ءماجىلىس دەپۋتاتى رينات زايىتوۆ ەلىمىزدەگى مادەني جانە ءبىلىم بەرۋ مەكەمەلەرىندەگى قاۋىپسىزدىك ماسەلەسىن كوتەرىپ، ەگدە جاستاعى كۇزەتشىلەردىڭ جۇمىس ىستەۋىن سىنعا الدى، دەپ حابارلايدى Dalanews.kz.
ول زاڭ جوباسىنىڭ اۆتورى جارقىنبەك امانتاي ۇلى مەن ءىىم ورىنباسارى يگور لەپەحاعا رەسمي ساۋال جولداپ، مەكتەپ، اۋرۋحانا، تەاتر، مۋزەي سياقتى مەكەمەلەردىڭ تەرروريستەر ءۇشىن وسال نىسان ەكەنىن العا تارتتى.
“وسىنداي مادەني ورىندارعا بارساڭىز، كۇزەتشىلەردىڭ كىم ەكەنىن كورەسىز – 60-قا تاياعان اپالار مەن 70-كە جاقىنداعان اتالار. ولاردىڭ وزىنە كۇزەت كەرەك. قۇداي بەتىن اۋلاق قىلسىن، ءبىراق تەاتردا نەمەسە مۋزەيدە توتەنشە جاعداي ورىن السا، وعان كىم جاۋاپ بەرەدى؟ بۇل ماسەلە بويىنشا ناقتى تالاپ قويۋعا بولا ما؟ مىسالى، كەمىندە 30-دان اسقان ادامداردى عانا كۇزەتكە الۋ تۋرالى ەرەجە ەنگىزۋگە مۇمكىندىك بار ما؟” – دەدى زايىتوۆ.
بۇل ماسەلەگە قاتىستى دەپۋتات جارقىنبەك امانتاي ۇلى كەرى بايلانىسىن بەردى.
“قوعامدا، اسىرەسە بالالار وقيتىن ورىنداردا كۇزەت ساپاسىنا قاتىستى سىن-پىكىرلەر ءجيى ايتىلادى. ءبىزدىڭ جۇمىس توبىندا دا بۇل ماسەلە كوتەرىلدى. مەكتەپتەر تەرروريستىك قاۋىپ-قاتەر ىقتيمالدىعى جوعارى مەكەمەلەر قاتارىنا جاتادى. الايدا كۇزەتشىلەردىڭ باستى مىندەتى – شابۋىلدى تويتارۋ ەمەس، ءتيىستى ورگانعا دەر كەزىندە حابار بەرۋ جانە قاۋىپسىزدىك شارالارىن جۇزەگە اسىرۋ.
ءاربىر مەكەمە مەملەكەتتىك ساتىپ الۋ ارقىلى ءوز تالاپتارىن قويا الادى. سوندىقتان كۇزەتشىلەردىڭ جاسىنا قاتىستى شەكتەۋ ەنگىزۋ – ازاماتتاردىڭ كونستيتۋسيالىق قۇقىعىنا قايشى ارەكەت بولۋى مۇمكىن”، – دەدى ول.
