8 ناۋرىز مەرەكەسٸ قارساڭىندا جەتٸسۋ وبلىسىنىڭ ورتالىعى تالدىقورعان قالاسىندا تۇرعىن ٷي كەزەگٸندە تۇرعان حالىقتىڭ ەلەۋمەتتٸك وسال توبىنا جاتاتىن 23 كٶپبالالى وتباسىعا «بەرەكە» كوتتەدج قالاشىعىنان باسپانا بەرٸلدٸ,- دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وسى كٷنٸ جاڭا ٷيگە يە بولعانداردىڭ بٸرٸ - بەس بالانىڭ اناسى التىنگٷل شايمەردەنوۆا.
"بٷگٸن قاتتى تولقىپ تۇرمىن, قۋانىشىمدا شەك جوق. ٷيدٸڭ كەزەگٸنە تۇرعانىما 12 جىل بولعان. بٷگٸن ٶزٸم سيياقتى قانشاما كٶپ بالالى وتباسى باسپانالى بولۋدىڭ باقىتىن سەزٸنٸپ جاتىر. ەربٸر ەۋلەتكە وسىنداي قۋانىش بۇيىرسىن", - دەدٸ ول.
ايتا كەتسەك, «بەرەكە» كوتتەدج قالاشىعىندا تاعى 107 كوتتەدجدٸڭ قۇرىلىس جۇمىستارى جىل سوڭىنا دەيٸن تولىق اياقتالادى دەپ جوسپارلانۋدا.
"بٷگٸنگٸ كٷنٸ تالدىقورعان قالاسى بويىنشا 15 مىڭنان استام ادام تۇرعىن ٷي كەزەگٸندە تۇر. سوعان سەيكەس بٷگٸندە حالىقتى باسپانامەن قامتۋ جۇمىسى قارقىندى تٷردە جٷزەگە اسىرىلىپ كەلەدٸ. تۇرعىن ٷي سالۋ جۇمىستارىن ٶتكەن جىلدارعا قاراعاندا ەكٸ ەسەگە ۇلعايتىپ جاتىرمىز. جىل سايىن شامامەن 1500-گە جۋىق باسپانانى قولدانىسقا بەرەتٸن بولساق, تۇرعىن ٷي كەزەگٸن بارىنشا ازايتامىز", - دەيدٸ قالالىق تۇرعىن ٷي قاتىناستارى بٶلٸمٸنٸڭ باسشىسى تانات تٶلەۋعاليۇلى.
تالدىقورعان قالاسى ەكٸمدٸگٸنٸڭ مەلٸمەتٸنە قاراعاندا, وسى جىلدىڭ باسىنان بەرٸ ەلەۋمەتتٸك وسال توپتاعى 125 وتباسى تۇرعىن ٷيمەن قامتاماسىز ەتٸلٸپ وتىر. ال جىل سوڭىنا دەيٸن باسپانا بەرٸلەتٸن وتباسىلاردىڭ سانى 1400-دەن اسادى دەپ مەجەلەنگەن.
