Májilis depýtaty Rinat Zaiytov elimizdegi mádeni jáne bilim berý mekemelerindegi qaýipsizdik máselesin kóterip, egde jastaǵy kúzetshilerdiń jumys isteýin synǵa aldy, dep habarlaidy Dalanews.kz.
Ol zań jobasynyń avtory Jarqynbek Amantaiuly men IIM orynbasary Igor Lepehaǵa resmi saýal joldap, mektep, aýrýhana, teatr, mýzei siiaqty mekemelerdiń terrorister úshin osal nysan ekenin alǵa tartty.
“Osyndai mádeni oryndarǵa barsańyz, kúzetshilerdiń kim ekenin kóresiz – 60-qa taiaǵan apalar men 70-ke jaqyndaǵan atalar. Olardyń ózine kúzet kerek. Qudai betin aýlaq qylsyn, biraq teatrda nemese mýzeide tótenshe jaǵdai oryn alsa, oǵan kim jaýap beredi? Bul másele boiynsha naqty talap qoiýǵa bola ma? Mysaly, keminde 30-dan asqan adamdardy ǵana kúzetke alý týraly ereje engizýge múmkindik bar ma?” – dedi Zaiytov.
Bul máselege qatysty depýtat Jarqynbek Amantaiuly keri bailanysyn berdi.
“Qoǵamda, ásirese balalar oqityn oryndarda kúzet sapasyna qatysty syn-pikirler jii aitylady. Bizdiń jumys tobynda da bul másele kóterildi. Mektepter terroristik qaýip-qater yqtimaldyǵy joǵary mekemeler qataryna jatady. Alaida kúzetshilerdiń basty mindeti – shabýyldy toitarý emes, tiisti organǵa der kezinde habar berý jáne qaýipsizdik sharalaryn júzege asyrý.
Árbir mekeme memlekettik satyp alý arqyly óz talaptaryn qoia alady. Sondyqtan kúzetshilerdiń jasyna qatysty shekteý engizý – azamattardyń Konstitýtsiialyq quqyǵyna qaishy áreket bolýy múmkin”, – dedi ol.
