بۇگىندە وڭىردە 1563 سپورت نىسانى جۇمىس ىستەيدى. سوڭعى ەكى جىلدا 36 سپورت الاڭى، 3 حوككەي كورتى سالىندى. اۋىلدىق جەردەردەگى سپورت ينفراقۇرىلىمىن دامىتۋى دا باستى ورىندا. وسى كۇنگە دەيىن ءبورلى اۋدانىندا ءبىر زاماناۋي سپورت مانەجى جانە 8 سپورت كەشەنى پايدالانۋعا بەرىلدى.
سونداي-اق سپورت ينفراقۇرىلىمىن دامىتۋعا جەكە كاسىپكەرلەر دە ۇلەس قوسۋدا. ماسەلەن، ورال قالاسىندا 2 سپورت كەشەنى، ءبورلى اۋدانىندا كاسىپكەرلەر قولداۋىمەن سپورت مانەجى سالىندى.
مەملەكەت باسشىسىنىڭ تاپسىرماسىمەن 2024 جىلدىڭ سوڭىندا "قازمۇنايگاز" اق قارجىسىنا كوپسالالى سپورت-ساۋىقتىرۋ كەشەنى ىسكە قوسىلدى. سونداي-اق، مۇمكىندىگى شەكتەۋلى جاندار ءۇشىن قولجەتىمدى ورتا قۇرۋ ماقساتىندا "جاستار" ستاديونى ماڭىندا ارنايى سپورت كەشەنىنىڭ قۇرىلىسى اياقتالا كەلدى. ونىڭ اشىلۋى 2025 جىلدىڭ تامىزىنا جوسپارلانعان.
اۋىلدىق جەرلەردەگى سپورت نىساندارىنا ەرەكشە كوڭىل بولىنۋدە. كپو ب.ۆ. كومپانياسىنىڭ الەۋمەتتىك-ينۆەستيسيالىق جوبالارى اياسىندا تەرەكتى، جانىبەك، قاراتوبە، ءبورلى جانە بايتەرەك اۋداندارىندا سپورتتىق جانە مادەني-سپورتتىق كەشەندەر سالىنۋدا.
"Samruk-Kazyna Trust" قورىنىڭ قولداۋىمەن ءسارىومىر اۋىلىندا سپورت كەشەنىنىڭ قۇرىلىسى باستالدى. جەرگىلىكتى بيۋدجەت ەسەبىنەن ەسەنساي، ششاپوۆ جانە جانىبەك اۋىلدارىندا سپورت نىساندارى بوي كوتەرۋدە.
"قازاقستان حالقىنا" قوعامدىق قورى العاباس جانە قاراۋىلتوبە اۋىلدارىندا ءمودۋلدى سپورت كەشەندەرىن تۇرعىزۋدى جوسپارلاپ وتىر. بۇل نىسانداردىڭ بارلىعى 2025 جىلى پايدالانۋعا بەرىلمەك.
بۇقارالىق سپورت جانە جاڭا مەجەلەر
سالاۋاتتى ءومىر سالتىن دارىپتەۋ ءۇشىن وڭىردە اۋقىمدى سپورتتىق شارالار ۇيىمداستىرىلىپ كەلەدى. سوڭعى ەكى جىلدا 5809 ءىس-شارا ءوتىپ، وعان 318 196 ادام قاتىستى. تەك 2025 جىلدىڭ II توقسانىندا عانا 84 453 شارا وتكىزىلىپ، ونىڭ ىشىندە 1121ء-ى اۋىلدىق جەرلەردە ءوتتى. جالپى قاتىسۋشىلار سانى – 43 279 ادام.
قازىرگى تاڭدا وبلىس حالقىنىڭ 41،2%-ىن قۇرايتىن 285 941 ادام تۇراقتى تۇردە سپورتپەن شۇعىلدانادى. ماقسات – 2029 جىلعا قاراي بۇل كورسەتكىشتى 50%-عا جەتكىزۋ.
بولاشاق سپورتى – جاس تالانتتار
بالالار سپورتىن قولداۋعا ەرەكشە كوڭىل بولىنۋدە. وبلىستاعى 22 سپورت مەكتەبىندە 14 270 بالا جاتتىعادى. ونىڭ ىشىندە 9 467ء-ى وليمپيادالىق، 4 803ء-ى وليمپيادالىق ەمەس سپورت تۇرلەرىمەن اينالىسادى.
مەملەكەتتىك سپورتتىق تاپسىرىستىڭ ارقاسىندا 2024 جىلى 15 472 بالا تەگىن سپورتپەن شۇعىلداندى (قارجىلاندىرۋ كولەمى – 2،4 ملرد تەڭگە). 2025 جىلى بۇل ماقساتقا 2،713 ملرد تەڭگە قاراستىرىلعان.
جاس سپورتشىلاردى 661 جاتتىقتىرۋشى تاربيەلەۋدە. سپورت مەكتەپتەرىندە 61 سپورت ءتۇرى دامۋدا: 5 قىسقى وليمپيادالىق، 26 جازعى وليمپيادالىق جانە 10 ۇلتتىق سپورت ءتۇرى بار. جاڭا باستامالار اياسىندا بياتلون ءبولىمى اشىلىپ، جەڭىل اتلەتيكا، ۇستەل تەننيسى مەن دزيۋدو بارلىق اۋدانداردا دامۋدا.
وبلىس سپورتشىلارى حالىقارالىق ارەنادا دا تابىسقا جەتۋدە. 2025 جىلدىڭ العاشقى جارتىجىلدىعىندا ولار 414 مەدال يەلەندى، ونىڭ ىشىندە 188ء-ى التىن، 67ء-سى كۇمىس، 159-ى قولا. ازيا چەمپيوناتتارىندا – 12 التىن، 9 كۇمىس، 15 قولا، ال الەم چەمپيوناتتارىندا – 6 التىن جانە 2 قولا مەدال جەڭىپ الدى.
ءوڭىردىڭ اتىن الەمگە تانىتىپ جۇرگەن سپورتشىلار قاتارىندا زەينەپ بايانوۆا (ايەلدەر كۇرەسى)، نۇربول سەرىكوۆ (سامبو)، ماريا بروۆكوۆا (بايداركا، كانوە)، دانيال سابيت (بوكس)، اسەمگۇل عالىمجانوۆا (ءداستۇرلى ساداق اتۋ)، قىدىرباي مىرزاتاي (دزيۋدو)، بيعابىل جولامان (كاراتە)، رۋسلان ەلۋبايەۆ (ۆەلوسپورت)، كاۋسار نۇربولات (مانەرلەپ سىرعاناۋ)، اسەت قايىرجانوۆ (توعىزقۇمالاق) بار.
جاڭا بەلەستەرگە جول
مەملەكەت، بيزنەس جانە قوعامنىڭ بىرلەسكەن ەڭبەگىنىڭ ارقاسىندا ءوڭىر سپورتى قارقىندى دامىپ كەلەدى. بارلىق تۇرعىندارعا تەڭ مۇمكىندىك جاساۋ، سپورت ينفراقۇرىلىمىن جاڭارتۋ مەن كەڭەيتۋ جۇمىستارى الداعى ۋاقىتتا دا جالعاسادى. الدا – جاڭا جەتىستىكتەر مەن جەڭىستەر، ولار باتىس قازاقستاندى عانا ەمەس، كۇللى ەلدى الەمگە تانىتپاق.
