جالال-اباد وبلىسىنىڭ اقسى اۋدانىندا 25 جاستاعى ايچٷرٶك ٶمٷراليەۆانىڭ ٶلٸمٸنە قاتىستى تەرگەۋ جٷرگٸزٸلٸپ جاتىر. مارقۇمنىڭ تۋىستارى ەيەل تۇرمىستىق زورلىق-زومبىلىقتىڭ قۇربانى بولۋى مٷمكٸن ەكەنٸن ايتسا, پوليتسييا سوت-مەديتسينالىق ساراپتاما تاعايىندالعانىن مەلٸمدەدٸ, دەپ حابارلايدى dalanews.kz.
جاقىندارىنىڭ ايتۋىنشا, ايچٷرٶكتەن ٷش بالا – ەكٸ ۇل مەن بٸر قىز قالعان. ولار ەيەلدٸڭ قايتىس بولار الدىندا وتباسىنداعى جاعدايعا شاعىمدانىپ, باسقا جاققا كەتۋگە كٶمەكتەسۋدٸ سۇراعانىن ايتادى.
مارقۇمنىڭ اعاسى اقىلبەك ٶمٷراليەۆتٸڭ سٶزٸنشە, قايعىلى وقيعا بولعان كٷنٸ قارىنداسى تۋىستارى مەن سىنىپتاستارىنا حابارلاما جٸبەرگەن.
"ونىڭ SMS-حابارلامالارى بار. سول كٷنٸ تۋىستارىنا قوڭىراۋ شالىپ: "بٸشكەككە كەتەمٸن, ماعان باسپانا جەنە تۇراتىن جەر تاۋىپ بەرٸڭدەر", – دەگەن. ال سىنىپتاستارىنا: "مەنٸ ۇرىپ جاتقان سيياقتى, ٶلتٸرٸپ جٸبەرۋٸ مٷمكٸن", – دەپ جازعان", – دەدٸ ول.
تۋىستارى ەيەلدٸڭ دەنەسٸنەن كٷش قولدانىلعانىن كٶرسەتۋٸ مٷمكٸن ٸزدەر بايقالعانىن مەلٸمدەدٸ.
"دەنەسٸنٸڭ وڭ جاعىندا سوققىدان قالعانعا ۇقسايتىن قىزىل ٸزدەر بولدى. موينىندا ساۋساق ٸزدەرٸ كٶرٸندٸ. موينىنىڭ سول جاعىنان جەلكەسٸنە دەيٸن قارا-كٶك گەماتومالار بولعان", – دەيدٸ مارقۇمنىڭ اعاسى.
ول تەرگەۋ بارىسىنا دا نارازىلىق بٸلدٸردٸ.
"نەلٸكتەن قىزدىڭ دەنەسٸندە جاراقات جوق, دەنەسٸ تازا دەپ ايتىپ جاتىر? مۇنداي قورىتىندى قانداي نەگٸزدە جاسالدى?" – دەدٸ ٶمٷراليەۆ.
ال مارقۇمنىڭ كٷيەۋٸنٸڭ تۋىستارى تۇرمىستىق زورلىق-زومبىلىق تۋرالى نۇسقانى جوققا شىعارىپ وتىر. ولاردىڭ ايتۋىنشا, ايچٷرٶكتٸڭ ٶلٸمٸ قاتىگەزدٸكپەن بايلانىستى ەمەس.
"بۇل زورلىق-زومبىلىق بولعان جوق. ەگەر ساراپتاما كەرٸسٸنشە قورىتىندى جاساسا, بٸز ونى قابىلدايمىز. بٸزگە ادام قايتىس بولعاننان كەيٸن بٸر جارىم-ٷش ساعاتتان سوڭ دەنەسٸندە گەماتومالار پايدا بولۋى مٷمكٸن ەكەنٸن تٷسٸندٸردٸ. بۇل سونداي جاعداي بولۋى ىقتيمال", – دەدٸ ولار.
جالال-اباد وبلىستىق ٸشكٸ ٸستەر باسقارماسى ەيەلدٸڭ ٶلٸمٸنە قاتىستى تەرگەۋ جٷرٸپ جاتقانىن حابارلادى.
"وقيعانىڭ بارلىق مەن-جايىن انىقتاۋ ٷشٸن سوت-مەديتسينالىق ساراپتاما تاعايىندالدى. ساراپتاما قورىتىندىسى بويىنشا بولعان جاعدايعا زاڭناماعا سەيكەس قۇقىقتىق باعا بەرٸلەدٸ", – دەدٸ وبلىستىق پوليتسييا ٶكٸلٸ.
تەرگەۋ جالعاسىپ جاتىر.
