اتالعان ازامات جالعان قارجىلىق قۇجاتتار جاساپ, ٶز اتىنا زاڭسىز اۆانس بەرۋ ارقىلى «كسەلل» اق قاراجاتىن اسا ٸرٸ كٶلەمدە جىمقىردى دەگەن كٷدٸك كەلتٸرٸلٸپ وتىر, دەپ حابارلادى Dalanews.kz قارجىلىق مونيتورينگ اگەنتتٸگٸ باسپاسٶز قىزمەتٸنە سٸلتەپ.
تەرگەۋ بارىسىندا كومپانييانىڭ بۇرىنعى قارجى ديرەكتورى 2018 جىلدىڭ اقپانىنان 2021 جىلدىڭ سەۋٸرٸنە دەيٸنگٸ ارالىقتا 5 كومپانييانىڭ ەسەپشوتىنا اقشا اۋدارۋ ارقىلى قاراجات ۇرلاعان, سونداي-اق ٶزٸنە جالپى سوماسى 467 ميلليوننان استام تەڭگەنٸ قۇرايتىن اۆانس بەرگەنٸ انىقتالدى.
وسىلايشا, ول «كسەلل» اق-نا اسا ٸرٸ كٶلەمدە زييان كەلتٸرٸپ, قىلمىستىق قۇقىق بۇزۋشىلىق جاساعان.
جەدەل-ٸزدەستٸرۋ شارالارى بارىسىندا كومپانييانىڭ بۇرىنعى قارجى ديرەكتورى ۇرلانعان اقشانى الماتىداعى بۋكمەكەرلٸك كەڭسەلەردە بەس تٸگٸپ, جۇمساعانى انىقتالدى.
سوت ٷكٸمٸمەن ازامات م.شٶكەي قازاقستان رەسپۋبليكاسى قىلمىستىق كودەكسٸنٸڭ 189 بابى 4-بٶلٸگٸ 2-تارماعى بويىنشا كٸنەلٸ دەپ تانىلىپ, 7 جىل مەرزٸمگە باس بوستاندىعىنان ايىرۋ جازاسىنا كەسٸلدٸ.
سونداي-اق, ول 10 جىل مەرزٸمگە قارجىلىق جاۋاپكەرشٸلٸكپەن بايلانىستى قىزمەتتەردٸ اتقارۋ قۇقىعىنان ايىرىلدى.
