قازاقستاندا 62 ملن تەڭگەدەن استام بەرەشەگٸن ۇزاق ۋاقىت ٶتەمەگەن بورىشكەردٸڭ جٷرگٸزۋشٸ كۋەلٸگٸنٸڭ كٷشٸ ۋاقىتشا توقتاتىلدى, دەپ حابارلايدى dalanews.kz.
ازاماتتىق ٸستەر جٶنٸندەگٸ كاسساتسييالىق سوت بۇل شەكتەۋ زاڭدى دەپ تانىدى.
سوت مەلٸمەتٸنشە, بورىشكەردٸڭ اتقارۋشىلىق ٸس جٷرگٸزۋ اياسىنداعى ٶتەلمەگەن قارىزى 62 ملن تەڭگەدەن اسادى. بۇعان دەيٸن جەكە سوت ورىنداۋشىسى ونىڭ مٷلكٸنە تىيىم سالىپ, ينكاسسالىق ٶكٸمدەر شىعارىپ, ەلدەن شىعۋىنا شەكتەۋ قويعان جەنە مٷلكٸن ٸزدەستٸرۋ شارالارىن جٷرگٸزگەن. الايدا بۇل ەرەكەتتەر سوت شەشٸمٸنٸڭ ورىندالۋىنا ەسەر ەتپەگەن.
وسىدان كەيٸن جەكە سوت ورىنداۋشىسى بورىشكەردٸڭ جٷرگٸزۋشٸ كۋەلٸگٸنٸڭ قولدانىلۋىن ۋاقىتشا توقتاتۋ جەنە وعان جٷرگٸزۋشٸ كۋەلٸگٸنٸڭ باسقا ساناتتارىن الۋعا تىيىم سالۋ تۋرالى سوتقا ۇسىنىس ەنگٸزگەن. بۇل تالاپتى بٸرٸنشٸ جەنە اپەللياتسييالىق ساتىداعى سوتتار قاناعاتتاندىرعان.
بورىشكەر جٷرگٸزۋشٸ كۋەلٸگٸ ٶزٸنٸڭ نەگٸزگٸ تابىس كٶزٸ ەكەنٸن ايتقانىمەن, ونى راستايتىن دەلەلدەر ۇسىنباعان. سونداي-اق سوت بەرەشەكتٸ ٶتەۋگە كەدەرگٸ كەلتٸرەتٸن دەلەلدٸ سەبەپتەردٸ انىقتاماعان.
كاسساتسييالىق سوت «اتقارۋشىلىق ٸس جٷرگٸزۋ جەنە سوت ورىنداۋشىلارىنىڭ مەرتەبەسٸ تۋرالى» زاڭعا سەيكەس, ەگەر بورىشكەر ٸرٸ كٶلەمدەگٸ قارىزدى ٶتەۋ جٶنٸندەگٸ سوت شەشٸمٸن دەلەلدٸ سەبەپسٸز ورىنداماسا, مۇنداي شەكتەۋ قولدانۋعا بولاتىنىن اتاپ ٶتتٸ.
نەتيجەسٸندە كاسساتسييالىق شاعىم قاناعاتتاندىرىلماي, تٶمەنگٸ ساتىداعى سوتتاردىڭ شەشٸمدەرٸ ٶزگەرٸسسٸز قالدىرىلدى.
