60-تان استام جابىرلەنۋشىگە اسا ءىرى كولەمدە زيان كەلتىرگەن ادام ۇستالدى، دەپ حابارلايدى Dalanews.kz.
كۇدىكتى الداۋ جانە سەنىمدى تەرىس پايدالانۋ ارقىلى جابىرلەنۋشىلەرگە ەۋروپا، اقش جانە ۇلىبريتانياعا ۇزاق جانە قىسقا مەرزىمدى ۆيزا جاساپ بەرۋگە ۋادە بەرگەن.
قىلمىستىق جاۋاپتىلىقتان قۇتىلۋ ءۇشىن ول 60-تان استام جابىرلەنۋشىمەن جالعان نەسيەلىك كەلىسىمدەر جاساپ، قىلمىسىن ازاماتتىق-قۇقىقتىق قاتىناس رەتىندە جاسىرۋعا ارەكەتتەنگەن.
كەلتىرىلگەن شىعىن 330 ملن تەڭگەدەن استام.
كۇدىكتى ۇستالدى، ونىڭ ارەكەتى قك-نىڭ 190-بابى 4-بولىگىنىڭ 2-تارماعى بويىنشا سارالانىپ، سوتتىڭ سانكسياسىمەن كۇزەتپەن ۇستاۋ تۇرىندەگى بۇلتارتپاۋ شاراسى قولدانىلدى.
قازىرگى ۋاقىتتا بارلىق جابىرلەنۋشىلەر انىقتالۋدا، سوتقا دەيىنگى تەرگەۋ امالدارى جۇرگىزىلۋدە.
قالا پروكۋراتۋراسى الاياقتىق جاساعانى ءۇشىن مۇلكى تاركىلەنىپ، 10 جىلعا دەيىن باس بوستاندىعىنان ايىرۋ تۇرىندەگى قىلمىستىق جاۋاپتىلىق كوزدەلگەنىن نازارعا سالادى.
