اسا ءىرى مولشەردە ماريحۋانا ساتقانى ءۇشىن 11 جىلعا دەيىن باس بوستاندىعىنان ايىرۋ جازاسى تاعايىندالدى، دەپ حابارلايدى Dalanews.kz.
شۋ اۋداندىق سوتى اسا ءىرى مولشەردە ەسىرتكى زاتتارىن وتكىزۋ ماقساتىندا زاڭسىز يەمدەنىپ، ساقتاعانى ءۇشىن كىنالى دەپ تانىلعان قورداي اۋدانىنىڭ ءتورت تۇرعىنىنا قاتىستى ايىپتاۋ ۇكىمىن شىعاردى.
تەرگەۋ بارىسىندا 53،6 كگ ماريحۋانا تاركىلەندى. سوتتالۋشىلار بۇعان دەيىن دە وسىنداي اۋىر قىلمىستار ءۇشىن سوتتالعان بولىپ شىقتى. ولار ءوز كىنالارىن مويىنداماعانىنا قاراماستان، مەملەكەتتىك ايىپتاۋشى ءارقايسىسىنىڭ قىلمىسقا قاتىسىن جانە ءرولىن تولىق دالەلدەپ شىقتى.
قىلمىستىڭ قايتالانۋىن جانە بۇرىنعى سوتتىلىقتارىن ەسكەرە وتىرىپ، سوت ولارعا 7 جىلدان 11 جىلعا دەيىنگى مەرزىمگە باس بوستاندىعىنان ايىرۋ جازاسىن تاعايىندادى.
ۇكىم زاڭدى كۇشىنە ەنگەن جوق.
