2027 جىلعى 1 قاڭتاردان باستاپ قازاقستاندا جۇمىسىنان ايىرىلعان ازاماتتارعا تٶلەنەتٸن ەلەۋمەتتٸك تٶلەمنٸڭ مەرزٸمٸ قىسقارادى. بۇعان دەيٸن جەردەماقى التى ايعا دەيٸن تاعايىندالسا, جاڭا تەرتٸپ بويىنشا تٶلەم ٷش ايدان اسپايدى, دەپ حابارلايدى dalanews.kz.
جۇمىسىنان ايىرىلۋ جاعدايىنا بايلانىستى ەلەۋمەتتٸك تٶلەم مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸنە قاراي تاعايىندالادى.
جەردەماقى قانشا ۋاقىت تٶلەنەدٸ?
جاڭا تەرتٸپ بويىنشا تٶلەم مەرزٸمٸ ەلەۋمەتتٸك ساقتاندىرۋ جٷيەسٸنە قاتىسۋ ۇزاقتىعىنا بايلانىستى بولادى:
- 6 ايدان 12 ايعا دەيٸن – بٸر اي;
- 12 ايدان 24 ايعا دەيٸن – ەكٸ اي;
- 24 ايدان استام – ٷش اي.
وسىلايشا, 2027 جىلدان باستاپ جۇمىسىنان ايىرىلعان ازاماتتارعا تٶلەنەتٸن جەردەماقىنىڭ ەڭ ۇزاق مەرزٸمٸ ٷش ايدى قۇرايدى.
جەردەماقى مٶلشەرٸ قالاي ەسەپتەلەدٸ?
ەلەۋمەتتٸك تٶلەمنٸڭ مٶلشەرٸ ازاماتتىڭ بۇرىنعى تابىسىنا جەنە ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸنە بايلانىستى ەسەپتەلەدٸ. تٶلەم مٶلشەرٸ ەڭ تٶمەنگٸ جالاقىنىڭ جەتٸ ەسەلەنگەن مٶلشەرٸنٸڭ 45 پايىزىنان اسپاۋعا تيٸس. ناقتى سوما ەلەۋمەتتٸك اۋدارىمدار جٷرگٸزٸلگەن تابىس پەن ساقتاندىرۋ جٷيەسٸنە قاتىسۋ ٶتٸلٸ ەسكەرٸلە وتىرىپ انىقتالادى.
مىسالى, ازاماتتىڭ ورتاشا ايلىق تابىسى 120 مىڭ تەڭگە بولسا جەنە ونىڭ ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸ بەس جىلدان اسسا, اي سايىنعى تٶلەم شامامەن 54 مىڭ تەڭگەنٸ قۇراۋى مٷمكٸن.
جۇمىسسىزدىق بويىنشا جەردەماقىنى قالاي الۋعا بولادى?
جۇمىسىنان ايىرىلعان ازامات الدىمەن جۇمىس ٸزدەۋشٸ رەتٸندە تٸركەلۋٸ كەرەك. ول ٷشٸن مانساپ ورتالىعىنا جٷگٸنۋگە نەمەسە ەلەكتروندىق ٷكٸمەتتٸڭ eGov.kz پورتالى مەن Enbek.kz پلاتفورماسىن پايدالانۋعا بولادى. ەگەر ازاماتقا جۇمىس تابىلماسا جەنە ول زاڭنامادا بەلگٸلەنگەن تالاپتارعا ساي كەلسە, جۇمىسسىز مەرتەبەسٸن الىپ, ەلەۋمەتتٸك تٶلەمگە ٶتٸنٸش بەرە الادى. جەردەماقى الۋ قۇقىعى ازامات جۇمىس ٸزدەۋشٸ رەتٸندە تٸركەلگەن كٷننەن باستاپ تۋىندايدى.
سونىمەن قاتار جۇمىسسىز ازاماتتارعا جۇمىسپەن قامتۋعا جەردەمدەسۋدٸڭ باسقا دا شارالارى ۇسىنىلۋى مٷمكٸن. ولاردىڭ قاتارىندا كەسٸپتٸك وقىتۋ, بٸلٸكتٸلٸكتٸ ارتتىرۋ جەنە سۋبسيدييالاناتىن جۇمىس ورىندارىنا ورنالاسۋ بار.
جاڭا تەرتٸپ كٸمدەرگە قولدانىلادى?
جاڭا ەرەجەلەر 2027 جىلعى 1 قاڭتاردان باستاپ ەلەۋمەتتٸك تٶلەم تاعايىنداۋعا ٶتٸنٸش بەرگەن ازاماتتارعا قولدانىلادى. ال وسى كٷنگە دەيٸن جەردەماقى تاعايىندالعان ازاماتتارعا تٶلەم بۇرىن بەكٸتٸلگەن مەرزٸم اياقتالعانشا قولدانىستاعى تەرتٸپپەن جالعاسادى.
