جٶرگەگٸندە ساتىلىپ, جاتجۇرتتا جاتباۋىر بولىپ ٶسكەن جٸگٸتتٸڭ مەسەلەسٸ بٸراز بىلىقتىڭ بەتٸن اشاتىن سيياقتى. جان ەدديدٸ تاۋىپ بەرگەن بەلگٸلٸ جۋرناليست, «بارمىسىڭ, باۋىرىم?» راديوحابارىنىڭ جٷرگٸزۋشٸسٸ قىمبات دوسجان 2000-2004 جىلدار ارالىعىندا ارقالىق قالاسىنداعى بالالار ٷيٸنەن 80-نەن اسا بالانى شەتەلدٸكتەر اسىراپ العانىن ايتادى.
بەلگيياعا ساتىلىپ كەتكەن قازاق بالاسىنىڭ ٸسٸ باس پروكۋرورعا جولدانعان. بۇل تۋرالى قىمبات حانىم: «ارقالىق قالالىق پوليتسييا باسقارماسىندا بەلگييا ازاماتى جان ەدديدٸڭ اتىنان جەنە قازاقستانداعى زاڭدى ٶكٸلٸ رەتٸندە مەنٸڭ اتىمنان سوتالدى تەرگەپ-تەكسەرۋ بويىنشا ٸس قوزعالعان بولاتىن. الايدا قىلمىستىق ٸس قانداي دا بٸر قىلمىستىق قۇقىقبۇزۋشىلىق قۇرامى بولماۋىنا بايلانىستى قىسقارتىلدى.
قازٸرگٸ جاڭالىعىمىز جان ەدديدٸ اسىراپ العان بەلگييالىق ازاماتشا قازاقستانعا كەلمەي تۇرىپ, جەنٸبەك جۇماعۇلوۆتىڭ سۋرەتٸ مەن جەكە مەلٸمەتٸن ەلەكتروندى پوشتا ارقىلى العانىن مەلٸمدەدٸ. ودان بٶلەك, اسىراپ العان ادام ارقالىققا كەلگەننەن كەيٸن بٸر كٸسٸگە قوماقتى قارجى بەرگەنٸن دە ايتتى», – دەيدٸ.
جازبامىزدىڭ باسىندا ەسكەرتكەنٸمٸزدەي, ەددي ەڭگٸمەسٸنٸڭ سوڭى بٸراز بىلىقتىڭ بەتٸن اشاتىن سيياقتى دەگەنٸمٸز سول. بۇل جەردە جەنٸبەكتٸڭ قوماقتى اقشاعا ساتىلعانى انىق بولىپ وتىر. ونى كٸم ساتتى? قىمبات دوسجان حانىم مەلٸمدەگەن ارقالىق بالالار ٷيٸنەن ساتىلعان سەكسەن بالا قازٸر قايدا?
ولاردى كٸم نەمەسە كٸمدەر ساۋداعا سالدى? اقشانى جەكە ادام الدى ما, ەلدە بالالار ٷيٸنە اۋدارىلدى ما? ول كەزدە بالالار ٷيٸنٸڭ باسشىسى كٸم ەدٸ? وسى سۇراقتار تەرەڭ زەرتتەۋدٸ قاجەت ەتەدٸ. سونىمەن بٸرگە, سەبي ساۋداسىنىڭ ارتىندا قانداي ٸرٸ تۇلعالاردىڭ تۇرعانىن, كٸمدەردٸڭ رۇقسات بەرگەنٸن اشىق ايتاتىن ۋاقىت تا جەتكەن سيياقتى...
ق.دوسجان جان ەدديمەن بٸرگە بالالار ٷيٸنەن ساتىلعان سەكسەن بالانىڭ تاعدىرىنا الاڭداپ سۇراۋ سالىپتى.
«بۇل بالانىڭ بارلىعى زاڭدى تٷردە شەتەل استى ما? وسى مەلٸمەتتەردٸ ەسكەرە وتىرىپ, بٸزدەگٸ ساراپتاما جەنە زەرتتەۋ قورىتىندىلارىن نەگٸزگە الا وتىرىپ, ارقالىق قالالىق پوليتسييا باسقارماسىندا قوزعالىپ, كەيٸن توقتاتىلعان ٸستٸ تەك «سالعىرتتىق» بابى بويىنشا ەمەس, «كەمەلەتكە تولماعاندار ساۋداسى» بويىنشا قايتا قوزعالۋىن سۇراپ ەلٸمٸزدٸڭ باس پروكۋرورىنا xات جولدادىق.
رەداكتسييا پارلامەنت مەجٸلٸسٸنٸڭ دەپۋتاتى زاڭناما جەنە سوت قۇقىقتىق رەفورما كوميتەتٸنٸڭ مٷشەسٸ ابزال قۇسپانمەن دە جولىعىپ, زاڭگەرلٸك كەڭەس الدى. دەپۋتات بۇل ماڭىزدى مەسەلەگە بۇدان ەرٸ قاراي دا كٶمەك بەرەتٸنٸن ايتتى», – دەيدٸ.
قىمبات دوسجاننىڭ ايتۋىنشا, رەسمي ورگاندارعا جولدانعان حاتتاردان كەيٸن ماڭىزدى شەشٸم قابىلدانۋى كەرەك. بۇل جاعداي مەملەكەت باسشىسىنىڭ دا نازارىنا جەتكەن.
ەستەرٸڭٸزگە سالا كەتسەك, ەددي جان دٷنيەگە كەلگەندە, وعان «جەنٸبەك» دەگەن كەرەمەت ەسٸم بەرٸلگەن. الايدا ول ٶزٸن مۇرات دەپ اتايدى ەكەن. ونىڭ سەبەبٸ وسى ۋاقىتقا دەيٸن ايتىلدى.
