5 جۇلدىزدى قوناق ۇيلەردە جاتتىققان: انتيكور استانالىق سپورت كلۋبتارىنىڭ بىلىعىن اشكەرە ەتتى

كوركەم الدابەرگەنوۆا 30 مام. 2024 14:56 5465

انتيكور استانانىڭ كاسىبي سپورت كوماندالارىنا جۇمسالاتىن سومانى جاريا ەتتى، - دەپ حابارلايدى Dalanews.kz.

انتيكور «سامۇرىق-قازىنا» اق سپورت فەدەراسيالارى مەن كاسىبي كلۋبتارىنىڭ قاراجاتىنىڭ ءتيىمسىز جۇمسالعانىن ايتتى.

ونىڭ ىشىندە، كاسىبي كلۋبتاردىڭ ءونىمسىز ويىنشىلارىنا تولەمدەر، كاسىبي كلۋبتاردىڭ باسشىلىعىنا جالاقىنىڭ جوعارىلاۋى، 5 جۇلدىزدى قوناق ۇيلەردە وقۋ-جاتتىعۋ جيىندارى مەن كۇماندى اگەنتتىك كەلىسىمدەر ارقىلى قاراجاتتار الىنعانى انىقتالدى.

6 جىل ىشىندە، ياعني 2018-2023 جىلدارى 4 كاسىپوداق كلۋبىن قارجىلاندىرۋعا «سامۇرىق-قازىنا» اق 138 ملرد تەڭگە دەمەۋشىلىك قاراجات بولىنگەن. ونىڭ ىشىندە - «استانا» فۋتبول كلۋبىنا - 50،1 ملرد، «بارىس» حوككەي كلۋبىنا - 48،8 ملرد، «Astana Qazaqstan Team» ۆەلوتوبى - 31،5 ملرد، «استانا» بك - 8 ملرد. 


ۇسىنىلعان
سوڭعى جاڭالىقتار