قازاقستاندا 2023 جىلدىڭ قورىتىندىسىن تالقىلاعان ٷكٸمەتتٸڭ كەڭەيتٸلگەن وتىرىسىندا پرەمەر-مينيستر ولجاس بەكتەنوۆ ەل ەكونوميكاسىنىڭ نەگٸزگٸ سالالارىنداعى جەتٸستٸكتەر مەن كٶرسەتكٸشتەر تۋرالى باياندادى, دەپ جازادى Dalanews.kz.
مەسەلەن, ٶتكەن جىلى 29 ٸرٸ زاۋىت سالىنىپ, اۋىل شارۋاشىلىعى, كٶلٸك جەنە تۇرعىن ٷي قۇرىلىسى سالالارىندا بٸرقاتار ٸلگەرٸلەۋ بايقالعان.
پرەمەر-مينيستردٸڭ مەلٸمەتٸنە سٷيەنسەك, قوستاناي وبلىسىندا شويىن قۇيۋ, الماتى وبلىسىندا ۆولفرام مەن جىلۋ وقشاۋلاعىش ماتەريالدار شىعاراتىن كەسٸپورىندار ٸسكە قوسىلعان. سونداي-اق شىمكەنت قالاسىندا باعالى مەتالداردى ٶڭدەۋ, قاراعاندى وبلىسىندا كاتودتى مىس, اۆتوموبيل شينالارى مەن تۇرمىستىق تەحنيكا شىعاراتىن زاۋىتتار بوي كٶتەرگەن.
“ساران قالاسىندا زاماناۋي ٶندٸرٸستەردٸڭ ٸسكە قوسىلۋى ونىڭ مونوقالا مەرتەبەسٸنەن شىعىپ, جاڭا دامۋ ساتىسىنا كٶتەرٸلۋٸنە جول اشتى”, – دەدٸ پرەمەر-مينيستر.
بىلتىر 26 ملن توننادان استام استىق, 3 ملن توننادان استام مايلى داقىلدار جينالىپ, 4 ملن توننا استىق ەكسپورتقا جٶنەلتٸلگەن. بۇل تۋرالى بەكتەنوۆ:
“ەگٸنشٸلەردٸ سۋارمالى سۋمەن تولىق قامتۋعا باسىمدىق بەرٸلدٸ. ارال تەڭٸزٸنە 2,6 ملرد تەكشە مەتر سۋ جٸبەرٸلدٸ, بۇل ورتاشا جىلدىق كٶرسەتكٸشتەن ەدەۋٸر جوعارى”, – دەپ اتاپ ٶتتٸ.
سونىمەن قاتار 80 سۋ ارناسىن جاڭعىرتۋ جۇمىستارى اياقتالىپ, سۋ ٷنەمدەۋ تەحنولوگييالارى قولدانىلعان ەگٸستٸك كٶلەمٸ 1,5 ەسەگە (470 مىڭ گەكتارعا دەيٸن) ۇلعايدى.
19 ملن شارشى مەتر تۇرعىن ٷي سالىنىپ, دەنساۋلىق ساقتاۋ سالاسىندا 397, بٸلٸم بەرۋ سالاسىندا 298 نىسان پايدالانۋعا بەرٸلدٸ. ستۋدەنتتەرگە ارنالعان 40 جاتاقحانا (11 مىڭ ورىن) اشىلعان.
جٷك تاسىمالىنىڭ كٶلەمٸ 10%-عا ٶسٸپ, 1 ملرد تونناعا جەتتٸ. ترانسكاسپيي حالىقارالىق كٶلٸك باعىتى بويىنشا كونتەينەرلٸك تاسىمال 2,7 ەسە ارتتى.
قۇرىلىس پەن جٶندەۋ جۇمىستارى 12 مىڭ شاقىرىم اۆتوموبيل جولىن جەنە 2 800 شاقىرىم تەمٸرجولدى قامتىدى.
الماتى, قىزىلوردا جەنە شىمكەنت ەۋەجايلارىندا جاڭا ٷش تەرمينال ٸسكە قوسىلدى. بۇعان قوسا, پرەمەر-مينيستر بىلتىر قوسىمشا 300 مىڭنان استام ادام گاز جەلٸسٸنە قوسىلعانىن, 200 مىڭنان استام تۇرعىننىڭ ورتالىقتاندىرىلعان سۋ جٷيەسٸنە قول جەتكٸزگەنٸن ايتتى.
جالپى 542 شاقىرىم جىلۋ جەلٸلەرٸ, 55 جىلۋ كٶزٸ جاڭعىرتىلىپ, 6,5 مىڭ شاقىرىم ينجەنەرلٸك جەلٸ جٶندەلدٸ.
جالپى 700 مۆت-تان استام قوسىمشا ەلەكتر قۋاتى ٶندٸرٸسكە قوسىلدى. پرەمەر-مينيستردٸڭ ايتۋىنشا, ينۆەستيتسييالىق شتابتا قۇنى 50 ملرد دوللار بولاتىن 115 جوبا تالقىلانىپ, ولاردىڭ پروبلەمالىق تۇستارى تەز ارادا شەشٸمٸن تاپقان.
“ينۆەستيتسييالىق شتاب ٸس مٷددەسٸن نازارعا الىپ, بيۋروكراتييالىق كەدەرگٸلەرگە قاراماستان, ەلگە قاجەتتٸ جوبالاردى دەر كەزٸندە باستاۋعا مٷمكٸندٸك بەرەتٸن شەشٸمدەر قابىلداۋدا”, – دەيدٸ بەكتەنوۆ.
ونىڭ مەلٸمدەۋٸنشە, قازٸرگٸ كەزدە 97 تٷزەتۋ بويىنشا زاڭنامالىق ٶزگەرٸستەر ەزٸرلەنٸپ جاتىر. ولار ٸسكەرلٸك احۋالدى جاقسارتۋ ٷشٸن ناقتى مەسەلەلەرگە تٸكەلەي باعىتتالادى.
ساراپشىلاردىڭ پٸكٸرٸنشە, قازاقستان ەكونوميكانىڭ تٷرلٸ سەكتورلارىن دامىتا وتىرىپ, ينفراقۇرىلىمدى نىعايتۋعا دەن قويسا, الداعى ۋاقىتتا ٶندٸرٸس پەن ەكسپورتتاعى جەتٸستٸكتەردٸ ودان ەرٸ ارتتىرا الادى. ٷكٸمەت بۇل ٷردٸستٸ جالعاستىرۋعا نيەتتٸ ەكەنٸن كٶرسەتتٸ.
