالداردىڭ بٸرٸ بولدى. الايدا ۋكراينامەن سوعىس باستالعالى بۇل كٷننٸڭ رەڭكٸ ٶزگەرە باستادى. ەسٸرەسە ۋكراين دروندارىنىڭ رەسەي اۋماعىنا, ونىڭ ٸشٸندە مەسكەۋ ماڭىنا دەيٸن جەتۋٸ بيلٸكتٸڭ قاۋٸپسٸزدٸككە دەگەن كٶزقاراسىن قاتايتىپ جٸبەردٸ.
سول سەبەپتٸ بيىل مەسكەۋدە موبيلدٸ ينتەرنەت پەن بايلانىس قىزمەتتەرٸنە شەكتەۋ قويىلماق. رەسمي تٷسٸندٸرۋ بويىنشا, بۇل – قاۋٸپسٸزدٸك شاراسى. بيلٸك درون شابۋىلدارى كەزٸندە بايلانىس ارنالارى تٷرلٸ ماقساتتا پايدالانىلۋى مٷمكٸن دەپ ەسەپتەيدٸ. بٸراق بۇل شەشٸمنٸڭ قوعامعا ەسەرٸ ەلدەقايدا تەرەڭ.
ٶيتكەنٸ قازٸرگٸ مەسكەۋ – ينتەرنەتكە تولىق تەۋەلدٸ مەگاپوليس. تاكسي قىزمەتٸ, جەتكٸزۋ سەرۆيستەرٸ, بانك وپەراتسييالارى, ناۆيگاتسييا, مەسسەندجەرلەر – بەرٸ موبيلدٸ جەلٸگە بايلانعان. ينتەرنەت ٶشكەن سەتتە ٷلكەن قالانىڭ كٷندەلٸكتٸ ىرعاعى دا بۇزىلادى. ياعني مەسەلە بٸرنەشە ساعاتتىق قولايسىزدىقتا ەمەس. بۇل – سوعىستىڭ ەندٸ مايدان دالاسىندا عانا ەمەس, قاراپايىم ادامداردىڭ تۇرمىسىندا دا سەزٸلە باستاعانىنىڭ كٶرٸنٸسٸ.
بٸر قىزىعى, بيىلعى پارادتىڭ ٶزٸ دە بۇرىنعىداي ٶتپەۋٸ مٷمكٸن دەگەن اقپارات تارادى. كەي مەلٸمەتتەر بويىنشا, اۋىر ەسكەري تەحنيكانىڭ كٶلەمٸ ازايۋى ىقتيمال. بۇل دا كەزدەيسوق ەمەس. سەبەبٸ قاۋٸپسٸزدٸك تەۋەكەلٸ كٷشەيگەن سايىن, پارادتىڭ ٶزٸ قورعانىس وپەراتسيياسىنا ۇقساپ بارادى.
سوڭعى ٷش جىلدا رەسەيدە “قاۋٸپسٸزدٸك” ۇعىمى ەرەكشە ساياسي قۇرالعا اينالدى. ينتەرنەتكە باقىلاۋ كٷشەيدٸ, VPN سەرۆيستەرٸنە قىسىم ارتتى, ەلەۋمەتتٸك جەلٸلەر شەكتەلە باستادى. ال ەندٸ ەسكەري قاۋٸپ فاكتورلارى بۇل پروتسەستٸ ودان ەرٸ جەدەلدەتٸپ وتىر. كرەمل ٷشٸن اقپاراتتىق كەڭٸستٸكتٸ باقىلاۋ – قازٸر ەسكەري تۇراقتىلىقتىڭ بٸر بٶلٸگٸنە اينالعانداي.
مۇنداي جاعدايدا ەڭ ٷلكەن ٶزگەرٸس ادامداردىڭ پسيحولوگيياسىندا بايقالادى. بۇرىن 9 مامىر رەسەي قوعامىنا “بٸز جەڭگەن حالىقپىز” دەگەن سەزٸم بەرسە, بٷگٸندە ول كٷن “قاۋٸپ بار, ساق بولۋ كەرەك” دەگەن اتموسفەرامەن قاتار كەلە باستادى. بۇل – سيمۆولدىق ٶزگەرٸس. ٶيتكەنٸ مەملەكەتتەردٸڭ كٶڭٸل كٷيٸ كٶبٸنە وسىنداي دەتالداردان بايقالادى.
