2020 جىلعى 1 قاڭتاردان باستاپ ەنگىزىلگەن كوپبالالى وتباسىلارعا ارنالعان مەملەكەتتىك جاردەماقىلاردى 8ء-شى جانە ودان كەيىنگى بالاعا سارالاۋدى جوسپارلاپ وتىر. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ 2019 جىلعى جۇمىس قورىتىندىسى جانە 2020 جىلعا ارنالعان نەگىزگى مىندەتتەر بويىنشا القا وتىرىسىندا ۆەدومستۆو باسشىسى ءبىرجان نۇرىمبەتوۆ مالىمدەدى، دەپ حابارلايدى Dalanews.kz.
ءبىرجان نۇرىمبەتوۆ ءوز سوزىندە مينيسترلىكتىڭ نەگىزگى مىندەتتەرىنىڭ ءبىرى تابىسى از ازاماتتارعا اتاۋلى الەۋمەتتىك كومەك (بۇدان ءارى - ااك) كورسەتۋ بولىپ تابىلاتىندىعىن اتاپ ءوتتى. سونىمەن، 2019 جىلدىڭ قورىتىندىلارى بويىنشا 486 مىڭ وتباسىنا نەمەسە 2،4 ميلليونعا جۋىق ادامعا ااك تاعايىندالدى. جالپى العاندا، ااك 244،2 ملرد تەڭگە سوماسىندا تولەندى.
مينيستر 2020 جىلدان باستاپ ااك-پەن قامتاماسىز ەتۋدىڭ جاڭا تاسىلدەرى ەنگىزىلگەنىن، ونىڭ اشىقتىعىن، ادىلدىگىن جانە ەڭبەككە ىنتالاندىرۋدى كوزدەيتىنىن ەسكە سالدى.
"كوپبالالى وتباسىلارعا تابىستارىنا قاراماستان، بالالار سانىنا قاراي سارالانعان مولشەردە 42 500-دەن (4 بالا) 74 400 تەڭگەگە دەيىن (7 جانە ودان دا كوپ بالا) تولەنەتىن جاردەماقى ەنگىزىلدى. بۇل جاردەماقى ءقازىردىڭ وزىندە شامامەن 370 مىڭ وتباسىنا تولەندى. 2020 جىلعا وسى ماقساتتارعا بيۋدجەتتە 177،6 ملرد. تەڭگە قاراستىرىلعان. قازىرگى ۋاقىتتا 8ء-شى جانە ودان كەيىنگى بالاعا ارنالعان جاردەماقىلاردى شامامەن ءار بالاعا 4 اەك-تەن سارالاۋ ماسەلەسىن قاراستىرۋدامىز. مىسالى، 8 بالاعا بەرىلەتىن جاردەماقى مولشەرى 85 مىڭ، 10 بالاعا – 106 مىڭ، 15 بالاعا – 159 مىڭ تەڭگەنى قۇرايدى"، - دەدى ءبىرجان نۇرىمبەتوۆ.
سونىمەن قاتار ول جاڭا تاسىلدەرگە سايكەس ااك توقسان سايىن تاعايىندالاتىندىعىن اتاپ ءوتتى. ەگەر ەڭبەككە قابىلەتتى الەۋمەتتىك كومەك الۋشىلار جۇمىسقا ورنالاسۋعا جاردەمدەسۋ شارالارىنان باس تارتسا، وندا ااك كورسەتۋ بۇكىل وتباسىنا توقتاتىلاتىن بولادى.
"اعىمداعى جىلدىڭ 1 اقپانىنا كومەك 37،4 مىڭنان استام وتباسىنا نەمەسە 187،3 مىڭنان استام ادامعا، ونىڭ ىشىندە 122،9 مىڭ بالاعا تاعايىندالدى. سونىمەن قاتار، تابىسى از وتباسىلاردىڭ بالالارى ءۇشىن كەپىلدەندىرىلگەن الەۋمەتتىك توپتاما ەنگىزىلدى جانە بەرىلە باستادى. اكىمنىڭ الەۋمەتتىك ماسەلەلەر جونىندەگى ورىنباسارلارى كەپىلدەندىرىلگەن الەۋمەتتىك توپتامالاردىڭ ۋاقتىلى بەرىلۋىن قامتاماسىز ەتۋى كەرەك. تابىسى از وتباسىنداعى ءاربىر بالاعا مەملەكەتتىك كومەك كورسەتىلۋى كەرەك"، – دەدى مينيستر.
ءبىرجان نۇرىمبەتوۆ بالالى وتباسىلاردى قولداۋعا ەرەكشە كوڭىل بولىنەتىنىن اتاپ ءوتتى.
"جىل سايىن ەلىمىزدە 400 مىڭعا جۋىق ءسابي دۇنيەگە كەلەدى. انا مەن بالانى قولداۋ ءۇشىن ءبىرقاتار جاردەماقىلار قاراستىرىلعان. سونىمەن، بالا تۋۋ جانە 1 جاسقا دەيىنگى بالانىڭ كۇتىمى ءۇشىن جۇمىس ىستەمەيتىن انالارعا بيۋدجەتتەن مەملەكەتتىك جاردەماقى، ال جۇمىس ىستەيتىن انالارعا مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر قاراستىرىلعان. 2019 جىلى بيۋدجەتتەن 78 ملرد. تەڭگە، ماسق-تەن 167 ملرد. تەڭگە ءبولىندى. 2020 جىلى بيۋدجەتتەن 84 ملرد. تەڭگە جانە ءماسق-دان 187 ملرد تەڭگە بولىنەدى"، – دەپ اتاپ ءوتتى ەڭبەكمينىنىڭ باسشىسى.
مينيستر سونداي-اق بالا كۇتىمى بويىنشا دەمالىستا جۇرگەن ايەلدەردىڭ زەينەتاقى جارنالارى سۋبسيديالاناتىنىن اتاپ ءوتتى. 2019 جىلى 5 ملرد تەڭگە بولىنگەنىن، 2020 جىلعا 6 ملرد تەڭگە قاراستىرىلعانىن ايتا كەتتى.
"التىن القا"، "كۇمىس القا" القالارىمەن ماراپاتتالعان، "باتىر انا" اتاعىن العان 235 مىڭ كوپبالالى انالارعا ارنايى جاردەماقى تولەنۋدە.
مۇمكىندىكتەرى شەكتەۋلى بالاعا، بالا كەزىنەن ءبىرىنشى توپتاعى كامەلەتكە تولعان مۇگەدەككە كۇتىم جاساپ وتىرعان 99 مىڭ ادام اي سايىن جاردەماقى الادى.
"2019 جىلى انا مەن بالانى قولداۋعا بيۋدجەتتەن جانە ءماسق-دان 372،4 ملرد تەڭگە ءبولىندى. 2020 جىلعا وسى ماقساتتارعا 558،5 ميلليارد تەڭگە قاراستىرىلعان. بۇگىن ءبىز بالا كۇتىمى بويىنشا جاردەماقى ماسەلەسىن كوتەرىپ جاتىرمىز. ءبىز ونى تولەۋ مەرزىمىن 1،5 نەمەسە 3 جىلعا دەيىن ۇلعايتۋ نۇسقالارىن قاراستىرۋدامىز. تابىسى از وتباسىلارداعى مەكتەپكە بارمايتىن مۇگەدەك بالالارعا كەپىلدەندىرىلگەن الەۋمەتتىك توپتامانى ۇيىنە جەتكىزۋ مۇمكىندىگى قاراستىرىلاتىن بولادى"، – دەپ تۇيىندەدى ءبىرجان نۇرىمبەتوۆ.
