بۇدان وزگە، اۋدانعا بيىل 17،9 ملرد. تەڭگەگە ينۆەستيسيا تارتۋ كوزدەلىپ وتىر. ونىڭ ىشىندە، كاسىپكەرلىك سالاسىندا – 13 ملرد. 195 ملن. تەڭگە، اۋىلشارۋاشىلىعى سالاسىندا – 350 ملن. تەڭگە، قۇرىلىس سالاسىندا – 1 ملرد. 468،4 ملن. تەڭگە، الەۋمەتتىك سالادا – 2 ملرد. 49،3 ملن. تەڭگە، تۇرعىن ءۇي كوممۋنالدىق شارۋاشىلىق سالادا – 837،4 ملن. تەڭگە.
ءتۋريزمدى دامىتۋ ماقساتىندا اۋداندا 2019 جىلى جالپى قۇنى 1 ملرد. 336 ملن. تەڭگەنى قۇرايتىن 5 نىساندى ىسكە قوسۋ جوسپارلانىپ وتىر. «باتىس ەۋروپا – باتىس جۇڭگو» جول بويىندا قازىرگى تاڭدا ءىرى 3 جوبانىڭ قۇرىلىسى جۇرۋدە. ولار «قۇرىلىس» ج ش س جول بويى قىزمەت كورسەتۋ ورتالىعى، جوبانىڭ جالپى قۇنى – 346 ملن. تەڭگە سىيىمدىلىعى – 100 ورىن، وندا جاڭادان 25 جۇمىس ورنى اشىلادى. «شۇقىربۇلاق» جول بويى قىزمەت كورسەتۋ ورتالىعى، جوبانىڭ جالپى قۇنى – 150 ملن. تەڭگە سىيىمدىلىعى – 50 ورىن، جاڭادان 12 جۇمىس ورنى اشىلاتىن بولادى. «شاقپاق» جول بويى قىزمەت كورسەتۋ ورتالىعىن قايتا قۇرىلىمداۋ، جوبانىڭ جالپى قۇنى – 76 ملن. تەڭگە، سىيىمدىلىعى – 30 ورىن، جاڭادان 10 جۇمىس ورنى اشىلادى.
سونىمەن قاتار، اۋداندا تابيعي ەمدىك ءتۋريزمدى دامىتۋ ماقساتىندا بيىل سىيىمدىلىعى 70 ورىندىق «ەتنو پارك» قۇرۋ جوباسى قولعا الىنادى. جوبانىڭ جالپى قۇنى – 417 ملن. تەڭگە، جانادان 30 ادامعا جۇمىس ورنى اشىلادى. سونداي-اق، «جايلاۋ» ەمدەۋ ساۋىقتىرۋ ورتالىعى جوبانىڭ جالپى قۇنى – 347 ملن. تەڭگە، سىيىمدىلىعى – 100 ورىن، كەشەن 50 ادامدى جۇمىسپەن قامتىماق.
ايتا كەتەرلىگى، تۇلكىباس اۋدانى تاۋلى ايماقتا ورنالاسقاندىقتان الما باۋ شارۋاشىلىعىن دامىتۋعا وتە قولايلى. 2019-2025 جالدارعا ارنالعان دامۋ باعدارلاماسىنا سايكەس، الما باۋ كولەمىن 5885 گەكتارعا جەتكىزىپ، المانى تۇلكىباس اۋدانىنىڭ برەندىنە اينالدىرۋ ماقساتى قويىلعان. مەملەكەت تاراپىنان كورسەتىلگەن قولداۋدىڭ ناتيجەسىندە 2007-2018 جىلدار ارالىعىندا 1634 گا جەرگە الما باۋى وتىرعىزىلدى. 2019 -2025 جىلدارى قوسىمشا 2450 گا جەرگە جوعارى ءونىم بەرەتىن الما سورتتارىن (گولدەن دەليشەس، سەميرەنكو، مەلبا، رەددەليشەس) وتىرعىزۋ جوسپارلانۋدا، ونىڭ ىشىندە 2019 جىلعا جوسپار – 200 گا.
اۋداندا مال بورداقىلاۋ الاڭدارىن اشۋ بويىنشا 2019-2020 جىلدار ارالىعىندا وڭىردە وندىرىلەتىن ەت كولەمىن 21،1 مىڭ تونناعا جەتكىزۋ جوسپارلانىپ وتىر. سونداي-اق، ءسۇت قابىلداۋ بەكەتتەرىنىڭ قۋاتتىلىعىن ارتتىرۋدا اۋدان كولەمىندە 13 ءسۇت قابىلداۋ بەكەتتەرى «مايلىكەنت ءسۇت» ج ش س جانە «فۋد ماستەر» اق كەلىسىم شارتپەن تاۋلىگىنە 24 توننا ءسۇت وتكىزۋدە. 2019-2020 جىلدارى 6 ءسۇت قابىلداۋ بەكەتتەرىن ىسكە قوسىپ، تاۋلىگىنە قوسىمشا 9600 ليتر ءسۇت قابىلداۋ كوزدەلگەن.
تۇركىستان وبلىسى وڭىرلىك كوممۋنيكاسيالار قىزمەتى
