40 ميلليون تەڭگە پارا الدى دەگەن كۇدىككە ىلىنگەن تجم قىزمەتكەرلەرىن تەرگەۋ اياقتالدى

كوركەم الدابەرگەنوۆا 28 مام. 2024 09:39 1905

توتەنشە جاعدايلار مينيسترلىگىنىڭ ورتكە قارسى قىزمەتىنىڭ ءتوراعاسىنا قاتىستى تەرگەۋ اياقتالدى، - دەپ حابارلايدى Dalanews.kz انتيكورعا سىلتەپ.

سىبايلاس جەمقورلىققا قارسى قىزمەت ق ر تجم ورتكە قارسى قىزمەتىنىڭ ءتوراعاسىنا، شىمكەنت قالاسى مەن جەتىسۋ وبلىسى تجد باستىقتارىنا قاتىستى تەرگەۋدى اياقتادى.

لاۋازىمدى تۇلعالار جالپى سوماسى 40 ملن تەڭگەدەن استام بيزنەس وكىلىنەن جۇيەلى نەگىزدە پارا الۋ بويىنشا كۇدىكتى.

تەرگەۋ سوتى كۇدىكتى ادامدارعا قاتىستى قاماۋدا ۇستاۋ تۇرىندەگى بۇلتارتپاۋ شاراسىنا سانكسيالادى.

قىلمىستىق ءىس اقمولا گارنيزونىنىڭ اسكەري سوتىندا ءمانى بويىنشا قارالۋدا.

قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.

كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.


ۇسىنىلعان
سوڭعى جاڭالىقتار