"42 500 تەڭگە" الەۋمەتتىك تولەمى تاعايىندالماعان ازاماتتاردىڭ وتىنىشتەرىن قايتا قاراۋ ءتارتىبى بەكىتىلدى، دەپ حابارلايدى Dalanews.kz.
"42 500 تەڭگە" تولەمى تاعايىندالماعانمەن كەلىسپەيتىن ازاماتتاردىڭ وتىنىشتەرىنە بايلانىستى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعداي كەزەڭىندە تابىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان (بۇدان ءارى – ءماسق) تولەمدەر تاعايىنداۋ قاعيدالارىنا (بۇدان ءارى – قاعيدالار) جوعارىدا كورسەتىلگەن تولەم تاعايىندالماعان ازاماتتاردىڭ وتىنىشتەرىن قاراۋ الگوريتمىن رەتتەيتىن تۇزەتۋلەر ەنگىزىلدى"، دەلىنەدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز حابارلاماسىندا.
ءوتىنىشتى قايتا قاراۋ ءۇشىن
بۇرىن "42 500 تەڭگە" الەۋمەتتىك تولەمىن تاعايىنداۋدان باس تارتۋ تۋرالى شەشىم قابىلدانعان وتىنىشتەردى قايتا قاراۋ ءۇشىن اۋداندىق (قالالىق) شتابقا راستايتىن قۇجاتتارمەن قوسا ءتيىستى ءوتىنىش بەرۋ قاجەت.
ءوتىنىشى قالاي بەرۋ كەرەك
جۇمىس بەرۋشى تاراپىنان – شوب، ءىرى كاسىپكەرلىك (كارانتين ەنگىزىلگەن وڭىرلەردە)، كوممەرسيالىق ەمەس زاڭدى تۇلعالار ءۇشىن. بۇل رەتتە ءوتىنىش تەك الەۋمەتتىك تولەم تاعايىنداۋدان باس تارتۋ (توقتاتۋ) تۋرالى شەشىم قابىلدانعان قىزمەتكەرلەر ءۇشىن بەرىلەدى.
ءوز بەتىنشە – الەۋمەتتىك تولەمدى تاعايىنداۋدان باس تارتۋ (توقتاتۋ) تۋرالى شەشىم قابىلدانعان جەكە كاسىپكەرلەر، جەكە پراكتيكامەن اينالىساتىن ادامدار، بجت تولەۋشىلەر، ازاماتتىق-قۇقىقتىق سيپاتتاعى شارتتار (بۇدان ءارى – اقس) بويىنشا جۇمىس ىستەيتىن ادامدار.
قانداي قۇجاتتار كەرەك
قىزمەتكەرلەرى ءۇشىن قۇجاتتار بەرەتىن جۇمىس بەرۋشىلەر ءۇشىن:
- جالاقىسى اقتالمايتىن دەمالىسقا جىبەرۋ تۋرالى بۇيرىقتار؛
- جۇمىس بەرۋشىنىڭ تج كەزەڭىندە كىرىسىن جوعالتۋ فاكتىسىن راستايتىن قۇجاتتار (بانكتىك شوتتاردان ۇزىندىلەردى قوسا العاندا، قارجىلىق جانە وزگە دە ەسەپتىلىك، بۋحگالتەرلىك بالانس جانە باسقا قۇجاتتار)؛
- مەملەكەتتىك كىرىستەر ورگاندارى قابىلداعان دەكلاراسيا (مكك-مەن سالىستىرۋ ءۇشىن، 200-نىسان).
جك جانە جەكە پراكتيكامەن اينالىساتىن ادامدار ءۇشىن:
- مەملەكەتتىك كىرىستەر ورگاندارى قابىلداعان دەكلاراسيا (مكك-مەن سالىستىرۋ ءۇشىن، 200-نىسان)؛
- تابىستىڭ جوعالتۋ فاكتىسىن راستايتىن قۇجاتتار (بانكتىك شوتتاردان ۇزىندىلەردى قوسا العاندا، قارجىلىق جانە وزگە دە ەسەپتىلىك، بۋحگالتەرلىك بالانس جانە باسقا دا قۇجاتتار).
اقس شارتتار بويىنشا جۇمىس ىستەيتىن ادامدار ءۇشىن:
- زاڭدى تۇلعامەن جاسالعان جۇمىستاردى ورىنداۋعا (قىزمەت كورسەتۋگە) ارنالعان اقس شارتى.
ۇسىنىلعان قۇجاتتاردى قاراعاننان كەيىن اۋداندىق (قالالىق) شتاب "42 500 تەڭگە" الەۋمەتتىك تولەمىن تاعايىنداۋعا قۇقىعى بار/جوعى تۋرالى قورىتىندى شىعارادى.
وڭ قورىتىندى "ازاماتتارعا ارنالعان ۇكىمەت" مەملەكەتتىك كورپوراسياسى" كەاق بولىمشەسىنە بەرىلەدى، ول "ءوتىنىش بەرۋشىنىڭ ەلەكتروندىق ءىس ماكەتىن" قالىپتاستىرادى جانە دەرەكتەردى ءماسق فيليالىنا بەرەدى. ءماسق فيليالى الەۋمەتتىك تولەم تاعايىنداۋ نەمەسە تاعايىنداۋدان باس تارتۋ تۋرالى شەشىم قابىلدايدى.
اۋداندىق (قالالىق) شتابتىڭ قورىتىندىسىمەن نەمەسە ءماسق فيليالىنىڭ شەشىمىمەن كەلىسپەگەن جاعدايدا، ءوتىنىش بەرۋشى راستايتىن قۇجاتتارمەن اۋداندىق (قالالىق) شتابتىڭ جۇمىس ورگانى ارقىلى وبلىستىق (قالالىق) شتابقا جۇگىنەدى. وبلىستىق (قالالىق) شتاب "42 500 تەڭگە" الەۋمەتتىك تولەمىن تاعايىنداۋ قۇقىعىنىڭ بار/جوعى تۋرالى قورىتىندى شىعارادى. وڭ قورىتىندى "ازاماتتارعا ارنالعان ۇكىمەت" مەملەكەتتىك كورپوراسياسى" كەاق بولىمشەسىنە جانە ودان ءارى ءماسق فيليالىنا بەرىلەدى.
كارانتين تالاپتارىن ەسكەرە وتىرىپ، ادامداردىڭ جاپپاي جينالۋىنا جول بەرمەۋ ماقساتىندا وتىنىشتەر 2020 جىلعى 1 جەلتوقسانعا دەيىن قارالاتىن بولادى.
