سولتٷستٸك قازاقستان وبلىسىندا پەتروپاۆل ماڭىنداعى قورعانىس دامباسىنىڭ قۇرىلىسى تٶڭٸرەگٸندە داۋ شىقتى, دەپ حابارلايدى Dala News.
پريبرەجنوە اۋىلىندا دامبا سالۋعا قاتىسقان جۇمىسشىلاردىڭ ايتۋىنشا, نىسان تولىق اياقتالعانىنا قاراماستان, ولارعا شامامەن 300 ملن تەڭگە تٶلەنبەگەن. ال رەسمي دەرەك بويىنشا بۇل جوباعا بيۋدجەتتەن 3,5 ملرد تەڭگە بٶلٸنگەن.
قۇرىلىسشىلاردىڭ سٶزٸنشە, بىلتىر نىسانعا اقمولا, تٷركٸستان, ماڭعىستاۋ جەنە الماتى وبلىستارىنان بريگادالار كەلگەن. باستاپقىدا ەڭبەكاقى ۋاقىتىلى تٶلەنگەنٸمەن, كەيٸن تٶلەمدەر توقتاعان. سوعان قاراماستان جۇمىسشىلار دامبانى بەلگٸلەنگەن مەرزٸمدە, سۋ تاسقىنىنا دەيٸن اياقتاپ شىققان.
قازٸرگٸ تاڭدا ولاردىڭ كٶبٸ قيىن جاعدايدا قالعان. بٸرٸ ەڭبەكاقىسىن الماي ەلگە قايتسا, ەندٸ بٸرٸ جالدامالى پەتەردە تۇرىپ, قارىزعا كٸرٸپ, نەسيەسٸن تٶلەي الماي وتىر. كەيبٸر جۇمىسشىلارعا بٸرنەشە ميلليون تەڭگە قارىز ەكەنٸ ايتىلۋدا.
ال قىزىلجار اۋداندىق ەكٸمدٸگٸ بارلىق قاراجات باس مەردٸگەرگە تولىق تٶلەنگەنٸن مەلٸمدەدٸ. ولاردىڭ ايتۋىنشا, مەسەلە ەندٸ باس مەردٸگەر مەن قوسالقى مەردٸگەرلەر اراسىنداعى ەسەپ ايىرىسۋمەن بايلانىستى. ەكٸمدٸك ٶكٸلدەرٸ كەزدەسۋ بارىسىندا باس مەردٸگەر قارىزدى 2–3 كٷن ٸشٸندە جابۋعا ۋەدە بەرگەنٸن جەتكٸزدٸ.
الايدا باس مەردٸگەر بۇل جاعدايعا قاتىستى تٷسٸنٸكتەمە بەرۋدەن باس تارتقان. جۇمىسشىلار بولسا ۋەدەدەن شارشاعانىن ايتىپ, جاقىن كٷندەرٸ اقشا تٶلەنبەسە, پروكۋراتۋرا مەن ەڭبەك ينسپەكتسيياسىنا جٷگٸنەتٸنٸن مەلٸمدەدٸ.
وسىلايشا, سۋ تاسقىنىنان قورعاۋ ٷشٸن ميللياردتاعان قارجى بٶلٸنگەن نىسان ەندٸ ونى سالعان ادامدارعا ەڭبەكاقى تٶلەنبەگەنٸ ٷشٸن قوعامدا ٷلكەن رەزونانس تۋدىرىپ وتىر.
